الموضوع: seat ibiza for sale

المشاركة الأصلية كتبت بواسطة max_ziro

هههههههههههه
مع احترامى للجميع
و مليش دعوة بسعر العربية عشان انا معرفش هى بكام اصلا
بس جميل اوى الفيلم الى معمول و الناس الى عماله ترد على بعض دى هههههههههههههههههههههه

وانا معاك بحب الافلام دى أوى والله :)

خصوصا بقى لو لبسنا كمان نظاره 3D ياااااه

المشاركة الأصلية كتبت بواسطة sakoury

هو السعر عالي بس انا كنت جايب واحدة زيها و زبطها ورجعت بعتاها مرة تانية ب36000 بس كانت رشة دواخل و دي لو فابريقة دواخل تبقى تمام بس انا عايز أشوفها

36 الف ايه ده كان معايا واحده رشه بعض الدواخل مش عشان حادثه ده عشان بارومه وكام شرخ عشان اللى كان راكبها شاب بيخمس وكده وفتحه سقف فابريكه وجنوط 15 وكاوتش سرعات وتكيف بس مش شغال
اتباعت ب 21 الف

36 الف ايه يا باشا !!!!!!!!!!!!!!!!!!! انت عامل اكونت مخصوص عشان تغنى علينا

انا مش عاوز اتكلم من كام يوم واعلق على سعر العربيه من مبدأ ان صاحبها شاددها وعامل فيها شغل

لكن كده الموضوع بقى سخيف

المشاركة الأصلية كتبت بواسطة syd

العربية ما شاء الله عليها واقفة علي حيلها والجنوط والكاوتش الي فيها غاليين مش رخاص

موفق في البيع
والسعر طبيعي اوي علي الكماليات الي فيها

هو بس في ملحوظات
1- انت معدلها لشكل ال98 ودة ممكن يقلل منها
2- تسقيط موتور غير موتورها بردو ممكن يقلل منها

موفق في البيع إن شاء الله

وبردو الكلمة الأخيرة بعد المعاينة

والله المستعان
،
،

فيه ناس بالنسبالها تعديل الشكل وتسقيط الموتور ميزه مش عيب وانا منهم

لكن اللى يخلينى اركب دى ب 39 ال او حتى بعد الفصال ب 36 الف اركب ابيزا 2001 او 2002 الشكل الجديد كامله وبنفس السعر ودور فى كونتاكت حتلاقى الكلام ده