افادى و لا افرمل

**newcastle** · 25-09-2011 02:06 PM

انت عملت الصح

**moh19227** · 26-09-2011 04:28 AM

يا باشا انت عملت الصح واللي وراك غلطان علشان مش سايب مسافة كافيه بينك وبينه

**Ashraf_Ibrahim** · 26-09-2011 12:10 PM

قدر الله وما شاء فعل
انت كدة تصرفك سليم
امبارح انا راجع بالليل الساعة 11 تقريبا
فيه تقاطع -اشارة بعسكري مرور فقط لا غير- مفيش اشارة ضوئية
الاشارة مفتوحة انا مش ماشي بسرعة اوي انا كنت على 50 وبدأت أزود عشان أجتاز الاشارة
اذ فجأة عسكري المرور يظهر ويقفل الاشارة بتاعتنا ويفتح التانية واتفاجأ بالعربيات في وشي
شغلت فليشر وتوقفت بسرعة طبعا
ورايا عربية نقل كان هيلبس فيا لولا انه فاداني وهو بيقف لقيته بيقلي بالراحة في الفرامل
فشاورتله على العسكري وعلى العربيات فالراجل تفهم الموقف يعني
لولا ستر ربنا كان زمان زوزو في التأمين دلوقتي
الحمد لله
التوقف هو الحل الأمثل مع المشاة عشان ولا يلخبطوك ولا تلخبطهم

**Abdm** · 26-09-2011 12:36 PM

أنا روحت زيارة لآسكندرية ومشيت بالعربية على الكورنيش ومش عارف أمشى بالراحة لآنى كلة بيجرى هو أيوة الكورنيش متسفلت مية مية ويشجع لكن المشكلة اللى بيجرى بسرعة دة وكلهم كدة لو حب يدوس فرامل حتى لو خفيفة بردة مش هيعرف بسهولة لآن كل اللى وراة طايرين مش عارف لية السرعة دية بالذات على الكورنيش على الرغم من أن فى ناس فعلا كتير بتعدى أو يحصل أى ظروف تخلى الواحد يقف يقوم يلاقى اللى وراة لبس فية . ولا حول ولا قوة الا بالله العلى العظيم وربنا يسترها معانا جميعا يا رب

**Eng.Geo** · 26-09-2011 02:38 PM

مش عارف أقولك ايه
انت صح طبعا عشان اللي بتقوله
كان ممكن تفاديهم تقوم داخل في عربية تانية وهما شالهم اللي وراك
غر كدة مش اللي وراك هو اللي غلطان الا في حالة انه كان لازق فيك
انما اللي غلطان اللي بيعدوا الشارع
البحر عليه أنفاق كتير عشان الناس ماتعديهوش من فوق
ومعروف اللي يتداس عالبحر مالوش دية
بس نعمل ايه !

**AutoTycoon** · 26-09-2011 02:42 PM

سواقين التاكسي اللي مخاصمين دواسة الفرامل... مبيدوسوش عليها غير لو هيموت خلاص

**Amr Axel** · 26-09-2011 03:35 PM

اللي عملته صح في الموقف ده
و طبعا موقف عن موقف يفرق بس تحاول ع اد ما تقدر تفرمل طالما سرعتك مناسبة و تقدر تفرمل
عشان لو فكرت تفادي هتبقي عملت زي اللي عايز يعمل دريفت ع سرعة 150 خطر ع نفسه و ع كل اللي حواليه
و حاول سرعتك متبقاش عالية و خاصة ع البحر

و ربنا يعوضك ان شاء الله

**M_Marwan** · 27-09-2011 02:41 PM

أنا مش فاهم الناس بتسوق كده أزاى على الكورنيش ؟؟الناس فعلن بتبقى طايره بالعربيات

وحوادثه وحشه أوى أوى وبيكون فى خسائر فى الأرواح

ربنا يستر طريقك ويعوض عليك

-

الموضوع: افادى و لا افرمل

LinkBack

أدوات الموضوع

عرض

-

-

-

-

-

المواضيع المتشابهه

لم افرمل العربيه بدنها علي التاني او التالت

مشكلة في النوبيرا لما اجي افرمل

رجرجه لما افرمل

الكلمات الدلالية لهذا الموضوع

المفضلات

المفضلات

ضوابط المشاركة