مميزات وعيوب سونى اريكسون ارك بعد استخدام اسبوعين

**Ahmedhussein007** · 25-09-2011 01:38 AM

السلام عليكم ورحمة الله وبركاته
ده تقرير عن سونى اريكسون ارك المميزات والعيوب بالنسبه لي ممكن يفيد احد الاعضاء المترددين فالشراء مثلى
انا كنت متردد بينه وبين الجلاكسى اس 2 بس شوفت مقارنات كتير على اليوتيوب وريفيوهات وفالنهايه الحمد لله استقريت على الارك رغم تفوق الجلاكسى فى الهارد وير وهاتعرفو ايه الاسباب:
1-الجلاكسى الهاردوير اعلى بس فالاستخدام لو شفتو مقارنات هتلاقو ان الارك اسرع والله مش تحيز انا كنت مستغرب جدا
2-الشاشه اكتر من ممتازه حتى فالشمس الرؤيه واضحه جدا لانها بمحرك برافيا
3-شكل اشيك 100 مره من الجلاكسى ودى ازواق اكتر حاجه كرهتها فالجلاكسى شكل الكامير او العدسه زباااااااااله
4-مخرج اتش دى صوره ممتازه معاه كابل اتش دى برضو
5-صوته عالى ونقى جدا مع خاصيه اكس لوود
6-صوت الاسبيكر عالى جدا وصوت المكالمات واضح جدا وعالى اوى ممكن متشغلش الاسبيكر وتسمع منها
7-دعم كااااااااااااااامل للغه العربيه من سونى بدون اى تعديلات او رومات
8-اللمس رائع وسريع الاستجابه
9-حرارة الجهاز معدومه لكن مع اللعب بيكون دافئ مش سخن
10-استهلاك البطاريه مع اللعب والنت 24 ساعه كاملين بيتشحن كل يوم فى نفس الوقت والبطاريه بتتشحن فى ساعتين
11-النظام مشاء الله ثابت مفيش اى تعليق او تهنيج وسريع وسلس
12-الكاميرا كنت هنساها روعه وفى الضلمه ماشاء الله كاان الدنيا منوره فعلا وده راجع لحساس الاضائه الموجود فالكامير وده خاص بسونى
13-سعر الموبايل بصراحه تحفه ومنافس
14-مش عارف دى ميزه ولا لا بس الموبايل بيجى معاه جراب جلد واسكرين بروتكتور وكابل اتش دى وشاحن سياره(الحاجات دى بتختلف من مكان لاخر)
حاجات مش عاجبانى فيه
1-لمبة التنبيهات مكانها فى جنب الموبايل بجوار اليو اس بيى (منفذ الشحن)مكانها غبى مش بتشوفها غير اما تقلب الموبايل على الجنب بس هاقولك برضو فيه موبايلات مفيهاش اللمبه دى اصلا
2-عدم وجود كاميرا اماميه مع انى مش بستخدمها بس حاسس انه ناقص
3-الذاكره كانت ممكن كون اكبر من كده بس البرامج بتتنقل على الكارت عادى ولو برنامج موجود على الذاكره الداخليه وحمل حاجه مساحتها كبيره بتتخزن على البطاقه وحدهما زى الخرايط مثلا
4-الواى فاى مش عارف هو ضعيف ولا ايه بس الجهاز بيبقى لاقط شرطتين والراوتر فى نفس الدور لو فى دور تانى الاشاره بتقل بس انا اسمع ان كل الاندرويد كده
5-سماعة الموبايل فى الخلف فاما الموبايل بيرن بيكون صوته واطى ومكتوم واعتقد ان الجلاكسى كده
دى مميزات الموبايل والعيوب بالنسبه ليا من واقع استخدام اسبوعين
اما عن الجلاكسى اما عرفت الهاردوير بتاعته بصراحه قويه بس الكلام على الورق مش بيفيد اهم حاجه نشوف فرق فالاستعمال بس الفرق بسيط جدا وان كان لايذكر فى بعض الاوقات غير ان تصفح الموبايل السونى افضل واسرع ان كانو متقاربين الجلاكسى البطاريه الاعضاء بيشتكو منها وسخونه الجهاز وفيه فرق سعر جامد بين الاتنين دى كل المميزات والعيوب اللى اكتشفتها فى الموبايل بعد استخدام اسبوعين نسالكم الدعاء واى استفسار انا فالخدمه
اخوكم احمد حسين
والسلام عليكم ورحمة الله وبركاته

