الأوبترا أفضل فى كل شيء تقريبا ما عدا عوامل الأمان والعلو عن الأرض
فى حالة وجود أكثر من شخصين فى الكنبة الخلفية أو أوزان تقيلة فى الشنطة،
عرض للطباعة
الأوبترا أفضل فى كل شيء تقريبا ما عدا عوامل الأمان والعلو عن الأرض
فى حالة وجود أكثر من شخصين فى الكنبة الخلفية أو أوزان تقيلة فى الشنطة،
عن تجربة للعربيتين بأمانة تامة وانا لامعايا دى ولا دى
الاوبترا ثم الاوبترا ثم الاوبترا
الاوبترا مع خالى وبسوقها دايما واللوجان مع صدق وبردو بسوقها دايما
المهم فى الاول والاخر استخير ربنا وربنا يعمل اللى فية الخير وبردو حاول تركب دى ودى بس تكون عربيات حالة يازيرو ياكسر زيرو عشان تقدر تحكم عليهم كويس واللى فية الخير يعملة ربنا
.................................
انا معايا لوجان وانتيمى معاه اوبترا ... والاتنين طبعا حافظهم
بالنسبة للوجان:
1-استهلاك بنزين ممتاز واقتصادى
2-شنطة واسعة جدااا 510 لتر
3-عالية جداا عن الارض
4-تكيفها ادائه متوسط
5-اداء موتورها وسحبه متوسط ... الموتور 89 حصان 6 صباب ... بس مش هيضايقك فى حاجة الا لو كنت بتشد ساعتها مش هيسعفك
6-بصراحة ثبات العربية جيد جدا بالنسبة لطول قاعدة عجلاتها والكاوتشات ال15 وكنت بقفل عدادها على العين السخنة رايح جاى
7-فرامل العربية جيدة جدا وفيها ايرباج كمان
8-ابعاد العربية ملمومة جدا وتخش بيها فى اى حتة
9-العربية فول اوبشن وفيها كمان مالتى مانكشن وكاسيت وسماعات مش موجود فى الالنترا ام 140 الف جنيه
10-العربية تقفيل مغربى
11-العربية من قدام مش واسعة قوى بس واسعة جدا من ورا و3 شباب يركبوا فيها مستريح جدا
12-صاج العربية جامد وتقيل ويستحمل بصراحة الى جانب انها واخدة 3 نجوم فى اختبارات التصادم
بالنسبة للاوبترا:
1-استهلاك بنزين برضه ممتاز
2-شنطتها واسعة ولكن اقل بقليل من اللوجان
3-ارتفاعها فى الرينج الطبيعى ولكن مع التحميل ممكن تحك فى كام طب عالى
4-تكيفها ادائه ممتاز ... السرينتينة بتاعته قد البوتجاز بتاعنا :w6266d
5-الموتور ادائه كويس ولا غبار عليه وسحبها احسن من اللوجان بفرق ملحوظ
6-ثبات العربية اعلى بفرق عن اللوجان لانها اطول واعرض من اللوجان ... لكن طبعا واخدة مساحة من الطريق
7-فرامل العربية انا شايفه ممتاز واحسن من اللوجان لكن عوامل الامان فى العربية زيرو
8-تقريبا الموديلات الجديدة فيها كاسيت سى دى بس السماعات مستواها اقل من اللوجان بفرق ملحوظ
9-العربية تقفيل كورى
10-العربية واسعة من قدام ومن ورا وسعها كويس بس اقل من اللوجان
11-صاج العربية طرى جدا بطريقة مستفزة بيفكرنى بالهيونداى الاكسيل
فيه فرق كبير فى السعر بين العربيتين ... وفى رأيى الشخصى انا شايف ان الفرق ده مش متعوض بمزايا فى الاوبترا .... حضرتك ادرى واحد بإحتياجاتك وشوف حضرتك انهى عربية فيهم هتلبى احتياجاتك اكتر
بس عموما اللى اقدر اقولهلولك ... ان اللوجان اكثر قيمة مقابل سعر
اعتقد السعر مقابل القيمة اللوجان تكسب
سبحان الله
لولا اختلاف الأذواق لبارت السلع
الاتنين زى الفل أحسن من المواصلات
بخصوص موضوع التحميل والحك الاوبترا عن تجربه فى مواقف وطرق مختلفه صعب اوى تحك فى مطب حتى لو 3 راكبين ورا
التيدا احسنهم ب 105 الف الاوبترا ب 97 اعتقد