الموضوع: هل فيه حد من الوحوش رايح معرض أتوماك أخبار اليوم؟

المشاركة الأصلية كتبت بواسطة Meggieboy

أنا كمان يا أستاذ هانى كان نفسى أقابل حضرتك برده....لكن إن شاء الله تتعوض قريب....

أنا فعلا حابب برده أبص على سيتروين علشان الموديلات الجديدة اللى نازلة....فى عضو فى منتدى سيتروين راح زار المعرض و بيقول مش أد كده و الأقبال ضعيف لكن سيتروين و خصوصا الc4 الجديدة حكاية.....

أعتقد سيتروين من أهم العارضين فى المعرض السنة دى......

أيوة .. هو انا العضو ده :) .. تبعكوا يعنى

أنا روحت المعرض السبت اللى فات ..
الحقيقة المعرض السنة دى ضعيف جدا .. و كتير من المصنعين ماعرضوش .. اهمهم مرسيدس و رينو و سيات و فيات و جاجوار و فولفو و أودى و فولكس ..
أجمد حاجة فى المعرض واللى يستاهل تروحوا المعرض عشانه هو جناح ستروين .. عاملين شغل هايل .. ال c4 الجديدة فعلا حكاية .. نازلة فئتين .. الفئة الأعلى بسعر 164000 .. والفئة الأقل نازلة ب 149000 ..

الفرق بين الفئتين الأعلى و الأقل .. ان الفئة الأقل مفيهاش بلوتوث ولا ازاز فاميه ولا فوج لايت ولا جنوط (فيها طاسات 15 بدال جنوط 16 فى الفئة الأعلى) .. و بقية الموديلات برضه هايلة فعلا .. ال C4 Picasso (العربية تحفة و تمنها 185000) .. و ال DS3 و DS4

اللى هيروح برضه لازم يدخل جناح ال Range Rover .. مش هتصدقوا اللى هتشوفوه جوة .. كفاية انكم تبصوا على الصورة دى ..