تحذير هام وفوري من تقاطع محور الشهيد مع ال na الآن, الناس بتتسرق

**nonetta** · 27-09-2011 10:16 AM

لما قريت الموضوع دة امبارح اتصلت بزوجي لانه طريقه كل يوم بالليل وقلتله خلي بالك
بعدها قال لي مفيش حاجة الطريق عادي
لما رجع قال لس سألت ناس عالطريق قالوله انهم كانوا حوالي 6 وناس بلغت كتائب الجيش اللي عالطريق خدوهم جوة الكتيبة وفرموهم جوة ومحدش عارف عملوا فيهم ايه بعد كدة
طيب لو مكانش الجيش
فين البهوات والبشوات ولا عشان خلاص فقدوا لقب الباشا

**MASERATI** · 27-09-2011 01:14 PM

المشاركة الأصلية كتبت بواسطة nonetta

لما قريت الموضوع دة امبارح...........

فين البهوات والبشوات ولا عشان خلاص فقدوا لقب الباشا

السلام عليكم و رحمة الله و بركاته

دايما تلاقى الناس تقول ايه:

فلان ده رااااااااااااااجل ويعتمد عليه, دول بأه لأنهم ممكن يكونوا أى حاجة غير أنهم رجالة, فلا يعتمد عليهم, أنا سمعت أنهم على دخول الشتا, وزارة الداخلية هتصرفلهم كوفية و بونيه نفس اللون

.

**M.Elgergawy** · 27-09-2011 02:07 PM

ربنا يستر دا تقريبا طريقي يوميا صباحا ومساءا وفعلا التقاطع فيه كوبري جديد يتم بناؤه والمكان مزدحم جدا مش عارف ازاي دا حصل ؟؟؟؟

**shaddadfalcon1** · 27-09-2011 04:48 PM

انا معدي عليه البارح من نفس المكان ده الساعه 10:45 صباحا ومكنش فيه حاجه

الطريق بالظبط هو لما بتخرج من مخرج 9 من علي الدائري من عند مصنع الغاز اللي هناك وبتعدي علي محمد ذكي وبتمشي لحد ماتيجي عند الصنيه اللي قصاد المدافن وخدت يميين عشان اروح المنطقه الحره ومكنش في اي حاجه غير طبيعيه

**werewolf** · 27-09-2011 04:59 PM

انا كل يوم علي الطريق ده صباحا 7:30 ومساءا 3:45 وكتير من اصحابي (شغلي في التجمع وساكن في المهندسي) ما حصلش اي حاجة خالص ولا حد حصلو حاجة في الفترة دي

**Mzeid** · 27-09-2011 05:08 PM

أناعلشان كدة بفضل ان الشرطة عندنا تمشي بنظام الدوريات زي الولايات المتحدة كدة لأنهم بالشكل دة هيغطوا البلد و يكونوا فيه سرعة رد فعل من ناحيتهم بدل جلوسهم على المكاتب في الاقسام و المديريات

و بالله عليكم يا جماعة افترضوا حسن النية :) للشرطة لأن الشرطة مش بتنجم ولا بتستخدم البلورة السحرية علشان تعرف الجرائم قبل وقوعها او اثناء لو حد بلغ يتعاملوا مع البلاغ

معلش انا بقول كدة لأن انا بزعل جدا من الكلام على الشرطة لأني بصراحة بشوف منهم شغل سواء ناس من العائلة عندي او معارف

و منتظر هجومكم :))))

**mrwho1982** · 27-09-2011 05:34 PM

امبارح كنت واخد الطريق ده علي 10 و 11 باليل وماكانش فيه حاجة

عامة ربنا بيسترها

**shaddadfalcon1** · 27-09-2011 05:46 PM

الغلط علي الناس لما يبقي كتيير قوي علي الطريق ده ويسيبو 6 كلاب يعملو فيهم كده

**Ahmed Selim** · 27-09-2011 07:09 PM

ربنا يسترها

المشاركة الأصلية كتبت بواسطة merosss

انا كنت سمعت من كذا حد انة اسمة النفق على اسم شهيد انا مش فاكر اسمة دلوقتى وال na دى طلعت عشان لما عملوا اليافطة فى الاول خالص معمولة بالكمبيوتر والاسم ما ظهرش لسبب ما وكتب na
not available دة كلام بجد يا جماعة مش بهزر والناس طلعت علية na وبعدين الحكومة عملت يفطة تانية وسمتة ال na

+11111

أعتقد سبعاوى كان كتب عن الموضوغ ده من فترة على المنتدى.........لو أنا ذاكرتى مخرفتش

-

الموضوع: تحذير هام وفوري من تقاطع محور الشهيد مع ال na الآن, الناس بتتسرق

LinkBack

أدوات الموضوع

عرض

-

-

-

-

-

المواضيع المتشابهه

تقاطع محور الشهيد مع طريق المقطم المشكلة والحل

محور الشهيد و محور na - فين الحاجات دي ؟؟

تعديل مسمى محور الشهيد الى محور المشير طنطاوى

حادث على محور الشهيد

الكلمات الدلالية لهذا الموضوع

المفضلات

المفضلات

ضوابط المشاركة