الموضوع: وش سلندر!!!

حصل معايا نفس الموقف فى عربية فولكس سيرانو 2009 الشهر الفات، وعملتها على ونش وودتها التوكيل فى العبور وبعد 3 اسابيع قالولى وش سلندر وشويه حاجات وهتتكلف حوالى 18 الف جم مبدئياً تحت العجز والزيادة، وواحد صاحبى عندة بى ام شار عليه بورشة بيصلح فيها عند محطة مترو الزهراء، وخت الاسطى صاحب الورشة ورحنا التوكيل حملنا العربية على ونش ولمينا الموتور علشان كانوا مفككينة حت حت؟؟؟؟؟
وقعدت عند الورشة حوالى اسبوع واتكلفت بالمشال والفك والتركيب ومسح وش السلندر وخلافة 3000جم ،ودة بسبب (وفقاً وكلام الاسطى) ان مستلم الموتور متفكك ولو كانت العربية راحت ليه من الاول كان الامر والتكلفة اختلفت كتير، وقلى العربية تلين لمدة 1000كم على سرعة 80 /100كم على الاكثر وبعد كدة ترجعلة يراجع عليها.
وشفت عندة فى الورشة وهى مركز خدمة كبير الى حد ما شروكى 2010 ومرسيدس وبى ام وفولكس وكيا وباجيرو ، متهيئلى بيفهم فى الالمانى.
لو تحب تروح تاخد رأيه فمركز الخدمة او الورشة اسمة الروضة وتدخلة من مدخل كورنيش النيل وانت رايح المعادى تدخل على الزراعى (خلى محطة بنزين التعاون يمينك) ومحطة مترو الزهراء شمالك، وبعد سوق البطيخ، لف من تحت الكوبرى واول شمال هو تانى ورشة على ايدك الشمال واسمة اسطى محمد.