الكلاكس - حبّه "آه" وحبّه "لا"

**Mohammad Okasha** · 10-06-2007 04:35 PM

انا عندي مشكله لو تساعدوني فيها أكون شاكر.

عندي بولو 2001. الكلاكس بيشتغل بمزاجة حبة شغال وحبه لا. الميكانيكي (هو مهندس) قاللي النحاسة بتاع الدركسيون بايظة. وانها مبتتبعش لوحدها. لازم أغير دركسيون.

حد قابلتة الحكاية دي قبل كده. مش مصدق ان حتة نحاسة نغير لها الدركسيون.

شكرا جزيلا لكل الناس اللي في هذا الموقع الرائع وكل اللي بيستفادو منهم وكل اللي سمع عنهم وحتي اللي مش عاجبهم الموقع (ان وجدوا). والله احس ان انتم فيكم شبه من اللي قال فيهم رسول الله (ص) "هم القوم لا يشقى بهم جليسهم".

أخوكم محمد

**أبو عبدالله** · 10-06-2007 06:18 PM

هيا فعلا النحاسه ممكن تكون هيا المشكله ولكن اكيد لها حل غير تغيير الدركسيون ولكن انا مش عارف شكل الدركسيون بتاع البولو عامل ازاي ..........

**hazem_khidr** · 10-06-2007 06:18 PM

ممكن تفك النحاسه دي وتعمل زيها في المخرطه مش حيبقي فيها مشكله انما تغير دركسيون علشان نحاسه حرام طبعا انا عملت الموضوع دا مره بس في عربيه فيات 125 و قالولي برضه غير الدركسيون و بتاع و انا عملتها في المخرطه

**Abdallah** · 10-06-2007 07:03 PM

اخرط نحاسة او اشترى دركسيون .

**sh_masry** · 10-06-2007 08:07 PM

اى حته نحاسه تكون قريبه الشكل و تتلحم او لو موجوده النحاسه الأصليه بتاعتها تتلحم ........ وقولى انت منين و انا اقولك تروح لمين يعملهالك .
a7'ook
Sherif

**h_hezzah** · 10-06-2007 09:52 PM

اظن ان المشكلة كلها هاتلقيها فى شوية صدأ على النحاسة او السوستة اللى بتلمس النحاسة ضعفت فعملالك Bad Contact
فى الحالتين فك الدركسيون، نضف الحلقة النحاس اللى فيه من تحت ولو مصدية ممكن تتصنفر خفيف.
وشد السوستة شوية للخارج
وممكن بخة WD40 على الحلقة تحللك المشكلة

**sab3aawy** · 10-06-2007 10:59 PM

ممكن حل حلمنتيشى شوية هو انك تستعمل دراع الرشاش بتاع ميه القزاز تشغل بيه الكلاكسن وتعمل زرار منفصل للرشاش

**h_hezzah** · 10-06-2007 11:02 PM

المشاركة الأصلية كتبت بواسطة sab3awy

ممكن حل حلمنتيشى شوية هو انك تستعمل دراع الرشاش بتاع ميه القزاز تشغل بيه الكلاكسن وتعمل زرار منفصل للرشاش

يا باشمهندس. انت ترضى تعمل الحل ده فى الصنى بتاعتك لو قالولك لازم تغير الدركسيون :roll:

**معاذ الشرباصى** · 11-06-2007 06:48 AM

استاذ محمد انا كان عندى المشكلة دى, و انا معايا بولو 99

انا بتعامل مع بتاع فولكس شاطر و عنده كهربائى اكتر من ممتاز, عرف يحل لى المشكلة دى من غير تغيير دركسيون

لو عاوز رقمه او الوصفة انا تحت امرك

و يا ريت لو حضرتك عندك حاجة بخصوص الفولكس ابقى افتح الموضوع هناك, علشان فى حد ممكن يبقى عنده المعلومة لكن ميفتحش الموضوع بتاعك هنا فى المنتدى العام

انا شايف ان ده يبقى احسن من الناحية التنظيمية

**Mohammad Okasha** · 11-06-2007 08:49 PM

شكرا ليكم جميعّا.
الأخ شريف: أنا في مدينة نصر ياريت تقوللي مين ممكن يبقي فريب ليه
الأخ معاذ: ياريت تقوللي مكان او تليفون الكهربائي الكويس

أنا هجرب حل الأخ حازم بخصوص تنظيف النحاسة لو عليها صدا أو تراب. وربنا ييسر وتشتغل.

أخوكم محمد

الموضوع: الكلاكس - حبّه "آه" وحبّه "لا"

LinkBack

أدوات الموضوع

عرض

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة