الزرجنيه

**atefadel** · 04-10-2011 12:01 AM

محدش جاوبنيييييييييييي

**Bishoy.Girgis** · 04-10-2011 12:09 AM

الحمدلله يا باشا انك اطمنت علي العربية و انها بخير و عايز اقول لك ان الحدفة ديه ممكن تكون هواء ناقص في فردة عن التانيه صدقني و بتحصل معايا كده و فعلا بلاقي فرده اقل من التانيه انما نشكر ربنا عربيتي عامله اهيه 30000 كيلو و موديل 2009 و عمري ما عملت ظبط زاويا ولا ترصيص ولا كلام من ده .. فارجوا منك تشوف الاول موضوع تظبيط الهواء

**M.Nabeeh** · 04-10-2011 12:57 AM

المشاركة الأصلية كتبت بواسطة tamermagdi

السلام عليكم

الحمد لله إنك إطمنت على عربيتك
إنت عربيتك جديدة و ميحصلش فيها الكلام ده إلا لو لاقدر الله خبطه جامدة أو مطب رهيب

قولى بقى أشرافكوا مكانه فين فى مدينة نصر عشان أروح أشيك على عربيتى

أخر الطيران وتكمل يمين عند مسحد نور الاسلام حتلاقي 3 محلات جمب بعض

**FBIAhmed** · 07-10-2011 03:09 AM

يا بيشوي باشا انا عربيتي كانت طالعه من المصنع فيها مشكله زوايا و اخيرا وصلت لواحد بتاع زوايا جامد اوي و فاهم بجد و بيزبط زي ما الكتاب بيقول و بيحط مثبت الدركسيون و مثبت الفرامل و هو بيزبط و بيشيك على الهوا الاول و بيزبط بعد ما يدورها عشان صمامات الباور ليها عامل

هو اسمه عمرو بدوي في الحي السادس مدينه نصر تخش من جنب ابو رامي يمين و تكمل طوالي هتلاقيه على ايدك اليمين و عنده ترصيص و زوايا و استعدال جنوط كمان

**Youssef.Awad** · 07-10-2011 03:12 AM

المشاركة الأصلية كتبت بواسطة goudamahdy

السلام عليكم ورحمة الله وبركاته

تقريبا الموضوع ده حصل مع أخونا الدكتور يوسف وقاله برضو العجلة اليمين ( على ما أتذكر ) انها مرحلة برضو 1.25 سم وراح في مكان تاني زبط الزوايا في الحرفيين

( الكلام ده كان في مشاركة قديمة عند صيانة الــ 40000 وبصراحة لقيته جاب السيرة برضو في المشاركة دي .... ممكن تراسله ع الخاص وتعرف منه العنوان بالظبط)

وتحت أمرك يا باشا

وده اللينك بتاع مشاركة د. يوسف

http://www.nilemotors.net/Nile/245650-50-000-a.html

الله يباركلك يا دكترة
كلامك صح مليون فى المية
نفس اللى حصل معايا شهر يونيو اللى فات وخلانى الف حوالين نفسى واشك فى نفسى انى مرة باركن خبطت فى الرصيف خبطة خفيفة لحد اما الاستاذ عاطف وصفلى واحد تحفة فى الحرفيين وهو safety center بتاع ضبط الزوايا والترصيص طلعت كل الحكاية فرق فى الزاوية 0.07 وزبطلى العلامة فى النص كمان وب25 ج بس وفى 10 دقايق ودى نمرته لو توهت بس هو سهل قدام نقطة شرطة الحرفيين واسأل هناك الف مين يدلك عليه استاذ ورئيس قسم شغل محترفين
0123446688 - 0122525255

نصيحة لوجه الله اى واحد معاه صنى من اى موديل ياريت ما يروحش لبريدجستون كالتكس عباس العقاد لأن برمجة الجهاز الجديد اللى جابوه اول السنة دى باااااااااااااااااااااايظ وقدام منى فى صيانة ال30 الف كم فى مارس 2011 كان فيه واحد بيزبط فئة ثالثة بى ام دبليو وكان الجهاز مخرف مسلب زوايا كبيرة فى الاربع عجلات عكس الظاهر بالعين المجردة !!!
الموضوع ده مهم وخطير وياريت احمد منسق المنتدى يثبته عشان ماحدش يسمع كلامهم ويروح لعفشجى يشد بالزرجينة ويبوظ العربية بدون داعى

**FBIAhmed** · 07-10-2011 03:15 AM

انا روحت لسيفت سنتر بدري معجبنيش اوي الي اجمد منه و اتعامل معاه ناس في نايل موتورز عمرو بدوي و مش عاوز اقلكوا بشهاده التوكيل

**Youssef.Awad** · 07-10-2011 03:17 AM

المشاركة الأصلية كتبت بواسطة Peaceman

الحمدلله يا باشا انك اطمنت علي العربية و انها بخير و عايز اقول لك ان الحدفة ديه ممكن تكون هواء ناقص في فردة عن التانيه صدقني و بتحصل معايا كده و فعلا بلاقي فرده اقل من التانيه انما نشكر ربنا عربيتي عامله اهيه 30000 كيلو و موديل 2009 و عمري ما عملت ظبط زاويا ولا ترصيص ولا كلام من ده .. فارجوا منك تشوف الاول موضوع تظبيط الهواء

اصدقك يا بيشوى باشا لو ما فكيتش ولا عجلة وما اتخرمتش ولا خرم فمش هاتحتاج لترصيص الا عند استبدال الكاوتشات
اما زبط الزوايا عن نفسى باعملها صيانة وقائية دورية كل صيانة 10 الاف كم بعد الروتاشن وبسبب الطرق الجميلة اوووووى اللى بنمشى عليها لأنها مش حرير ومليانة نقر وحفر ومطبات ومقبات ده كفاية يا راجل عيون القطط ع السريع وفواصل الكبارى