صوت ونة فى لانسر 2008 بلية فتيس

**bedooracle** · 25-09-2011 09:46 AM

معايا لانسر 2008 1600 اوتامتك فى صوت ونة فى العربية روحت التوكيل قالى بلية الفتيس و مش موجودة الحلول اللى قدامى و عايز راى الشبابا فيها :
1- تغيير فتيس فى التوكيل حوال 5800 جنيه
2- اجيب فتيس استيراد
3- اجرب فك الفتيس برا و اغير البليية و لو ان الناس قالولى لو اتفك عمره ما يرجع زى الاول
فى انتظار نصائحكم

**asorour** · 25-09-2011 10:12 AM

المشاركة الأصلية كتبت بواسطة bedooracle

معايا لانسر 2008 1600 اوتامتك فى صوت ونة فى العربية روحت التوكيل قالى بلية الفتيس و مش موجودة الحلول اللى قدامى و عايز راى الشبابا فيها :
1- تغيير فتيس فى التوكيل حوال 5800 جنيه
2- اجيب فتيس استيراد
3- اجرب فك الفتيس برا و اغير البليية و لو ان الناس قالولى لو اتفك عمره ما يرجع زى الاول
فى انتظار نصائحكم

بص يا سيدي انا هقترح عليك حاجه...اديني اسمها بالانجليزي وانا اساللك عليها عندي هنا في توكيل قطر.....هما ناس نضاف جدا وهيجبولي من الاخر ....... وان شاء الله نلاقيها و في الحاله ديه ممكن تتاكد من توكيل مصر انهم يركبوها وانا ممكن اشحنهاللك من عندي او ابعتهاللك مع حد جاااي مصر قريب.....وتقبل مروري

**prisoner** · 25-09-2011 10:18 AM

المشاركة الأصلية كتبت بواسطة bedooracle

معايا لانسر 2008 1600 اوتامتك فى صوت ونة فى العربية روحت التوكيل قالى بلية الفتيس و مش موجودة الحلول اللى قدامى و عايز راى الشبابا فيها :
1- تغيير فتيس فى التوكيل حوال 5800 جنيه
2- اجيب فتيس استيراد
3- اجرب فك الفتيس برا و اغير البليية و لو ان الناس قالولى لو اتفك عمره ما يرجع زى الاول
فى انتظار نصائحكم

ازاى يعنى بلية فتيس مش موجودة طيب دور عليها استيراد حتى لو اضطريت انك تجيب الفتيس كله استيراد 5800 كتيير قوى حتى لو معاهم ضمان هايديلك ضمان قد ايه بص هية الحاجات دى مفيهاش غلط يعنى انت لو جبت الفتيس مستعمل بيبقى على التجربة لو اشتغل معاك من الاول من غير اى ملاحظات لمدة اسبوع مثلا بيقى كويس لان الحاجات دى عبارة عن تروس وازاى تجيبه وتعرف انه كويس دى حاجة تانية تقدر تجيب معاك واحد متخصص فاهم يقولك اذا كان الفتيس حلو والا لا ولا اعتقد ثمنه يعدى 1500-2000 هو اصلا الموتور كله بكام لا قدر الله انا بفترض معاك الحلول وان شاء الله تلاقى البلية بس استيراد حتى لو فكيت وقفلت فى التوكيل والله ياجماعة الناس اللى فى التوكيل بشر زينا وزى الناس والصنايعية اللى برة بالظبط بس تحت اسم كبير وعلى فكرة لو اتفك واتركب صح وجوانات وبضمير مفيش مشكلة.

**M.Al-Hefnawy** · 25-09-2011 10:37 AM

كان فيه عضو قال إنو جاب فتيس استيراد من الحرفيين كان بـ 3000 جنيه واشتراه بـ 2800 بالعافية.

**bedooracle** · 25-09-2011 05:17 PM

asorour مشكور جدا لاقتراحك و جزاك الله كل خير هشوف و اقولك
prisoner تعديل معلش انا غلطت فى ان الفتيش فى التوكيل بى 8500 و ليس 5800

مشكلتى فى ان هل الفتيس بعد الفك و التركيب هيبقى كويس الكل بيقولى عمره ما يرجع زى الاول

**prisoner** · 25-09-2011 05:38 PM

المشاركة الأصلية كتبت بواسطة asorour

بص يا سيدي انا هقترح عليك حاجه...اديني اسمها بالانجليزي وانا اساللك عليها عندي هنا في توكيل قطر.....هما ناس نضاف جدا وهيجبولي من الاخر ....... وان شاء الله نلاقيها و في الحاله ديه ممكن تتاكد من توكيل مصر انهم يركبوها وانا ممكن اشحنهاللك من عندي او ابعتهاللك مع حد جاااي مصر قريب.....وتقبل مروري

ماشاء الله لسة فيه ناس كده ربنا يجازيك خير والله

**asorour** · 25-09-2011 05:56 PM

المشاركة الأصلية كتبت بواسطة bedooracle

asorour مشكور جدا لاقتراحك و جزاك الله كل خير هشوف و اقولك
prisoner تعديل معلش انا غلطت فى ان الفتيش فى التوكيل بى 8500 و ليس 5800

مشكلتى فى ان هل الفتيس بعد الفك و التركيب هيبقى كويس الكل بيقولى عمره ما يرجع زى الاول

اعتقد ان لو الفتيس اتفك و اتركب صح مش هيحصل حاجه و عموما انت مش خسران حاجه..اعتقد ان السيارات المعمره زي الانسر بتبقي مصممه للفك و التركيب بس لازم يكون حد سيرتفيد غير كده الفتي والعجن بتاع الصنايعيه هيمرمط العربيه

**asorour** · 25-09-2011 06:00 PM

المشاركة الأصلية كتبت بواسطة prisoner

ماشاء الله لسة فيه ناس كده ربنا يجازيك خير والله

الموضوع بسيط ان شاء الله و ان شاء الله نقدر نساعد و نخدم ...... واي عضو يحب يسال او يستفسر عن حاجه من الوكيل في قطر انا موجود.....ولو اي حاجه مطلوبه اقدر اعملها هعملها ومش هتاخر

**MR . Gold** · 25-09-2011 08:03 PM

المشاركة الأصلية كتبت بواسطة bedooracle

asorour مشكور جدا لاقتراحك و جزاك الله كل خير هشوف و اقولك
prisoner تعديل معلش انا غلطت فى ان الفتيش فى التوكيل بى 8500 و ليس 5800

مشكلتى فى ان هل الفتيس بعد الفك و التركيب هيبقى كويس الكل بيقولى عمره ما يرجع زى الاول

حضرتك متاكد ان سعر الفتيس في التوكيل 8500 !!!!! دة كلام حضرتك اكيد ؟؟؟؟؟ لان في اعضاء هنا اتكلمو عن سعر الفتيس الاتوماتيك في التوكيل كان سعرة خيالي 28000 الف جنية ثماني وعشرون الف جنية ولو سعرة في التوكيل كدة اتوكل علي الله وحضرتك اشترية لان الفتيس السي في تي لم يفك يعني بمعني اصح لا يصلح لتغيير اي قطعة فية وتقبل مروري

**M.Al-Hefnawy** · 25-09-2011 10:58 PM

في اعضاء في قسم الدايو قالو على واحد كويس جدا في تصليح الفتيس الأوتوماتك تقريبا في شارع احمد سعيد ممكن حضرتك تكلمه على التليفون وتستفسر منه أو تروحله ... رقمه: 0123281979