**رزق** · 25-09-2011 01:54 AM

عاجبني رفيوهاك السريع ومتفق معاك في كام حاجة
وانا معايا الجلاكسي وهو رائع بس ليه عيوب

-مش عارف دى ميزه ولا لا بس الموبايل بيجى معاه جراب جلد واسكرين بروتكتور وكابل اتش دى وشاحن سياره(الحاجات دى بتختلف من مكان لاخر)
السامسونج معهوش أي حاجة من دول أساسا
حاجات مش عاجبانى فيه
1-لمبة التنبيهات مكانها فى جنب الموبايل بجوار اليو اس بيى (منفذ الشحن)مكانها غبى مش بتشوفها غير اما تقلب الموبايل على الجنب بس هاقولك برضو فيه موبايلات مفيهاش اللمبه دى اصلا

السامسونج مفيهوش لمبة تنبيه برده

**mido_soliman** · 25-09-2011 04:04 AM

تقرير جميل ينقصة الكثير من الموضوعية
مش حتكلم لانى مالك للجالكسى اس2 ولكن حتكلم من واقع تجربتى للجهازين الارك والجالكسى مع بعض بشكل يومى بحكم انهم معايا ومع صديقى فى الشغل وعلى فكرة انا اللى رشحتلة الارك
الارك يتفوق على الجالكسى فى حاجة واحدة بس وهى الشكل فقط لا غير
لمعلوماتك بس لو جبت جهاز اس2 وجهاز ارك وفتحت المتصفح هنا وهنا وشفت فرق سرعة تحميل الصفحة والتحكم فيها بدون اى لاج او تعليق فى الجالكسى اس2 حتى قبل انتهاء تحميلها اؤكدلك انك ستصاب بصدمة من السلاسة والسرعة اللى موجودة فى الجهاز دة ومع احترامى ليك متقوليش فيديوهات لانى ممكن اجيبلك فيديوهات اكتر من اللى شوفتها وموجودة على اليوتيوب بردة
على فكرة انا سونى اريكسناوى قديم جدا وعمرى فى حياتى ما شيلت نوكيا غير جهاز اسمة 5110 بانتينا ودة كان تانى جهاز امتلكة فى حياتى ومن بعدة مشيلتش غير سونى فانا مش متعصب اطلاقا انا متعصب ضد النوكيا الفاشلة فقط
Samsung Galaxy S2 vs Sony Ericsson Arc Web-Browser - YouTube

Samsung Galaxy S II vs Sony Ericsson Xperia Arc - YouTube

تحياتى ليك

**Usama Nagi** · 25-09-2011 04:42 AM

عامة الأرك اداءه قوي و ممتاز

موضوع انه ما بيهنجش مش مزبوط لأنه هنج معايا مرة و قعد 10 دقائق مهنج و تقريبا لأن الجو كان حر و الموبايل سخن جامد زائد ان الميموري الرام 384 ميجا قليلة شوية

الفيديو و التصوير تحفة و الجهاز ممتاز في المالتيميديا و تشغيل الفيديو و الألعاب
اداء الشاشة رائع بالرغم انها LCD مش AMOLED و التاتش جامد جدا و سلس احسن من السامسونج
الشكل متفوق علي السامسونج بمراحل

واجهة الأستخدام Timescape الطف بكتير من الtouchwiz اللي في السامسونج

الجيد من سوني اريكسون انها عملت جهاز متفوق علي الجالاكسي اس العادي و قريب جدا من جالاكسي اس 2

