الاوبل الجديد جامد جدا opc
موتور يبدا ب 1.4 وبيدى 140 حصان
بس مش عارف بقى دة بينزل مصر ولا لا
عرض للطباعة
صاحبى أنتيمى كان معاه ميجان هاتشباك 2006, و بعدين ليون 2008 و حاليا بيشترى بيجو 308 و أنا سقتهم كلهم
الميجان مريحة جدا فى السواقة, باور ستيرنج ناعم, عفشة ناعمة, فرامل قوة, أوبشنز لذيذة (حسب الفئة) و موتورها حلو
بس شكلها أنا شخصيا مش عجبنى قوى من برة و جوة
الليون بقى وحش (كانت مانيوال) شكلها رهيب و فى فيها كل مميزات الميجان و عليهم أوبشنز زيادة (زى voice commands و سوند سيستم جامد جدا)
البرافو ماسوقتهاش قبل كدة بس مشكلتها التوكيل ضايع و stability أقل شوية من الليون
الميجان 3 عربية ممتازة و عن تجربة و مناسبة جدا للطرق المصرية و مش معقدة زى السيارات الفرنسية .. لمسة نيسان واضحة على السيارة ..
توكيل معقول جدا ..و انتشار كبير لاختها الكبيرة السيدان حيساعد فى قطع الغيار بعد كدة ...
هاتشب باك متوازنة جدا بالنسبة لامكانيتها مع سعرها ..
ممكن تروح التوكيل و تطلب تجربها لو عاوز
rs12
معلش كنت عايز استفسر من حضرتك على حاجه عشان انا بصراحه بعد ما شفت الاسعار الجديده للعربيات
البرافو 169
الليون 164
السي 4 2012 165
ال116i ب245
رجعت في كلامي جامد و استقريت و الحمدلله اني اجيب C4 2011 زيرو بما ان حضرتك خبرة في ستروين هل هلاقي 2011 زيرو و لا هتقفل في وشي كالعاده لما اجي اشتري و مش هيبقى ادامي غير 2012 و هل العربيه مشاكلها كتيير ولا لأ ؟
بص يا باشا
انا النهاردة كنت فى عز العرب بغير ازاز العربية بتاعتى و كان فيه هناك واحدة كوبيه 2011 بس للاسف مكانش فيه اى حد sales هناك فأنا قعدت 8 ساعات هناك بتفرج على العربيات مع نفسى كده .. طبعا معرفتش اى اسعار من الجديد بس ان شاء الله مادام فيه كوبيه هيبقى فيه هاتشباك عادى
بس انا بعد اذنك ليا رأى مختلف عن حضرتك شوية .. انا شايف ان لو 2012 بـ 165 الف فالـ 2011 كانت بـحوالى 145 الف يعنى فرق 20 الف فشايف لو تقدر تيجى على نفسك و تدفع الـ 20 الف الزيادة قصاد عربية مختلفة تماما فى الشكل و الموضوع
على فكرة انا بحب شكل الستروين الـ C4 2011 جدا و شكلها مميز جدا ماشاء الله بس حرام انك تجيب عربية زى ديه فى الظروف ديه خصوصا حضرتك عارف سوق الستروين لو جيت تبيعها بعد شوية هتنزل حوالى 50 الف فانا شايف ان حضرتك تشوف الـ 2012
و العربية 2011 انا سمعت من اكثر من حد انهم حلوا مشكلة الفتيس الستبترونيك المشهورة فى الموديل ده فى موديلات 2006 و كده بس العربية هيا هيا زى 2006 مفيش تغيير الا فى الشبكة الامامية و العداد الديجيتال
و تقريبا مفيش فى العربية ديه مشكلة الا حكاية اعادة البيع بس :_Alshmokh08[1]:
عامة يا باشا
انا هبعتلك نمرة المسئول عن الـ sales فى عز العرب و تكلموا بكرة ان شاء الله و هو هيخلصلك الموضوع ده
متشكر ليك اوي يا باشا بس هو فعلا انا المبلغ المعايا 160 بالظبط فقلت احوش منه شوية واجيب 2011 انا مش فارق معايا اوي موضوع الشكل الجديد و لو زودت عن ال 160 مش هيبقى في صالح الستروين و انا مش ناوي ازود الصراحه .. انا مش متأكد هي 165 او 167 عشان الراح اتوماك لخبط السعر :@ انا عاجبني الشكل بتاع 2011 من جوه و برة و البانوراما و الكلام ده ممكن حضرتك تجيبلي لينك بمواصفات 2011 الكاملة و متشكر على الرقم هكلمة بكرة ان شاء الله استفسر منه و معلش اعبك معايا .. و اسمك ايه بقى عشان نبطل يا باشا دي و الكلام ده .. انا حسين