Understeer و ده عيب عربية للأسف
و الله أعلم
في رعاية الله
عرض للطباعة
و انا عندى دليل آخر على التعود على العربية
انا كنت مسافر الساحل و ماشى على 160 و الثبات زى الفل و عشرة على عشرة
المهم بعدها ب يومين قررت أروح أضبط زوايا وع واحد صاحبى ........
طلع الزوايا بتاعة ال4عجلات زى الزفت يعنى أرقام الزوايا طلعت كبيرة و كلها متعلم عليها بالأحمر
و المهندس قالى العربية بتعوم منك جامد
بصراحة أنا أستغربت و بالفعل لما ظبط الزوايا العربية بقت حكاية فعلا حسيت بمعنى كلمة الأتزان كويس جدا جدا
ههههههههههه انا سبقتك في المشاركة اللي قبلك لسة متكلم على الاوبل . ربنا يحفظهالك وكويس انك مش من اسكندرية عشان انا كل لما اشوف عربية اوبل بنتقم منها على الكورنيش بسبب ثباتها المستفز ده :00020140: وخصوصا في عربية كورسا سيدان متزبطة جامد اوي ومشهورة والواد ده على طول بيجري خليته يبطل يطلع على البحر تاني . مش عشان حاجة بس لما عربية اونو ستوك 1000 سي سي تعلم عليه رايح جاي 3 مرات المفروض يروح يبعها عشان مايظلمهاش مش كدة ولا ايه .
من خلال تجربتى
الثبات يعنى قدرة السيارة على المناورة فى السرعات العالية و عدم انحرافها بشكل يؤدى لكارثة
مثلا انا كنت راجع من الاسكندرية بفيرنا بسرعة 180 كم و كنت محمل فى العربية ومفيش مكان لفرد اضافى فى السيارة .... قمت باخذ غرزة عبيطة (مناورة صغيرة ) ولاقيت السيارة عاوزة تروح مكان تاتى معرفش كانت عاوزة تروح فين ؟!!!!!! دا يا سادة وانا محمل ...فما بالك لو كنت بمفردى فى السيارة ؟!!!!!!!!!! ربنا ستر.... طبعا انا حسيت بالفرق عشان انا عربيتى الخاصة المانى . فى السفر بمفردى السيارة تكون ثابتة وااخذ الملفات براحتى وايضا المناورة ...
اذن الثبات معناة ان تكون السيارة راكزة و متزنة على الارض فى المناورة فى السرعات العالية .
لذا اعتقد انة من الافضل بان يتم تعديل فى السيارات الكورى بتعريض الجنط والكاوتش وايضا توطية السيارة قليلا .
العربيه وهى لسه جديده بتبقى زى الفل أول ما العفشجيه الحلويين بيشتغلوا و يفتوا فيها بتبقى حنطور ويقولكك أعلييهالك وأوطيهالك وأركبلك عليات مرسيدس من ورا وسوست أكبرمن قدام ويظبطلك الزوايا بالحبل ويقولك بلاش الكمبيوتر ده نصب وأوضح مثال البيجو ال 504 زمان واللى كان بيتعمل فيها والعاب الهوا وهى أصلا مكنتش ناقصه فتي وكله بتنجان وربنا يسترها مع الجميع
انا جربت ...
ملف معين ..كنت باخده على 160 ..العجل كنت بسمع صوته بيصرخ على الارض
لكن العربيه مش بتحدف ولا بتعوم
لكن كنت بحس انى لو بدل 160 مشيت 161 العربيه هتعوم
المهم (ايام الشقاوه بقى) قولت اجرب اشوف ال esp هيعمل ايه لو دخلت الملف بسرعه
وفعلا دخلت الملف 180
الى حصل بالظبط
العربيه وشها بيستجيب كويس جدا للدركسيون
بدات احس ان ضهرها عاوز يخرج من الملف
ضهرها خرج من الملف
كنت خلاص هبدأ انا اتعامل و الم العربيه
لكن
التكنولوجى سبقتنى
و فجاه
ضهر العربيه رجع يستجيب تانى ..
لكن مش زى ما كنت داخله 160
لكن العربيه خرجت من الملف بأمان
عشان احس بالفرق
جربت ادخل الملف 180 بعربيه مفيهاش esp
طبعا ضهرها خرج من الملف ..حدف و صوت العجل بيصرخ عالى جدا
و مظبتتش غير لما انا عدلتها
انا عندى سؤال خاص بالنسبة لموضوع الثبات مش كل العربيات بيتوفر ليها سوست رياضية تفتكروا أية البديل ؟يعنى العربية الألتو ألى معايا حاولت أدورلها على اى سوست رياضية ملقتش غير أنى أقص فيها واركب صداصات!! وبصراحة ياجماعة الشوارع بتعتنا الأسفلت بتاعها زى الزفت زى الزفت زى الزفتتتتتتتتت
كفايا فواصل كوبرى أكتوبر الواحد بياخدهم بيحس أن العربية هتتقسم نصين! يبقى جرى اية وغرز اية !
