الموضوع: استفسار بخصوص خبطه في عتب شارك

المشاركة الأصلية كتبت بواسطة ykdl

السلام عليكم
دى اول مشاركة ليا معاكوا فى قسم المتسوبيشى واتمنى انكوا تقبلونى ضيف عندكوا

الوقتى خالى جايب عربية شارك سوبر أكشن من الامارات ولسه مرخصة وطبعا زى ما انتوا عارفين الطريق عندنا وكده وهو مش متعود ع السواقة هنا

المهم هو خبط العتبة فالبودى كيت اتشرخ منه حته ووقع والعتبة اتطبقت لجوه

وسألنى ع التوكيل عشان يردها عندهم ويصلحها
فقلتله هاسأله على سمكرى نضيف يكون احسن وأرخص من التوكيل

وقلت اجى اسأل اهل الخبرة

الوقتى خبطة العتبة دى ممكن تترد أصلا ولا لا؟

ولو ينفع ايه أحسن سمكرى نروحله يظبطها فى المنصورة او اى مكان حواليها ولا اسيبه يروح التوكيل وأمره الى الله؟

معلش طولت عليكما بس يا ريت لو حد يقدر يفيدنى

و عليكم السلام و رحمة الله و بركاته

حضرتك نورت قسم مستوبيشي و المنتدى كله
و حضرتك بش ضيف,,حضرتك زي ما بيقولوا صاحب بيت

قدر الله و ما شاء فعل

احب استفسر من حضرتك على كام سؤال بعد اذنك طبعا

اولا:هي العربية هاي لاين صح ولا لا؟؟
ثانيا:حضرتك تقصد ايه بالبودي كيت؟؟؟

لو العربية هاي لاين,,بيبقى ليها عتب جانبي
العتب ده بيبقى فيبر بش صاج
و ده لو اتكسر,,فيه احتمال انه ممكن يتصلح او حضرتك تجيب غيره و تركبه عادي

اما بقى لو بش هاي لاين و العتب الجانبي عتب عادي يعني على الصاج علطول
دي الصراحة بش عارف ممكن تتصلح ولا لا او بمعنى اخر حينفع تترد ولا لا

حضرتك ممكن توديها التوكيل و تشوف حتتكلف كام بس و ما تصلحش
لحد ما حضرتك تشوف بره حد ممكن يصلحها و لو حيصلحها حيصلحها بكام
و لو الفرق بسيط,,يبقى الاحسن حضرتك توديها التوكيل