بالتاكيد عندنا طرق جميله وممتازه وبالاخص الجو في بعض الشهور بيكون بديع جدا وبيغريك علي المشي ولكن المشكله بعد الطرق دي عن المناطق السكنيه والمشكله بعده بيكون بمسافه كبيره والمشكله الاكبر انك هتمشي مسافه كبيره وبتكون الطريق سيئه جدا ومذدحمه لغايه ما توصل الطرق الي بالك فيها ووقتها هتوصل جايب اخرك ومش هيكون ليك نفس للمشي من اساسه وتعبت وقرفت انا افتكر لما شحنت البايك بتاعي من القاهره علي ربع نقل وطبعا كنا واخدين طريق الجيش او طريق الكريمات وكنا طالعين من القاهره حوالي الساعه واحده بالليل المهم علي الفجر وكانت الشمس ابتدت تطلع والله كان نفسي اوقف العربيه واقله كده انته خلاص شكرا وانزل اكمل بالبايك من جمال الطريق وحلاوه الجو