-
افادى و لا افرمل
السلام عليكم
انا بقالى يومين مش بنام بسبب اللى حصل
انا ماشى على البحر ف اسكندريه على سرعه 70 بالكتير و فجأه لقيت قدامى جماعه بيعدو السكه و معاهم عيال صغيرين مسكينهم الحمد لله ان سرعتى كانت مناسبه انى اقف و مضرش حد ,, بس انا اللى اتضريت لان عربيه دخلت فيا من ورا بهدلتنى و كلفتنى 1500 جنيه بس فيا ناس بتقلى كان ممكن تفاديهم انا مش عارف ايه الصح ,,, القرار فى جزء من الثانيه لو اتنقلت للحاره اللى بعدها بسرعه كان ممكن حد يكون جى من ورا او انهم يكملو تعديه ف الطريق و الاقيهم قدامى و خبطهم لا قدر الله
ايه الصح فيدونى
-
الصح يا باشا انك تفرمل و اللى انت عملتو هو الصح الصحيح . لانك من الممكن كنت تفادى و برضه تخبط الناس من الخضه و لكن فى حالة الوقوف و الفرملة الخاسر هو السيارة فقط و ليس الناس ودى خسائر مقبولة و ممكن تتعوض ولكن الناس مش ممكن تتعوض . وشكرا
-
ربنا يعوض عليك و يجزيك خير على الى عملته , الى عملته ده هو الصح , احتمال لو كنت جيت فى حارة تانية الى جاى وراك مش شايفهم و كان ممكن يخبطهم
-
انت كده تماام و ربنا يعوض عليك
-
تفرمل و الى وراك غلطان عشان مش سايب مسافه كفايه بينك و بينو
-
انت الصح وربنا يعوض عليك ويسترها معانا كلنا ان شاء الله
-
انت كده عملت اسلم حاجه, لان ممكن الناس اللى انت بتفاديها من الخضه او اللغبطه ترجع و ممكن تخبطهم
ربنا يعوض عليك و الحمد لله انك سليم و ان محدش حصله حاجه
-
الى انت عملته هو الصح
نفس الموقف ده حصل قدامى مره قدام مكتبة الاسكندريه
عربيه ميكروباص تويوتا وقفت مره واحده عربية دايو وقف مرة واحده ورها ولحق نفسه قبل ما يخش فيها جت عربية تويوتا برده ميكروباص دخلت فى الدايو من ورا ولبسته فى التويوتا الى قدامه الدايو باظت من ورا ومن قدام
ربنا يستر علينا
-
صح الي حضرتك عملته بس تدي انتظار كمان عشان الي وراك ينتبه.
وقدر الله وما شاء فعل
-
ربنا يباركلكم و يجزيكم خير انتم كده ريحتونى والله
Content Relevant URLs by
vBSEO 3.6.0 PL2