كنت شغال بخط انترنت بتاع اتصالات من الفئة ال 49 جنيه و كانت الاشارة أو طريقة الاتصال (UMTS) و السرعة بعد انتهاء الباقة بين 55 و 60 كيلو . و بتكون قوة الاشارة 4( من 6 )
قلت اجرب لو اخد الباقة ال 19 جنيه و لقيت السرعة بتنزل ل 25 الى 30 كيلو و الاتصال عن طريق (HSDPA) برغم وجود الاشارة الأولى و بمجرد طلب الاتصال ألاقي الاشارة اتغيرت و السرعة قلت , مع ان المفروض السرعة تنزل ل 64 كيلو زي ما همه بيقولوا في الموقع بتاعهم , كمان مش بس محدد السرعة بدرجة أقل كمان بيحطك على اشارة أو بروتوكول أقل من المفروض تشتغل بيه !!!
كمان قوة الاشارة أقل ( 2 من 6 )
خلي بالك انا بتكلم عن نفس الخط و نفس الجهاز و نفس الأماكن و نفس الوقت , يعني مثبت كل الظروف و بس مغير باقة الخط .
كنت متحيز جدا لشركة اتصالات و شايف انها شركة تحترم الزبون , لكن النهاردة عرفت ان أحمد زي الحج أحمد .... بكل أسف
صفحة النت في موقع اتصالات :
كانت الصفحة دي مكتوب فيها ان السرعةبتقل بعد الباقة الى 64 كيلو و شالوا الكلام ده و مش كاتبين اي حاجة عن السرعة
Etisalat
المفضلات