اخوكم من اسكندرية و محتاج مساعدة ضروري من أهل القاهرة

**youssefmegane** · 22-09-2011 06:18 PM

أنا من اسكندرية يا جماعة و. جيت القاهرة علشان أختى بتعمل عملية فى العامود الفقري..المشكلة أن امبارح رحت توكيل رينو فى اسكندرية و غيرت طقم دبرياج و سافرت الصبح .العربية كأنها مفكوكة خالص من تحت و الدركسيون بيعوم بطريقة فظيعة و ال أبى إس. فاصل الحمدلله أنى وصلت سليم .العربية بايظة منى خالص يا جماعة.و أنا لازم أرجع اسكندرية بعد بكرة الصبح و مش هاقدر أسافر بيها.أرجوكم قولولى أكلم مين ينقذنى من الورطة دى.ائ حد يبعتلى رقم تليفونه و يساعدنى..العربية ميجان 2007 و أنا قاعد عند ناس قرايبى فى النزهة الجديدة.أرجو المساعدة

**ramy_gamal** · 22-09-2011 06:28 PM

اولا الف سلامه على اختك وعلى وصولكوا بالسلامه
اعتقد ممكن حضرتك بالفواتير تروح توكيل رينو فى القاهرة وهما يربطوا العفشه

**gazzar91** · 22-09-2011 06:49 PM

المشاركة الأصلية كتبت بواسطة youssefmegane

أنا من اسكندرية يا جماعة و. جيت القاهرة علشان أختى بتعمل عملية فى العامود الفقري..المشكلة أن امبارح رحت توكيل رينو فى اسكندرية و غيرت طقم دبرياج و سافرت الصبح .العربية كأنها مفكوكة خالص من تحت و الدركسيون بيعوم بطريقة فظيعة و ال أبى إس. فاصل الحمدلله أنى وصلت سليم .العربية بايظة منى خالص يا جماعة.و أنا لازم أرجع اسكندرية بعد بكرة الصبح و مش هاقدر أسافر بيها.أرجوكم قولولى أكلم مين ينقذنى من الورطة دى.ائ حد يبعتلى رقم تليفونه و يساعدنى..العربية ميجان 2007 و أنا قاعد عند ناس قرايبى فى النزهة الجديدة.أرجو المساعدة

انت كده للأسف مش هتعرف تروح بيها التوكيل نظراً لأنك هتسافر السبت الصبح.... كلم الهوت لاين بتاع eim وفي الغالب هيودوك الميكانيكيون العرب لأنه أقرب مركز خدمة للنزهة الجديدة و لو حضرتك مستعجل كلمني على الهاص يمكن نشوفلها حل

في رعاية الله

**youssefmegane** · 22-09-2011 06:52 PM

المشكلةان التوكيل اجازة بكرة و أنا مش هاقدر اقعد ليوم السبت و لا هاقدر أسافر بيها كده .فمش عارف أعمل ايه

**A.Saad** · 22-09-2011 09:57 PM

ممكن تروح بريدجستون اللى فى عمارات العبور
لو تقدر تروح اليوم لانهم غالبا اجازة بكرة
هيربط عفشة وعندهم ظبط زوايا
ولو قالوا حاجة تانية يبقى بكرة عندك وقت