كتير وانا ماشي بشوف سيدات حاطة الموبايل تحت الطرحة وبتتكلم في الموبايل وهي سايقة
اول مرة شوفتها قولت يا بنت الجنيه فعلا فكرة حلوة عشان المخالفات
بعدين شوفت واحدة عندنا في الشغل عملاها وشغالة بايديها الأتنين فقولت بردو فكرة حلوة عشان ماتلخمش نفسها وتشوف شغلها
بعد كدة بقيت اشوف البنات ماشية في الشارع وعملاها وايديها اساسا فاضية يعني مفيش مشكلة لو مسكت الموبايل بايديها
لا وكمان بيبقوا رابطين الطرحة جامد اوي عشان طبعا الموبايل مايقعش يعني ممكن تشنق نفسها لمجرد التقليد الأعمي
وعلي هذا طبعا بقي افضل موبايل حريمي هو الموبايل السلايد Slide
انا كنت زمان اعرف الواحد يسند الموبايل علي ودانه بكتفه - صحيح لو المكالمة طولت رقبته بتتلوح بس كانت دي اقصي امكانياتنا
دلوقتي البنات والستات اخترعوا قيمة جديدة للطرحة بجانب انها حجاب
بقت حمالة للموبايل
انا بقترح يعملوا حزام بأبذين للستات الي مش محجبة وتربطها علي دماغها من اسفل فكها وتحط الموبايل فيه اقتداءا بالمحجبات (نظام أشمعني) زي فاكرين الصور بتاعة الثوار ايام الثورة
لا ومش بس التليفون ال Slide دة كمان التليفونات العادية
انا خايف في مرة الاقي واحدة حاطة سماعة ميناتل تحت الطرحة وبتتكلم فيها او التليفون العملة ولو في البيت ممكن تحط العدة كلها تحت الطرحة واجندة التليفونات
اتمني يا جماعة نعرف السبب الأصلي وراء هذه البدعة وبلاش تقليد اعمي
والله المستعان
،
،
المفضلات