كليزلرنيون 1997 انا بجد احترت مش عارف اعمل ايه ناس تقول قطع غيار مش موجوده وناس تقول موجوده ناس تقول غاليه وناس تقول متوسطه انا مش عارف اعمل ايه ياريت الي مجرب العربيه دي يفدني
ويقولي علي تفصيلها والضريبه وبنزنها ارجوكم :majd(4):
عرض للطباعة
كليزلرنيون 1997 انا بجد احترت مش عارف اعمل ايه ناس تقول قطع غيار مش موجوده وناس تقول موجوده ناس تقول غاليه وناس تقول متوسطه انا مش عارف اعمل ايه ياريت الي مجرب العربيه دي يفدني
ويقولي علي تفصيلها والضريبه وبنزنها ارجوكم :majd(4):
كرايسلر نيون 1997 من السيارات الممتازة في مصر، و قطع غيارها موجودة من غير أي نقص (خاصة موديل 1997 - 1998 - 1999 ) و أسعارها عادية جدا، يعني تقدر تقول زي فورد اسكورت كدة مثلا، و لو هي أغلي حاجة بسيطة من الكوري، دة لأنها بتعيش أكتر بكتير من قطع غيار الكوري و حتي الياباني.
بالنسبة لضريبتها، فهي بتعمل حوالي 300 (ثلاثمئة جنيه) في السنة، و بنزينها ممتاز بالنسبة لسيارة 2000 سي سي، يعني نص التانك بيستهلك حوالي 300 كم بس خللي بالك، لازم تحط بنزين لما المؤشر يصل للنص و دة علشان تحافظ علي ترومبة البنزين اللي ممكن يوصل سعرها ل 1000 ج (موتور الترومبة ب 300 ج).
عيوبها :
- واطية عن الأرض (و دة عيب البلد اللي احنا عايشين فيها مش عيب العربية لأن السيارة ماشاء الله ثابتة جدا علي الطريق)
- قواعد الموتور بتتغير في فترات قليلة، و دة لأن الموتور ماشاءالله كبيرو علي 3 قواعد بس، و طبعا المفروض يبقي علي 4 قواعد، و دة اللي عملته كرايسلر من أول موديل 2000، و لكن اطمن يعني، أسعار قواعد موديل 1997 - 98 - 99 رخيصة (طقم الاستيراد يعني 3 بحوالي 300 ج و الله أعلم).
- شكل التابلوه بتاع 1997 قديم شوية، ف لو لقيت 1999 يبقي تمام قوي.
و في الاخر، لازم برضه تعرف انك راكب عربية جامدة و اسم كبير، يعني لو هتقارنه بالكوري، يبقي دور في الكوري أفضل.
عربيه ممتازه لو قطع الغيار متوفره