و اول ما اللي قدامه يقف يرمي في الحاره الشمال او اليمين بس ميدوسش فرامل ( الظاهر الفرامل عيب :w6266d) ده غير طبعا ان كل سواقين التاكسيات بليل مطفين نورهم و لو ماشي في حته ضلمه يعد يدي فلاشر 500 مره في الدقيقه.
عرض للطباعة
أنا هو دة الكونت هاقول أنا مشواري فالشتا باخد البحر من أولو له أخرو عشان أوصل له كلية و فعلن تحس الناس بتعدي مكسلة تنزل فالنفق يعن ممكن يتأخر 5 دقايق لو أخد النفق بس ازاي لازم يعدي و طز فال-el-سايق أنا حصلي مواقف كتير مع البيعدو البحر كرهتهم و......و الإنت عملتو معرفش صح ولا لأ بتبقا حسب وقتها ...بس الحمدالله
انا حصلي نفس الموقف بس مع اطفال صغيرين كنت ماشي ع 80 وداخل 90 العيال ميحللهاش التعدية غير وانا جي بس الحمدلله ضربت فرامل في الوقت المناسب وبطوول الشارع وخط الفرملة تلاقيه معلم لغايت دلوقتي غير كده كان زماني رحت في داهية بس كفاية الخضة اللي شربتها .يلا ربنا يستر طرقنا كلــنا
1+
:w6266d
مظبووووط جدا ، من رائى البسيط ان ده نصيب يعنى لو انت فاديت الناس دى كان فى غيرك فرمل و حد تانى لبس فيه بس قدرك انت ان عربيتك تتخبط و تفدى ناس بعربيتك و الحمد الله ان حضرتك بخير و العربيه اتصلحط قضا اخف من قضا
حمدالله على سلامت حضرتك يا باشا:B4_388:
و ربنا يستر طريقنا جميعاً ان شاء الله
طبعا 99 % من المواقف الفرملة هي الصح
لأنك ممكن تحاول تفادي ..... شوية منهم يروحوا معاك و شوية يفضلوا مكانهم و كنت كدا كدا هاتدوسهم .
اللي وراك هو اللي غلطان مليون 100 %
محدش هنا في بلدنا المحروسة بيسيب مسافة كافية بينه و بين اللي أمامه و محدش بيمشي بسرعة معقولة إلا نادرا و غالبا السواقين بتعلم عليه بالغرز و الكلاكسات و التضييق عليه في الطريق .
بلد عايزة الحرق .
طيب الحل ايه يا استاذ توت ، انا اعصابي بتتحرق ، ولو انت ماشي على الدائري فى نقط معينة كله ماشي فوق ال90 وتبقي انت اللى ماشي بسرعة النملة علشان تعدي من حارة لحارة تقريبا بيكون استحالة إلا لما تخالف السرعة وتزود علشان تتجاوز او تعدي الحارة وانت محافظ على المسافة بينك وبين اللى قدامك
المشكلة الناس بتبص لك على انك مش عارف تسوق وماشي غلط كمان وتلاقيه عمال يبص لك شرزاً وهو اللى تيييت بن 60* 70 وبيلعب كراش بالعربية اللى سايقها ، ويوم لما اخد الشمال وامشي 90 بتبهدل آخر بهدله ، يعني علشان ابدأ احس اننا فى الطريق بدون ما اسبب إزعاج ليا او لغيري لازم امشي على 100 اقل حاجة
يعني من كام يوم مش عارف ادخل على ملف على اليمين بسبب كله طاير وبيتجاوز من على اليمين ، ومش قادر انقل على الحارة اليمين ، هدخل اليمين أزاي ؟ ، طلعت على 120 دخلت على اليمين ، وهديت من 120 وانا على الملف ل 60 !! ، بحس اننا بلعب درايفر وانا سايق ، وانا طبيعتي اصلا هادي و كلمه متخلف مش بقولها وبعتبرها عيب ، بركب العربية بحس اننا عصبي و شوارعي
ولسه النهاردة نقل عمال ينقل من حارة لحارة ولا أكنه موتوسيكل ريسينج ، والمقطورة عماله تلعب وراء العربية وكانت هتخبط فى كذا عربية والله يمكن فرقت على سنتيمرات بس ، وانا بهدي واسيب مسافة كبيرة تحسباً للمصيبة اللى هتحصل قدامي ومزهول ومش عارف اعمل ايه ، ما انا كدة كدة هلبس فى الحادثة يا اللى ورايا هيلبس فيا ، واللى ورايا مش راحمني وعاوزني اسرع ، ادي له انتظار انه يهدي ويصبر لما نشوف ايه المصيبة اللى هتحصل يا النقل يعدي مفيش فايدة ابداً نور وكلاكس وكل حاجة مش راحمني
وبعدين تلاقي فى يوترن ، نقل هدي فى اقصي اليمين وبعدين بيقطع الطريق علشان يدخل اليوترن شمال وانا داخل من الشمال فى مكاني كان هيشيلني بدي له كلكس بصلي كدة بإستغراب وفى ايده السيجارة اياها وحسيت اننا غلطان والمفروض مدخلش اليوترن من على الشمال
انا شكلي فى الأخر هبقي حمار علشان اعرف اعيش فى وسط الحمير ، مش لاقي حل !!
اللي عملته هو الصح غير كده تبقي مشكله
للآسف .... الحمار هايفضل طول عمره حمار طالما العربجي اللي بيسوقه سايبه يبرطع في الشارع من غير حبل و كرباج .
و أنا حاولت أعمل حمار ......... مقدرتش أعمل الغلط ...
بقف زي الأهبل في أي يو ترن ورا العربية في الحارة أقصى اليسار
و كله بييجي من اليمين و يتخطى حارة الدوران . :_Alshmokh08[1]:
بالنسبة للدائري فهو و السواقين اللي عليه *&&^^^%%%$*&&#*&#*&$*$& :majd(4):
أنا مش بطيق أطلع الدائري نهائي و برضه وسط البلد زحمة :_Alshmokh08[1]:
الظاهر الحل الوحيد أن الواحد يهاجر و يسيب الحمير تسوق براحتها .
المصيبة أنهم فاكرين أن ده هو الصح ولا يصح غير الصحيح .
و حسبي الله و نعم الوكيل في مبارك و نظامه
اللي الرخص بتطلع في سرعة البرق بدون تعليم و بدون ارشاد و بدون تطبيق للقانون على الطريق
لنا الله
السلام عليكم
ردودكم مريحه قلبى قوى ,, انا اترتضيت بقضاء الله , الحمد لله و خلاص هعمل ايه ادى العربيه بتتصلح و انا عمال اكع ,, بس فى حاجه سبحان الله , السمكرى بيقلى لو مكنتش فضلت دايس فرامل بعد موقفت كانت هتبقى الخبطه اخف جدا بس الناس كان ممكن تتصاب جامد ,,, قلتله مش مشكله بردو فداهم و الله
ربنا يرضينا جميعا بقضائه