اقتباس:
المشاركة الأصلية كتبت بواسطة dawns_mist
wow
فعلا الجينيسس اتطورت جدا عن إصدار 2009 ... أنا ماكنتش شوفت آخر تطورات هيونداي بقالي فترة طويلة .. و كمااااااان الأوبتما عملت هايبرد ... ده تطور هااااااايل .. ممتاز جدا
جميل إن الكوريين فيه منهم اللي بدأ يفكر أخيرا إنه يعمل ( عربية ) مش شوية كماليات متلزقه في شوية صاج .... ولو إنهم بدؤا متأخر أوي .. يعني اللي هما بيعملوه دلوقتي الأوروبيين وصلوا ليه من سنين كتير .. عموما مش موضوعنا ...
مازال فيه فارق كبير في مستوى التفكير .. حتى لو فيه عربيات كوري تفوقت في السوق أو في بعض الاختبارات على بعض الاوروبي ... أنا بتكلم في العقليه نفسها .. و حضرتك فاهمني كويس .. الأوروبيين عموما تفكيرهم دايما إزاي أعمل عربية محترمه .. و مش بيفكر في الكماليات قد مابيفكر في الأمان و الراحه و القوة و هكذا .. ولو عملنا نسبه و تناسب في العمر الافتراضي و الأمان من إجمالي الأوروبي و إجمالي الكوري ( على اعتبار إنك من وسط 30 إصدار كوري بتلاقي واحد بس هو اللي ينفع تركبه ) هنفهم و نحس الفرق أكتر ...
أنا فاهم كويس إن حضرتك بتقول إن مازال الفرق قائم ولكن الكوريين و الصينيين بيتطوروا للأحسن .. و أنا ماعنديش أي مشاكل يتطورا .. حتى الآن المقامات محفوظة برضه .. و يارب أشوف عربيات كوري و صيني بتنافس على المراكز الأولى في الفورميلا ون أو في سباقات العربيات السوبراسبورت زي البوجاتي كده .. ساعتها بجد هقتنع إن الفروقات بدأت تدوب ..
بجد والله و من غير تريقه .. أنا متشكر للمعلومات الجميله دي .. أنا بس بقالي كام سنة مش بحاول أتابع الكوريين و الصينيين وصلوا لإيه لإني كنت بصراحه رامي طوبتهم .. لكن كده انت فعلا هتخليني أبدأ أشوف هل بدؤا يغيروا طريقة تفكيرهم ولا لأ .. و هل مع الوقت ممكن نثق فيهم ولا لأ ..
أنا والله مش متعصب لرأيي و خلاص .. و بحاول أوصل للحقيقة مش إثبات لرأيي و خلاص .. و حضرتم فعلا أقنعتني إن الكوريين دلوقتي أخيرا بدأو يفكروا يعملوا عربيات كويسه ، و ممكن مع الوقت نثق في إصداراتهم .. بس ياترى خلال الفترة دي هيكون الأوروبيين وصلوا لفيييييييين ؟؟؟
ده اللي أنا بقوله يا باشا ... ممكن أقول العربية دي مناسباني و حلوه بالنسبة لظروفي .. لكن ماينفعش أقول دي زي دي زي دي و كلهم زي بعض و الفروقات دابت
أنا مش موجود هنا علشان أسوق لعربية .. حضرتك لما تشتري دي أو دي أنا مش هاخد كوميشن .. ده بس علشان نكون متفقين .. إحنا هنا مش علشان نشوف هنشتري دي ولا دي .. لإن العربية اللي حضرتم مش مقتنع بيها دي فيه غيرك مقتنع بيها زي ما الكل بيشتري فيرنا و أنا عن نفسي لو حطوا فوقيها فلوس مش هركبها على سبيل المثال يعني .. كل واحد ليه رؤيته .. وبعدين ماحدش قال إن الإيفو ثباتها سيء غير صاحب الموضوع .. أنا مش مقتنع لسه بالنقطة دي ... يعني الإيفو دي على الاقل خالص فيها اوبشن بلو آند مي اللي هو مازال حصري يعتبر في مصر ماحدش بينزله غير فيات ، و شكلها ده لوحده مه جوده التقفيل و الراحه و توفير البنزين و غيره كلها مميزات في عيون ناس غيرك .. و أنا معاك إن الجين تو و النيسان صني أو تيدا و غيرهم بينافسوا بقوة في نفس الفئة .. بس كل واحد ليه نظرته .. بس أنا عايز أقول لحضرتك على حاجة مشاكل الأوروبي في مصر كلها بسبب غباء المصريين و ليست بسبب سوء السيارات الأوربية .. و الغباء بيبدأ من أول المستورد المصري لحد الصنايعي المصري و الواد بتاع الجراج و البنزينه .. فماتحملش الناس دي ذنب مش ذنبها.
+1
ده الكلام النهائي ان ثقافه الشعب المصري وجهله وظروفه الي محدش بيمشي عليها ف العالم كله والمستهلك نفسه والسوق هي الي خلت للاوروبي عيوب في مجتمع زي مجتمعنا
اسمحلي ارفعلك القبعه لان فعلا الفروقات لسه كبيرة قوي مع انها بدات تقل الا انها كبيرة برضه
وممكن يكون ده برضه بسبب اننا لسه معندناش اي ضوابط علي العربيات واداءها او شروط دخول عربيه السوق عندنا الي مفتوح علي البحري ولا اي رقابه علي التوكيلات والناس الي بتدخل عربيات متدخلش دول تانيه كتيييييير
من واحد راكب كوري