الموضوع: استشارة فى شراء شاليه

شكرا شيكو باشا

انا روحت النهاردة فرع الدقى

جبت معلومات تكفينى : اولا هى بينها و بين مطروح 85 كيلو و بينها و بين سيدى كرير 180 كيلو فلذلك هى اقرب لمطروح

ثانيا يوجد لديهم وحدات جاهزة للاستلام يتراوح سعرها ما بين 180 الى 120 و شوية صغيرين حوالى 10 شاليهات متوزعين فى انحاء القرية و ابو 180 ده 3 صف على البحر

الشاليهات اللى ب 100 و 90 عند ميدان التمساح مبنين خرسانة و لسه هيتشطبوا و باقى منهم اربع شاليهات فقط

الصيانة تدفع 10000 عند الاستلام و بتكون وديعة مدى الحياة لاتحاد الملاك يصرف منها على الحراسة او بمعنى اخر الدية للعرب + مصاريف الصيانة

القرية تبعد عن الضبعة مسافة 10 دقائق

نظام الدفع 25 تعاقد + 25 استلام +10 وديعة تدفع عند الاستلام + الباقى قسط

المرافق فيه مياه و كهرباء لكن الكهرباء مش من الشبكة لكن من جوز مولدات و بيشتغلوا فى الصيف على طول و فى الشتاء 12 ساعة

شركة الكهرباء عاملة مقايسة ب 7 مليون جنية لادخال الكهرباء للقرية لكن اتحاد الملاك شايفه مبلغ كبير و بيبحث ادخالها مشترك مع القرى المجاورة

ده اللى فاكره

و عنى فانا صرفت نظر عن القرية دى لاسباب اولها : بعدها فالاولى انى اخد فى مطروح على الاقل لو حبيت انزل فى الشتاء الاقى كهرباء و خدمات , ثانيهم : حوار المولدات ده قفلنى من الموضوع لانى مهندس كهرباء و شغال بالفعل فى محطة توليد خاصة و عارف ان بعد فترة تطول او تقصر ان المولدات دى هتخش فى عمرات و بعد فترة بخ هتحتاج تتغيير فاضمن منين انه يجى بعد فترة اتحاد الملاك يسن قانون بضرورة دفع كذا للتغيير و الكلام ده كله بجانب مشاكل التوليد اللى عايشها من عند انتظام جودة الكهرباء تبعا للاحمال و ظروف التشغيل + ان فى موقع القرية كاتبيين ان مالك الشالية بيدفع تمن الكهرباء المستهلكة يعنى نار لان التوليد الخاص مكلف فى مصاريف التشغيل و الصيانة , اخيرا توجد محطة كهرباء نووية بحثية فى الضبعة بها مفعلان صغيران فبالتالى تبريد المفعلان من ماء البحر و جودة المنظومة غير مضمونة فى مصر + انهم ممكن فى اى وقت يبنوا محطة نووية كاملة ساعتها مشكلة الكهرباء هتتحل لكن المنطقة سعرها هيسقط و ممكن ميبنوش هو مجرد تخوف ليس الا

انا صرفت نظر عن القرية دى لكن الفكرة لا تزال قائمة

المشاركة الأصلية كتبت بواسطة mzeid

هي بعد آخر بوابة في مارينا بكيلو او 2 يعني الكيلو 100 و حاجة

عبارة عن عمارات فندقية افتكر كانوا 8 ادوار تقريبا
فيها ملاعب جولف و اكوابارك صغيرة كدة و حمامات سباحة و مجرى مائي صغير

الوحدة مفيهاش اي مطبخ هما غرفتين و حمامين و صالة و فيها بلكونتين
الوحدة مساحتها صغيرة لكن مش فاكر كام بالضبط

الكهرباء هناك بالكرت بتشحن فيه رصيد
كل عمارة فيها نظام امني ضد الحريق و الدخول الغير مسموح
كل عمارة فيها اسانسيرين اخر فخامة :))))

الثمن بيبدأ من 200 ألف و كل دور بيزيد 10 ألاف عن اللي تحته

و الحاجات الجاهزة ممكن تاخدها من ناس على حدود 400 ألف

العمارات فيها من تحت كافيهات و مطاعم


بس بصراحة انا شايفها نظام اللي تقضي وقتك في الساحل او مارينا و ترجع تبات فيها اخر اليوم

شكرا يا باشا على المعلومات

هيا فعلا بعيده ده اولا يعني تضطر تضرب مشوار من القاهره جامد تاني حاجه حكايه الكهرباء
انا لقيت شقه في قريه الزهور واحد قريبي عاوز يبيعه ب 200 الف و220 بالعفش على دفعتين متساويتين بينهم سنه
فمش عارف هل ده كويس والا سعر عالي ؟ بالمناسبه القريه انا عارفها منتهى النظافه والجمال وقبل ماريبنا ب 6 كيلو بس السعر مش عارف

المشاركة الأصلية كتبت بواسطة party_0000

هيا فعلا بعيده ده اولا يعني تضطر تضرب مشوار من القاهره جامد تاني حاجه حكايه الكهرباء
انا لقيت شقه في قريه الزهور واحد قريبي عاوز يبيعه ب 200 الف و220 بالعفش على دفعتين متساويتين بينهم سنه
فمش عارف هل ده كويس والا سعر عالي ؟ بالمناسبه القريه انا عارفها منتهى النظافه والجمال وقبل ماريبنا ب 6 كيلو بس السعر مش عارف

مش عارف يا باشا الزهور اخبارها ايه

بس انت لازم تنزل تتفرج و تسال سماسرة هناك عن مستوى الاسعار ايه الكاش و القسط

و امارات هايتس كنت عاملة اعلان الجمعة اللى فاتت و كاتبة قسط على 4 سنين لو جبت معلومات اكتر هبلغ بيها

تمام
مستني اي اخبار عن امارت هايتس

المشكله ان اسعار الساحل نزلت لوجود المشاريع الجديده الكتير وامكانيه التقسيط
يعني اللي يجيب حاجه لايتوقع يبيعها بسهوله في الايام اللي جايه
انا محتار وخايف اجيب حاجه الان

الموضوع دا كان فين :d
انا الحمد لله شارى شاليه فى قريه الجوهره
لو حد عنده اهتمام يسال وانا اجاوبه لانى ملاحظ ان صاحب الموضوع صرف نظر خلاص