صوت صوصوه من التيل الامامي؟؟

**فادى محمد** · 25-09-2011 08:38 PM

المشاركة الأصلية كتبت بواسطة syd

بص يا باشا لما تفك التيل هتلاقي المكبس (العامود الخارج من الماستر الي بيكبس التيل علي الطنبورة) ممكن يكون عايز تنظيف ومش بيدخل للأخر بعد ما بتسيب الفرامل
جرب نظفه او حتي زيته (ابعد الزيت عن التيل اكيد حضرتك فاهمني)

وتأكد ان المكبس بيدخل للأخر في الماستر

وركب التيل تاني
ووانت رافع العربية جرب تاني

والله المستعان
،
،

المكبس انا لينته وحقنته زيت وشحمت صوابع الكالبر كمان ..انا هبلل المسطره بتاع الطنبوره بالميه واديلها نقله علشان تلف واشوف الميه اللي علي الطنبوره هتعلم في انهي مكان في التيل واخفه بالصاروخ علشان تعبت نفسيا من الصوت ده ..

المشاركة الأصلية كتبت بواسطة n.a.j.d

الطنابير اخبارها ايه يافادي عندك؟؟

الطنابير حلوه بدليل انها كانت شغاله قبل الفك والتركيب ولو فرضنا ان فيها ريجه هي اللي بتعمل الصوت فكنت هحس برجرجه مع الفرامل وده مش موجود ..

**tananybasha** · 26-09-2011 01:34 AM

جرب تصنفر التيل

**فادى محمد** · 05-10-2011 07:38 PM

بقالي اسبوعين هتجنننننن,النهارده بس عرفت صوت الصوصوه منين!!!
لما باشيل كالبر الفرامل وادور الطمبوره لوحدها الصوت بيختفي ظنيت ان المشكله في التيل وظلمته والمشكله اصلا في سره العجله فيها بوش بتروح وتيجي اثناء الدوران وبتحف في التيل وتعمل الصوت ..جبت سره جديده ب150ج والحمد لله هنام النهارده مرتاح من الصوصوه..