مكالمة غريبة بس اكييد كل دة نصب

**matrix_it** · 22-09-2011 08:13 PM

جالى النهاردة مكالمة رديت لقيت واحدة بتقولى احنا مش عارف شركة ايه و بنقدم لحضرتك عرض وهو كالاتى
انا المفروض اشترى من عندهم ملف زى كوبونات ملياااان خصومات
انا قولت اعرف اكتر مانا مش خسران حاجة
قالتلى ان الخصومات دى لمدة سنة لا والسنة كمان 13 شهر
و الخصومات مش فاكر فى محلات ايه من كترهم بس انا فاكر : برجر كينج , daniel hetchier , ابو شقرة , مون لايت
المهم الخصومات من 10-25 % و فى محلات الاكل اول مرة ببلاش بعد كدة بيبقى فى خصم
اما بقى مون لايت دة تقريبا بتاع ساعات فى خصم 400 جنيه
وكل دة ب 105 جنيه بس
انا قولت اخد رايكوا قبل ما اجيبوا ولو انى مش مطمن

**أحمد كمال** · 22-09-2011 08:19 PM

الحداية ما بتحدفش كتاكيت ... و ماتنساش ...... "تطبق الشروط و الأحكام" ....

**matrix_it** · 22-09-2011 08:33 PM

فعلا اكسكلوسيف !!!!!!!!!!!!!!!

**grand hand** · 22-09-2011 08:37 PM

الشركات دى اكيد بتبقى عارفة هى بتتصل بمين والا ممكن يتصلوا بشريحة غير مستهدفة زى فلاح مثلا قاعط فى غيطه ولا واحد من اقصى اقاصى الصعيد مش ممكن يفكر انه يتعامل مع المحلات والمطاعم دى، بيوصلوا للارقام ازاى ده اللى نفسى اعرفه!

**matrix_it** · 22-09-2011 08:46 PM

طب ايه الكلام انا محتار !!!!!!! انا كدة كدة عايز اجيب موبايل فا لو لقيت عروض على موبيلات ممكن اجازف
بسبجد عايز راى مجرب

**Ahmed Selim** · 22-09-2011 09:06 PM

المشاركة الأصلية كتبت بواسطة أحمد كمال

الحداية ما بتحدفش كتاكيت ... و ماتنساش ...... "تطبق الشروط و الأحكام" ....

مش شرط يا برنس

هنا فى حاجة أسمها The Entertainer ده كتيبات مختلفة حسب أنت إتجاهاتك أيه.....متوسط سعر الواحد 250 درهم.

بيعمل أيه ده بقى ....هنقول أنك أشتريت كتاب أسمه fine dining .....فيه كوبونات خصم على مطاعم كتير جداً و معظمها فى فنادق أو مطاعم غالية عموماً.....معظم الكوبونات.....فرد بفلوس و فرد ببلاش.

قيس على كده كتيب أسمه family للمطاعم العادية زى chilli's و خلافه.....محلات أيس كريم مشهورة...وايلد وادى....أكوافنتشر....سكى دبى....إلخ.

و فيه كتيبات تانية للسفر و السياحة ليلة مدفوعة و ليلة ببلاش فى الفنادق و ساعات تذاكر سفر و سفارى إلخ.

الكتيبات دى موجودة فى البحرين و قطر و الكويت و الإمارات......كل بلد و ليها إصدار خاص بيها.

و فعلاً بعض الكتب ممكن تجيب الثمن اللى دفعته فيها من أول مرة أو مرتين أستخدام.

و على ما أذكر كان فيه فى مصر حاجة غير exclusive أسمها Club 7 و دى كنت مشترك فيها أعتقد كانت ب 700 جم جبتهم من مرة أستخدام ( ليلة فى Sofitl و ليلة ببلاش )

**matrix_it** · 22-09-2011 09:18 PM

طب ياريت الاستاذ هارون يفهمنا الموضوع بظبط لانه معاهم من 3 سنين

**Bonanza** · 22-09-2011 09:26 PM

اكسكلوسيف شركة كويسة و عروضها و خصوماتها حقيقية

في كمان شركة بريميم premiumcard و دي شركة بتديك كارت تقسيط بدون فوائد علي عشر شهور

يعني تشتري حاجة بالف جنيه تاخدها و تمشي و تبتدي اقساطك الشهر اللي بعدة و تدفع 100 جنيه في الشهر

طبعا علي حسب مرتبك كام بيفتحولك ليميت معين للمشتريات يعني مثلا مشتريات باربع الاف او خمسة او عشرة علي حسب مرتبك

بتقسط لشركة بريميم او لبنك محدد لحساب بريميم او لو التعاقد معاهم تبع شغلك بيتخصم القسط من مرتبك

محلات كتير بقي متعاقدة مع بريميم دي من جميع المجالات - ملابس - مطاعم - هدايا - ساعات - برفانات - اجهزة كهربائية - اجهزة اليكترونية - بريدجستون كمان - مستشفيات - اثاث منزلي

حاجات كتير ممكن تشوفوها علي السايت بتاعهم

دا بصراحة جامد جدا و الشركة عندي بتشتركلنا فيه