جينا عايزة تستحمي

**alaa7sh** · 25-09-2011 01:41 PM

جينا بقالها معايا شهرين وماتغسلتش ولا مرة وحاسس انها متربة معايا من بره ومن جوه.
عايز أعرف أغسلها وانضفها ازاي من بره وجوه. واية الأدوات اللي هستخدمها في عملية الغسيل بالداخل والخارج؟ (دي أول مرة في حياتي هغسل فيها عربية)

ملحوظة: العربية بتاعتي محكوكة جامد من قدام وفي قشور سوداء من الحكة القوية ظهرت علي الصاج. هل ممكن تمسكها البارومة مثلا؟ واغسل المنطقة دي ازاي لحد بس ماوديها صيانة الألف واخلي التوكيل يرشهالي ويظبطهالي ؟

**eng.m7md.ali** · 25-09-2011 05:04 PM

الف مبروك على العربية

لو عندك صبر للغسيل يبقى استحمل بقى ههههههههههههههههههه
طبعا هتغسل برة بجردل مية وحتة سفنجة تكون نعمة علشان الصاج ميتخدشي
ومتنساش بعد الغسيل وش بولش وشمع علشان العربية تفضل تلمع وكمان تحافظ على الصاج
بس الاحسن توديها كار كير نضيف يعملك كل الحركات دي وبالكتير هتدفع 200 جنيه من برة وجوة كمان
نيجي بقى للبارومة متقلقش خالص العربية مش هيحصل فيها حاجة لو غسلت
بس انا لاحظت انك بتقول في قشور سودا من قدام هيا اتحكت في الاكصدام ولا ايه ؟
لو في الاكصدام يبقى متقلقش ابدا ده فبر مش بيصدي ولا بيجيب بارومة واغسل العربية عادي

**A.Saad** · 25-09-2011 10:32 PM

العربية يقالها شهرين يا غالى
لو زيرو يبقى بلاش كار كير خالص
مغسلة كويسة كفاية
الكار كير لون الصالون مترب جامد
وبرده لو زيرو مش محتاجة تعمل بوليش خالص ولا واكس حتى

**A.Saad** · 26-09-2011 08:18 AM

حاضر يا عم علاء
مع ان ايدى هتوجعنى من الكتابة
هتجيب
شامبو رابيدو ب 6 جنيه من كارفور ابو علبة بيضاء مش الشفافة
او
كيس شامبو اطفال من الصيدلية
جردل مياه
فوطة
الاول ما تغسلش العربية وهيا ساخنة سواء من مشوار او الشمس
تغسلها الاول بمياة بس وتدعك الجنوط والاكصدام من جوة واسفل والكارتيرة بتاعة العجل كذلك
وبعدين تحط الصابون ولا الشامبو فى المياة وتخليه يعمل رغاوى وتبتدى تليفها بما انك بتحميها
ومترميش الرغاوى بعد ما تخلص
تغسل العربية بعد كدة بالمياة وتغسل الفوطة اللى معاك
تنشفها يقى كويس بالفوطة وتتعصر طبعاً وتكمل تنشيف بفوطة تانية كويس
الزجاج بفوطة نضيفو وجلانس وطبعاً من جوة لانه اتغسل من برة
الصالون
ممكن الاول تعمله هوفر فى البنزينة لو محتاج وده قبل الغسيل طبعأُ
مش محتاج
فوطة ناشفة ممكن بتاعة الجلانس والافضل واحدة جديدة وعلبة armor all- protectant
تترج وترش على الفوطة وتمسح بيها الفيبر والفينيل فى التابلوة والقوائم والابواب
لا تستعمل على القماش فى الفرش او فرش الابواب
ممكن الجلد فى ضهر الكرسى او جوانبه يعنى الاماكن اللى مش عليها جلوس وملامسة للملابس
لا يستعمل على الطارة والدواسات لانه ممكن يزحلق ايدك او قدمك
وممكن تروح بينزينة تشرب عصير وتشوف العامل بيغسل اى عربية تانية ازاى الاول
الفوط
فى الغسيل بالصابون هات فوطة صفرا وبرده فى التنشيف
فى الصالون هات فوطة ميكروفايبر علشان تكون خامتها ناعمة
خامتها شبه القطيفة هتلاقيها فى البنزينات ب 7 جنيه