شهادات الزواج الكمبيوتر

**Sh_sunsea** · 23-09-2011 03:36 PM

ازيكوا يا جماعة - كنت عايز أستفسر بخصوص شهادات الزواج الي بتطلع بالكمبيوتر من السجل المدني زي شهادات الميلاد الكمبيوتر

أولا: بتتعمل ازاي - ايه الورق المطلوب ليها وايه الي بيتم اثباته فيها - تاريخ الزواج فقط ولا بيتم اضافة الاولاد عليها

ثانيا: إيه لازمتها - شهادة الميلاد بقت كمبيوتر علشان بتطلع عليها كل شوية - لكن دي الهدف منها إيه .؟؟؟

**Sh_sunsea** · 23-09-2011 08:13 PM

هل موضوع شهادة الزواج الكمبيوتر ده جديد لدرجة ان مافيش حد عنده معلومات عنه

ولا مافيش حد عايز الموضوع يبقى رسمي زي شهادة الميلاد :d :d

**hossam_elwani** · 23-09-2011 08:40 PM

نا اول مره اسمع عنه

**Sh_sunsea** · 23-09-2011 08:46 PM

أي حد راح قريب السجلات المدني هيلاقي ورقة متعلقة

شهادة ميلاد 7 جنيه
شهادة وفاة 6 جنيه
شهادة زواج 17 جنيه
شهادة طلاق 16 جنيه

وناس رايحة تغير بيانات في العباسية علشان مثلا واحد نازل تاريخ الزواج غلط - وواحد تاريخ ميلاده الي مكتوب في شهادة الزواج غلط - وعايزين يصلحوه - انا عرفت الموضوع ده أول مرة وانا بغير بيانات غلط في شهادة ميلاد ابني

**Sherifmt** · 23-09-2011 10:12 PM

انا استخرجتها في 15 دقيقة من السجل المدني في شارع الهرم قدام كايرو مول مع اني متجوز من 14 سنة وكانت اساسيه علشان اوثقها من سفارة السعودية كشرط اساسي علشان استقدم اسرتي
وقفت في الصف ودفعت الرسوم والطوابع وبعد كدة طلعت لمقدم شرطة في الدور الثالث هو مدير السجل ختمها وبعد كدة رحت مكتب توثيق وزارة الخارجية وثقتها ب11 جنية ودخلتها القنصليه السعودية تتوثق تاني كاخر خطوه وبعد كدة قدمت صورتها هنا في مكه مع باق الأوراق.(داخل مصر مش بتحتاج توثيق لأنها مستند رسمي بذاته)
فايدتها انها مستند الأسره بكل ما يخصها تموين معاشات جوازات وخلافه

تحياتي

**Sherifmt** · 23-09-2011 10:19 PM

أسف نسيت نقطة الأوراق المطلوبة بطاقتك رقم قومي فقط للأطلاع والبينات اللي بتطلع فيها طبعا اسمك واسم والدتك واسم الزوجة واسم والدتها وتاريخ ومكان الزواج وهي نفس حجم شهادة الميلاد المميكنه ولونها موف.

تحياتي

**walidmhafeez** · 23-09-2011 10:23 PM

بديل لعقد الزواج الرسمي ( اللي اعرفة انه بيطلع عقدين زواج فقط ) و بتحتاجه دلوقتي في حاجات كتير, يعني مثلا التقديم بتاع القيد العائلي للجيش ( كنت عامله من سنة) بيحتاج ان كل الوثائق تكون كومبيوتر ( من وثيقة زواج او طلاق او وفاة او ميلاد) و بصراحة انا شايفه احسن كتير بيطلع في اقل من دقيقة زيه زي شهادة الميلاد و لا وجع الدماغ بتاع وثيقة الزواج العادية, وحتي شهادة الوفاة الكومبيوتر بتاخدها وانت واقف و ب 6 جنيه( العادية ب 10 جنيه وتيجي تاخدها اليوم اللي بعده9

**Sh_sunsea** · 24-09-2011 10:25 AM

تمام تمام - والله كويس - الواحد يحاول يطلعها قريب علشان يعرف رقمها ويتأكد من بياناتها اذا احتاجها - الخوف بس لما أطلعها ألاقي فيها أي خطأ من الأخطاء الكوميدية الي كنت شايف الناس رايحة تعدلها في العباسية

واحد كاتبين تاريخ ميلاده غلط - ويقولوله لا ده مضبوط - روح غير تاريح الميلاد في شهادة ميلادك انت
والتاني كاتبين اسمه غلط أو اسم والدته - عندنا قدرة برضه على تحويل كل شئ حديث الي وسيلة تعذيب ..؟؟

**aazmy** · 25-09-2011 02:13 AM

علي فكرة انت ممكن تطلعها من عل النت من غير ما تروح و بيزودا علي الرسوم 8 جنيه تقريبا و بتجيلك في الكان اللي انت عايزو
انا طلعتها كدة

**Sh_sunsea** · 26-09-2011 11:24 PM

ياريت اللنك الي طلبت بيه شهادات الميلاد

الموضوع: شهادات الزواج الكمبيوتر

LinkBack

أدوات الموضوع

عرض

شهادات الزواج الكمبيوتر - انشر الموضوع فى :

-

-

-

-

المواضيع المتشابهه

النتائج المترتبة على الزواج الثاني ردا على موضوع منافع الزواج الثاني

عالم شهادات

حد يعرف مكان تعديل بيانات شهادات الميلاد (الكمبيوتر) بالقاهرة

الكلمات الدلالية لهذا الموضوع

المفضلات

المفضلات

ضوابط المشاركة