-
من حوالي 3 شهور ........ و أنا راجع من شغلي
الساعه 5 مساءا
واحدة جالية عكس الإتجاه في حارة ضيقة و معمولة لسيارة واحدة و لكن لو زنقوا بعض على الأطراف و عربيتين صغيرين ممكن يعدوا
المهم لقيت الأخت جاية عكسي
وقفت و قلتلها ..... من فضلك أرجعي و لفي اللفة دي متجيش 50 متر
قامت قالت ......... طيب أيه رأيك إن أنا هاعدي من هنا
قلتهلها طيب أيه رأيك إنك مش هاتعدي لو أنطبقت السما على الارض دلوقتي
و رحت داخل عربيتي و طفيت المحرك
المهم رحت طالع تاني و قعدت على الرصيف و قابلني واحد صحبي و قعدنا نرغي شوية و هي عمالة تبصلي و هاتموت من الغيظ
و مع مرور الوقت
تكومت السيارات خلفي و أنسد الطريق تماما
و أغلب الناس جاءت في صفي خصوصا من سائقي السيارات و لكن البهوات المشاة يا بيه عديعا بقة هو أنت هاتصلح الكون
المهم قلتلهم ........ كل واحد يخليه في حالة
و الناس تقلها أنتي غلطانة ......... تقول لاءة أنا مش غلطانة .... هو اللي غلطان و سادد الطريق
و الناس تضحك ....... و تقولها ازاي يعني ... ممكن توضيح
و طبعا هي مش عايزة تعترف بغلطها خالص زي أي مصري بيغلط و يداري على غلطه
المهم لما لقت مفيش فايدة دخلت العربية و قفلت الزجاج
أنا قلت دي هاتمشي ........ راحت ماسكة التليفون و أتصلت بحد ......... الله أعلم هو مين ؟؟
المهم و برضه معاندة و مش عايزة ترجع 50 متر
و الناس بقيت قاعدة و عملنا زي حفلة صغيرة في وسط الشارع و الموضوع تقريبا قعد حوالي 45 دقيقة بالتمام و الكمال
و هي كل ده كبريائها مانعها تعترف بالغلط و تنصاع لأوامر الصح و الحق
و تقريبا اللي كلمته قالها أنا مقدرش أعمل حاجة علشان إنتي غلطانة و لقيناها من نفسها ........
دورت و رجعت لورا ....... و أتاريها مابتعرفش ترجع بظهرها .......... و تحيا المهلبية
المهم ........ أصرت أنها هي اللي ترجع ........ و رجعت بعد معاناة
و أجبرناها أنها تمشي صح
و في طريقها للإتجاه الصحيح
شتمتني .........و أنا قعدت أضحك و الناس تضحك فأتغاظت أكتر و راحت شتمت الناس كلها
و الناس صوتها علي من الضحك
و البنت كان باين عليها هاتعيط ......... و طلعت في الأخر دكتورة
و الموقف ده حصل معايا حوالي 15 مرة في نفس المكان
و الله العظيم يا جماعة
الناس بطلت تمشي في الحتة دي عكسي
و أنا أعتقد و الله أعلم بسبب توقفي لهم .... و الله أعلم
و لكني لا أجد أي أحد يسير في المنطقة دي عكس الإتجاه
و أنا مبسوط إني قدرت أعمل حاجة بسيطة جدا ... بس عملت :embarrassed2:
-
الله ينور يا توت باشا
دي فى الجون الصراحة
-
-
والله ياجماعه
انتم ناس محترمين جدا
وفعلا البلد مش هتتصلح غير بينا احنا
ولازم الي يشوف غلط يحاول يصلحه طالما قادرين نصلحه
وعقبالي وعقبالنا كلنا
Content Relevant URLs by
vBSEO 3.6.0 PL2