الموضوع: لوجان و لا أوبترا؟

الاوبترا افضل بكتير جدا من اللوجان و شكلها اشيك بكتير, لو معاك فرق السعر انصحك بيها

المشاركة الأصلية كتبت بواسطة tarek_wahba

السلام عليكم و رحمة الله و بركاته<br />
هل اللوجان انسب و أفضل ام الاوبترا ؟ انا متطلباتي كما يلي :<br />
1- واسعة من الداخل و خاصة الكنبة لخلفية.<br />
أوبترا أوسع
2- شنطة واسعة لأننا اسرة من 5 أفراد.<br />
أوبترا أوسع بس مش فرق كبير
3- مش مهم ثمن قطع الغيار المهم توافرها و ان تكون معمرة.<br />
أوبترا قطع غيارها و صيانتها متوفرة أكتر في المحافظات و في القاهرة و اسكندرية الاتنين موجودين
4-لا يهمني التسارع و الجري و الغرز و غيره<br />
أوبترا أعرض و أطول و أقل ارتفاعا و ده يديها ثبات أعلى
5- تكييف و باور<br />
معرفش بس أظن أوبترا تكييفها أقوى ( جربته و كان تلاجة ) من لوغان لأن الأوروبي معروف ان تكييفه أقل من الكوري و الياباني
6-الثبات و عالية عن الارض و الامان( و كلما زاد الامان كلما كان افضل 2 ايرباج مهم دعامات في الابواب مهم و ياريت abs و يفضل ebd وباور محكم )<br />
الاتنين كويسين بس أوبترا مفيهاش الحاجات دي
7 - سهل صياناتها خارج التوكيل .<br />
أوبترا طبعا
8 - مش مهم اوي سعر اعادة البيع لاني بإذن الله لن ابيع قبل 10 سنين<br />
خلاص بح ........... معادش فيه عربيات تعيش 10 و 15 و 20 سنة ده كان زمان
9 - عالية عن الارض علشان المطبات عندنا بخيرها و العفشة تكون متميزة علشان الطرق عندنا صعبة جدا <br />
لوغان أعلى , بس أوبترا مش هتحك في مطبات خالص
انا من النوع اللي يحب يحافظ على السيارة و لا احب ادفع فلوس لن يكون لها عائد على.<br />

على فكرة أنا كان بذهني الالنترا المانيوال الشكل القديم 2011 و لكن كل الزملاء أجمعوا انها غير مناسبة نظرا لصعوبة تعاملها مع المطبات و خاصة عند التحميل<br />
و شكرا

<br />
<br />

ألاوبترا فئه اعلى
بس كل الحاجات اللى انت عاوزها موجودة فى اللوجان
واستفيد بفرق الفلوس

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/

المشاركة الأصلية كتبت بواسطة tarek_wahba

السلام عليكم و رحمة الله و بركاته
هل اللوجان انسب و أفضل ام الاوبترا ؟ انا متطلباتي كما يلي :
1- واسعة من الداخل و خاصة الكنبة لخلفية.

اللوجان اوسع من الداخل ودى صورة الكنبه وانا مرجع الكراسى لورا على الاخر خالص

[img2]http://img4.imageshack.us/img4/4881/20110816151135.jpg[/img2]

2- شنطة واسعة لأننا اسرة من 5 أفراد.

شنطة اللوجان 512 لتر والاوبتر 452 لتر يعنى اللوجان اوسع ب 60 لتر مش عارف الاستاذ mazagangy جاب منين معلومة ان شنطة الاوبترا اوسع

3- مش مهم ثمن قطع الغيار المهم توافرها و ان تكون معمرة.

قطع غيار اللوجان متوفره ومعمره سواء داخل التوكيل او خارج التوكيل بالنسبه للقطع الاستهلاكيه فقط لكن القطع طويلة الاجل لسه مش موجوده خارج التوكيل حتى الان

واحد صاحبى معاه اوبترا اشترى فانوس خلفى تايوانى ب 160 جنيه انا عندى الفانوس الاصلى من التوكيل مضاف عليه ضريبه المبيعات ب220 جنيه يعنى فانوس الاوبترا فى التوكيل تمنه اغلى من اللوجان ومعظم الاسعار زى الفلاتر والسيور متقاربه

4-لا يهمني التسارع و الجري و الغرز و غيره

فعلا اللوجان سحبها ابطاء من الاوبترا علشان كده مش بانصح بيها للشباب الصغير اللى غاوى جرى

5- تكييف و باور

موجود طبعا

6-الثبات و عالية عن الارض و الامان( و كلما زاد الامان كلما كان افضل 2 ايرباج مهم دعامات في الابواب مهم و ياريت abs و يفضل ebd وباور محكم )

كان فيه موديل رومانى نزل فيه 2 ايرباج abs لكن المغربى فيه واحد ايرباج فقط
الاوبترا مافيهاش الهوا زى معظم الكورى اللى فى السعر ده
اللوجان اامن بكتير من الاوبترا واختبارات التصادم الاوروبيه هى اللى بتقول كده وثباتها محترم رغم علوها عن الارض

7 - سهل صياناتها خارج التوكيل .