**MaZaGAngeE** · 25-09-2011 05:06 AM

سعره كام ؟

**Ahmedhussein007** · 25-09-2011 05:23 AM

المشاركة الأصلية كتبت بواسطة mido_soliman

تقرير جميل ينقصة الكثير من الموضوعية
مش حتكلم لانى مالك للجالكسى اس2 ولكن حتكلم من واقع تجربتى للجهازين الارك والجالكسى مع بعض بشكل يومى بحكم انهم معايا ومع صديقى فى الشغل وعلى فكرة انا اللى رشحتلة الارك
الارك يتفوق على الجالكسى فى حاجة واحدة بس وهى الشكل فقط لا غير
لمعلوماتك بس لو جبت جهاز اس2 وجهاز ارك وفتحت المتصفح هنا وهنا وشفت فرق سرعة تحميل الصفحة والتحكم فيها بدون اى لاج او تعليق فى الجالكسى اس2 حتى قبل انتهاء تحميلها اؤكدلك انك ستصاب بصدمة من السلاسة والسرعة اللى موجودة فى الجهاز دة ومع احترامى ليك متقوليش فيديوهات لانى ممكن اجيبلك فيديوهات اكتر من اللى شوفتها وموجودة على اليوتيوب بردة
على فكرة انا سونى اريكسناوى قديم جدا وعمرى فى حياتى ما شيلت نوكيا غير جهاز اسمة 5110 بانتينا ودة كان تانى جهاز امتلكة فى حياتى ومن بعدة مشيلتش غير سونى فانا مش متعصب اطلاقا انا متعصب ضد النوكيا الفاشلة فقط
samsung galaxy s2 vs sony ericsson arc web-browser - youtube

samsung galaxy s ii vs sony ericsson xperia arc - youtube

تحياتى ليك

انا مع حضرتك ومن غير ماشوف الفيديوهات دى فعلا التصفح فى السامسونج اسرع وسلس لكن انا ماتكلمتش عنه لانى ماجربنتش بس فعلا انا شوفته فالفيديوهات بس فى تصفح الموبايل نفسه القوائم وغيره بمعنى اصح الاستخدام اليومى الارك اسرع شكررا لمرور حضرتك كمان ميزه لصالح الجلاكسى لمحبى التعديلات الدعم ليه جامد من قبل المبرمجين الارك برضو ليه دعم بس السامسونج اكتر

**Ahmedhussein007** · 25-09-2011 05:27 AM

المشاركة الأصلية كتبت بواسطة bluemaneg

عامة الأرك اداءه قوي و ممتاز

موضوع انه ما بيهنجش مش مزبوط لأنه هنج معايا مرة و قعد 10 دقائق مهنج و تقريبا لأن الجو كان حر و الموبايل سخن جامد زائد ان الميموري الرام 384 ميجا قليلة شوية

الفيديو و التصوير تحفة و الجهاز ممتاز في المالتيميديا و تشغيل الفيديو و الألعاب
اداء الشاشة رائع بالرغم انها lcd مش amoled و التاتش جامد جدا و سلس احسن من السامسونج
الشكل متفوق علي السامسونج بمراحل

واجهة الأستخدام timescape الطف بكتير من الtouchwiz اللي في السامسونج

الجيد من سوني اريكسون انها عملت جهاز متفوق علي الجالاكسي اس العادي و قريب جدا من جالاكسي اس 2

ممكن تكون منزل برنامج مش متوافق لانه بصراحه ولا مره هنج معايا طوال فترة استخدامى ليه واما كنت بتكلم عن التهنيج كنت اقصد بطئ الصفحات مش تهنيج الجهاز كله اكيد حضرتك عندك حاجه غلط الجهاز بتاعى مش متعدل ولا حتى فاتح البوت موضوع الذاكره انا ذكرته اما الشاشه فهى اوضح شاشه حتى الان

**Ahmedhussein007** · 25-09-2011 05:29 AM

الموبايل تقريبا فى مصر 3500

**Ahmedhussein007** · 25-09-2011 05:58 AM

سعره فى مصر تقريبا 3500

**wel00000** · 25-09-2011 11:14 PM

السلام عليكم...
حد يعرف ازاى انقل ارقام التليفونات من نوكيا للاكسبريا ارك ....
ارجو الافادة

الموضوع: مميزات وعيوب سونى اريكسون ارك بعد استخدام اسبوعين

LinkBack

أدوات الموضوع

عرض

مميزات وعيوب سونى اريكسون ارك بعد استخدام اسبوعين - انشر الموضوع فى :

-

-

-

-

-

-

-

-

المواضيع المتشابهه

عصارة استخدام بروتون لمدة 3 سنين ( مميزات وعيوب )

كاسيت تاتش rcd 510 للبيع بدون خربوش استخدام اسبوعين

هية هية باركورلى بقيت ضحية الاتوماتك بعد استخدام اسبوعين

لاب توب asus شبة جديد 9 بوصة بمصر استخدام اسبوعين

كمبيوتر كفى او تو استخدام اسبوعين زيرو تاريخ الشراء من شهر بمصر

الكلمات الدلالية لهذا الموضوع

المفضلات

المفضلات

ضوابط المشاركة