ثبات يعني (تكاليف اضافيه علي الصانع )
عموما انا عارف اني بطلع برا الموضوع بس ده برده لازم ناخد بالنا منه
لما تيجي تشتري عربيه ب 100 الف لا يمكن باي حال من الاحوا انها تبقي اصبت من العربيه ال ب 200 الف
بس انت ممكن ب 10 الف تخليها اثبت من العربيه ال ب 350 الف
ازاي
1 - عفشة سبور
(نشفه و طريه في نفس الوقت غاز و زيت ) و المساعدين دي حساسه حسب السرعه تتاقلم تبقي نشفه ولا طريه
2- تهبيط او طوتيه العربيه
بما انك جيت عفشه سبو اكيد العربيه هتوطي مش اقل من 5 سم
كلما اقترب العربيه من الارض كانت اثبت ( و ضدد قص السوسات )
4 - الجنوط و الكواتش
جنط اكبر يعني عزم مهدور او مفقود اكتر يعني حساسيه بالارض اكبر و العامل ده يرجع للكاوتش
العربيه مثلا عندي الجنط الاصلي 13 بوصه و الكواتش 165/70
دلوقتي الجنط 15 بوصه و الكاوتش 195/50
العرض زاد و الارتفاع قل و عن تجربه يا جماعه الارتفاع اهم من العرض يا فرحتي زود العرض و الارتفاع هو هو الارتفاع بتاع الكواتش هو العامل الاهم و يليه العرض
و نصيحه برده محدش يجيب كاوتش ارتفاعه اقل من 45 او 40 عشان شوارع المحروسه
و نقشه الكواتش تفرق برده في مقاومة الهواء الاكوتش البيعمل صوت مقاموه عاليه للهواء
و الكاوتش بيبقي عليه حرووف ابجديه بالانجليزيه دي تدل علي مدي التصاق الكاوتش علي الارض و الافضل A و B التصاقهم قوي علي الارض
و طبعا بعد تغيير الكاوتش و الجنط الدركسيون هيتقال في كده انتهينا من مشكله ان الدركسيون خفيف برده
5- الايردويناميك
انا دلوقتي عرضت الكواتش اكيد لو عرضته زياده هيبقي بارز خارج جسم العربيه
و كده معني انه بارز يعني علي السرعه العاليه بيعمل مقاومه معا الهوا
المقاومه دي بتقلل الثابت و تزيد اهتزازت العربيه
عشان نتفادي الكلام ده بنفغ حول الرفاف
6- الاسبويلر
مكمل الايروديناميك
[aldl]http://www.uneedapart.com/images/spoilers.jpg[/aldl]
[aldl]http://www.littletoyairplanes.com/theoryofflight/images/whyplanesfly/fullsize/03liftillustration.jpg[/aldl]
مش منظر و خلاص
و الاسبويلر ده مش بيبقي فوق العربيه بس في بيبقي في الامام في الاسفل
و في الخلف في الاعلي و في الاسفل
و فكره عمله انه بيستفاد من الهواء البيقاوم العربيه في ثبات العربيه بدل ما الهواء يعدي كده و السلام الاسبويلر بيقاوم الهواء بطريقه تخلي الهواء يضغط علي العربيه لاسفل فبالتالي العربيه هتبقي اصبت كلما زادت سرعتها كلما زاد ضغط الهواء للسياره للاسفل
ملاحظة برده
ثبات العربيه و انت قافل الازاز بتاع العربيه مختلف تماما عن ثباتها و انت فاتح الازاز
العربيه الفيها العوامل دي تبقي دي العربيه الثباته بعيدا عن الوزن مش معامل نحسب عليه ما العربيات الجيب بتتقلب اسرع من اي عربيات تانيه معا ان وزنها تقل جدا
عن تجربه برده دايو ليجانزا وزنها 1460 كيلو و اخرها 130 عشان تبقي ثابته عشان هما مهتمين ب الراحه اكتر العربيه مراجيح و بتعوم و العربيه كله متجدده قريب يعني مفهاش مشاكل
فا الوزن مش عامل اساسي عامل مساعد مش اكتر
و غير كده و كده طبيعه الارض ليها عامل مساعد و موثر
الارض النعمه غير الارض الخشنه غير ...........................
و في عوامل تانيه صغيره مش هنخش فيها
و عيز اضيف حاجه برده مفيش عربيه في الفئه السعريه الي 120 الف ترقي لمفهوم الثبات في مصر الا قله قليله لا يتعدو ال 5عربيات
و عن تجربه شخصيه
معلش طويلت عليكم بس كنت اتكلمت في الحوار ده معا ناس كتير و قوحت كتير في طلعت كل حاجه عندي
من مقارنات كثيره اثبت سياره في مصر تحت 100000 جنيها
الجن 2 والبرسونا الاليجانس
عن تجارب