اللوجان غير الميجان عربيه مش معقده انا الحمد لله مفيش مشاكل قابلتها فيها ومحدش يفتى فى موضوع صعوبة الصيانه ده لان محدش جربها كل اللى بيتعمل لغاية دلوقتى فلاتر وسيور وزيوت
واعتقد العربيه بسيطه وسهله

8 - مش مهم اوي سعر اعادة البيع لاني بإذن الله لن ابيع قبل 10 سنين

الاتنين سعر اعادة بيعهم كويس واللوجان بتتباع زى اللانوس دلوقتى

9 - عالية عن الارض علشان المطبات عندنا بخيرها و العفشة تكون متميزة علشان الطرق عندنا صعبة جدا

اللوجان اعلىمن الاوبترا بكتير الاوبترا بتحك وانت محمل اتنين ورا
اللوجان لو حملت اربعه مابتحكش

انا من النوع اللي يحب يحافظ على السيارة و لا احب ادفع فلوس لن يكون لها عائد على.

بصراحه الاوبترا مع صاحبى وشايف انها مبالغ فيها عربيه مفيهاش وسائل امان وشكلها عادى جدا

انا لومكانك ياما اجيب اللوجان واوفر الفلوس الفرق او اطلع شويه لفوق واجيب حاجه اعلى

على فكرة أنا كان بذهني الالنترا المانيوال الشكل القديم 2011 و لكن كل الزملاء أجمعوا انها غير مناسبة نظرا لصعوبة تعاملها مع المطبات و خاصة عند التحميل

مشكلة الالينتر انها واطيه شويه بس مش اوى لو لاقيتها هى احسن اختيار من الاتنين

أستاذ مصطفى سعد بصفتك مالك لوجان فانت أدرى مني بيها
لكن
أوبترا سيارة عريضة و ثباتها عالي لحد سرعات 180 و ده عن تجربتي ليها
شنطتها كبيرة جدا
العربية كنا 5 أوزان فيها و محكتش خالص في أي مطب من المطبات العجيبة بتاعة المحروسة
التكييف قوي جدا
التسارع حلو جدا و الموتور عفي قوي

المشاركة الأصلية كتبت بواسطة tarek_wahba

السلام عليكم و رحمة الله و بركاته
هل اللوجان انسب و أفضل ام الاوبترا ؟ انا متطلباتي كما يلي :
1- واسعة من الداخل و خاصة الكنبة لخلفية.
اللوجان اوسع
2- شنطة واسعة لأننا اسرة من 5 أفراد.
اللوجان اوسع
3- مش مهم ثمن قطع الغيار المهم توافرها و ان تكون معمرة.
الاوبترا قطع غيار ارخص و جميع قطع الغيار متوفرة و علي ما اظن الاوروبي معمرة اكتر
4-لا يهمني التسارع و الجري و الغرز و غيره
الاوبترا تسارعها احسن
5- تكييف و باور
الاوبترا احسن في الاتنين
6-الثبات و عالية عن الارض و الامان( و كلما زاد الامان كلما كان افضل 2 ايرباج مهم دعامات في الابواب مهم و ياريت abs و يفضل ebd وباور محكم )
الثبات اوبترا احسن لانها اوطي في الامان اللوجان فيها ايرباج
7 - سهل صياناتها خارج التوكيل .
الاوبترا اسهل
8 - مش مهم اوي سعر اعادة البيع لاني بإذن الله لن ابيع قبل 10 سنين
الاوبترا احسن في سعر البيع
9 - عالية عن الارض علشان المطبات عندنا بخيرها و العفشة تكون متميزة علشان الطرق عندنا صعبة جدا
اللوجان اعلي
انا من النوع اللي يحب يحافظ على السيارة و لا احب ادفع فلوس لن يكون لها عائد على.
الاوبترا اغلي
على فكرة أنا كان بذهني الالنترا المانيوال الشكل القديم 2011 و لكن كل الزملاء أجمعوا انها غير مناسبة نظرا لصعوبة تعاملها مع المطبات و خاصة عند التحميل
و شكرا

لو مكانك اشترى اللوجان عشان عوامل الامان ( ايرباج - اختبارات الامان الاوربية )
واوفر اكثر من 20 الف جنيه

المشاركة الأصلية كتبت بواسطة mazagangee

أستاذ مصطفى سعد بصفتك مالك لوجان فانت أدرى مني بيها
لكن
أوبترا سيارة عريضة و ثباتها عالي لحد سرعات 180 و ده عن تجربتي ليها
شنطتها كبيرة جدا
العربية كنا 5 أوزان فيها و محكتش خالص في أي مطب من المطبات العجيبة بتاعة المحروسة
التكييف قوي جدا
التسارع حلو جدا و الموتور عفي قوي

ياباشا انا مش مختلف معاك فى مميزات الاوبترا كتير
بس انا ركبت فيها لانها بتعاعت صاحبى ومعجبتنيش بصراحه
كنا اتنين ورا وكانت بتحك فى المطبات
الكنبه اللى ورا المسافه بتاعت الرجلين اضيق من اللوجان والكنبه واطيه وقاعدتها مش مريح زى اللوجان
هى طبعااسرع والباور انعم لكن التكييف مجربتهوش والثبات ماقدرش احكم عليه لانى ماسوقتهاش وكنا ماشيين جوه البلد
بس اللوجان ثباتها احسن من العربيات الكورى اللى فى فئتها

اخيرا انا لو معايا تمن الاوبترا مش حاجيب لوجان ولا اوبترا وحازود شويه واجيب حاجه تانيه افضل