عرض للطباعة
انا عندي مشكله لو تساعدوني فيها أكون شاكر.
عندي بولو 2001. الكلاكس بيشتغل بمزاجة حبة شغال وحبه لا. الميكانيكي (هو مهندس) قاللي النحاسة بتاع الدركسيون بايظة. وانها مبتتبعش لوحدها. لازم أغير دركسيون.
حد قابلتة الحكاية دي قبل كده. مش مصدق ان حتة نحاسة نغير لها الدركسيون.
شكرا جزيلا لكل الناس اللي في هذا الموقع الرائع وكل اللي بيستفادو منهم وكل اللي سمع عنهم وحتي اللي مش عاجبهم الموقع (ان وجدوا). والله احس ان انتم فيكم شبه من اللي قال فيهم رسول الله (ص) "هم القوم لا يشقى بهم جليسهم".
أخوكم محمد
هيا فعلا النحاسه ممكن تكون هيا المشكله ولكن اكيد لها حل غير تغيير الدركسيون ولكن انا مش عارف شكل الدركسيون بتاع البولو عامل ازاي ..........
ممكن تفك النحاسه دي وتعمل زيها في المخرطه مش حيبقي فيها مشكله انما تغير دركسيون علشان نحاسه حرام طبعا انا عملت الموضوع دا مره بس في عربيه فيات 125 و قالولي برضه غير الدركسيون و بتاع و انا عملتها في المخرطه
اخرط نحاسة او اشترى دركسيون .
اى حته نحاسه تكون قريبه الشكل و تتلحم او لو موجوده النحاسه الأصليه بتاعتها تتلحم ........ وقولى انت منين و انا اقولك تروح لمين يعملهالك .
a7'ook
Sherif
اظن ان المشكلة كلها هاتلقيها فى شوية صدأ على النحاسة او السوستة اللى بتلمس النحاسة ضعفت فعملالك Bad Contact
فى الحالتين فك الدركسيون، نضف الحلقة النحاس اللى فيه من تحت ولو مصدية ممكن تتصنفر خفيف.
وشد السوستة شوية للخارج
وممكن بخة WD40 على الحلقة تحللك المشكلة
ممكن حل حلمنتيشى شوية هو انك تستعمل دراع الرشاش بتاع ميه القزاز تشغل بيه الكلاكسن وتعمل زرار منفصل للرشاش
يا باشمهندس. انت ترضى تعمل الحل ده فى الصنى بتاعتك لو قالولك لازم تغير الدركسيون :roll:اقتباس:
المشاركة الأصلية كتبت بواسطة sab3awy
استاذ محمد انا كان عندى المشكلة دى, و انا معايا بولو 99
انا بتعامل مع بتاع فولكس شاطر و عنده كهربائى اكتر من ممتاز, عرف يحل لى المشكلة دى من غير تغيير دركسيون
لو عاوز رقمه او الوصفة انا تحت امرك
و يا ريت لو حضرتك عندك حاجة بخصوص الفولكس ابقى افتح الموضوع هناك, علشان فى حد ممكن يبقى عنده المعلومة لكن ميفتحش الموضوع بتاعك هنا فى المنتدى العام
انا شايف ان ده يبقى احسن من الناحية التنظيمية
شكرا ليكم جميعّا.
الأخ شريف: أنا في مدينة نصر ياريت تقوللي مين ممكن يبقي فريب ليه
الأخ معاذ: ياريت تقوللي مكان او تليفون الكهربائي الكويس
أنا هجرب حل الأخ حازم بخصوص تنظيف النحاسة لو عليها صدا أو تراب. وربنا ييسر وتشتغل.
أخوكم محمد