الموضوع: محتار في عربية هاتشباك !!!

انصحك تستنى شوية علشان الوضع الاقتصادى ممكن اسعار تنزل واسعار تعلى
لو الفلوس مش فارقة انصحك بالجولف طبعا
لو مش معاك تمن الجديد ممكن حاجة زى جولف 5 كسر زيرو ولو لقيت ال 1800 تربو او العادى كويس جدا
بس صدقتى مش حتلاقى متانة وقطع غيار بتعيش وركبة زى الالمانى

المشاركة الأصلية كتبت بواسطة sehs02

ردك منطقي والله يا باشا انا سعيد بالنقاش معاك :) :) بص هو الخوف مش من سيتروين الخوف هيبقى من الوكيل الممكن اسألوا يقلك كلو هيبقى موجود يا باشا والكلام ده بحكم ان العربية جديده لسه نازلة السوق او بمعني اخر منزلتش ... وفي الاخر يقلك مش موجود لما يحصلك حاجه لا قدر الله .. و على فكرة لو حضرتك اخدت بالك انا كل الانا منقى مش منتشر عارف انها ميزة بس مكنش انا اول من يجرب برضه دي تقيلة شوية

و الله و انا اسعد بالنقاش عشان ماشاء الله واضح ان حضرتك فاهم و مش عايز تركب اى حاجة شكلها حلو و خلاص

هو انا بصراحة شايف الخوف من عدم التوافر جوة التوكيل مش اوى يعنى .. الخوف من اسعار قطع الغيار .. حضرتك عارف طبعا ان اسعار قطع غيار عربية عادية زى الـ c4 فى التوكيل اسعار تعتبر عالية .. فالـ ds3 عربية جديدة و مش اى حد هيركبها طبعا فأعتقد ان سعره قطع غيارها هيبقى مشكلة و ان كان الكلام دا مش عن يقين .. انا برضه نفسى اعرف النقطة ديه لأن ان شاء الله لو ربنا كرم ممكن افكر فيها فى المستقبل

اه يا باشا فعلا اختياراتك مميزة و انا شايف كده من اول الموضوع فعلا .. هى فعلا مخااطرة بس زى ما قلت لحضرتك ليها مميزات و ليها عيوب

المشاركة الأصلية كتبت بواسطة sehs02

والله تبقى عملت فيا احلى جميل يا باشا عشن انا برضه اتوقع انه هيكون اغلى بس البقولو لنفسي اغلى كام اذا كان 2011 ب 210 تبقى دي بكام بعد الموتور الجديد و الكلام ده و بالنسبة للaudi a1 و ال a3 بكام عشان انا ميزانتيتي مش مفتوحه اوي يعني ده مجرد اقتراح البي ام بعد ما لقيت عرض حلو في واحده 2011 فقلت اشوف 2012 بكام قبل مأقرر :) انما ايه رأي حضرتك في ال 116i اصلا هل تستاهل اني اعلى الميزانية ولا اكتفي بالبرافو ؟؟
بالنسبة للميني عارف انك ممكن تستغرب بس عمري مستريحت للعربيه دي معرفش ليه مش بحبها كده

لا بعد ارقام المواتير اللى قريتها فى الجرنال النهاردة اتوقع ان الـ 116i هتعدى جامد فى السعر و يا رب توقعى يبقى غلط

الـ a1

base-line non ....llic 205
base line ....llic 215
high line 245

فرق مثبت سرعة و فتحة سقف و اكسسورات الـ s-line و الباركنج سنسور ( دول اللى فاكرهم بصراحة .. نسيت اخد البروشور )
العربية 1400 , 124 حصان , فتيس s-tronic سبع سرعات

الـ a3

235 و هى فئة واحدة

بس بصراحة الـ a1 من جوه و بره اشيك كثير

انا بصراحة مش من هواة اقتناء الاسماء اوى يعنى مش بتفرق معايا انى ابقى راكب العربية no.1 بس المهم انها تكون صفقة رابحة بالنسبة لى فى كل حاجة سعر , كماليات , اداء

فأنا شايف بصراحة مفيش فرق بين البرافو و الـ 116i بالعكس البرافو موتورها اقوى طبعا لو بنتكلم على موديل 2011 .. مفيش فرق الا البراند نيم بس .. ديه فيات و ديه بى ام دابليو

بس على ارض الواقع انا لو مكان حضرتك برافو بصراحة

بخصوص المينى كوبر .. انا مشفتش الا ناس مش بتحبها خالص و ناس تانية بتموت فيها و فى الاخر يا باشا ديه اذواق و لولا اختلاف الاذواق لبارت السلع

المشاركة الأصلية كتبت بواسطة vinosse

انصحك تستنى شوية علشان الوضع الاقتصادى ممكن اسعار تنزل واسعار تعلى
لو الفلوس مش فارقة انصحك بالجولف طبعا
لو مش معاك تمن الجديد ممكن حاجة زى جولف 5 كسر زيرو ولو لقيت ال 1800 تربو او العادى كويس جدا
بس صدقتى مش حتلاقى متانة وقطع غيار بتعيش وركبة زى الالمانى

اعتقد ان الاسعار صعب اوى تنزل فى الفترة ديه خصوصا

و ان كنت اتمنى انها تنزل مستقبلا

الجولف 6 بصراحة شكلها ميشجعش .. كلاسيكية زيادة عن اللزوم و فئة البيزلاين بحسها بصراحة مفيهاش اى حاجة حلوة الا انها جولف بس .. موتور مش قد كده , اوبشنز برضه مش عالية ، شكلها مش مميز

اما الـ tsi highline فكلام تانى بقى لو استبعدنا شكلها اللى مش عاطفى بالنسبة لى