رئيس فولكسفاجن "مندهش" و يتعجب من الهيونداي i30 الجديدة ! و شركته لا تستطيع مجارتها !

رئيس فولكسفاجن جروب .. مش فولكسفاجن الماركة !!

يعني رئيس كل ماركات فولكسفاجن ( اودي - سيات - بنلتي .... ) في زيارة جناح هيونداي في معرض فرانكفورت ... قام هو و بعض مهندسي الشركة بتفحص الجيل الجديد من الهيونداي I30 بتمعن جدا ! و القيام بقياس بعض المقاسات ! و شغل النور FLASHLIGHT ليرى بوضوح اكثر !

ثم في مفاجاة ! يقوم بتعديل الدركسيون ليناسب وضع القيادة ! و هنا استعجب عندما لم يقوم الدركسيون بعمل اي صوت تزييق او حركة و سال !!

" كيف يفعلونها !!! BMW لم تستطع فعلها ! نحن لا نستطيع ان نفعلها "

فشرح له مهندس من مهندسي VW انهم حاولوا ولكن تكلفتها كانت عالية جدا !

واستغرب ان المساحات مش باينة و مستخبيه ومع ذلك الرؤية جيدة !

شاهد كيف يفحص رئيس ثاني اكبر شركة في العالم المنتج "الكوري" يا ابن بلدي يابتاع الكوري والصيني :) و كيف يتعجب ! و احنا قاعدين :)

IAA 2011 Hyundai new generation i30 and Martin Winterkorn (Chairman of the Volkswagen AG) - YouTube

طبعا حسمع كلام من ناحية ( اصل دي مش الي بتنزل عندنا .... و غبور بيشيل منها الكاسيت و يخط انظار وولف)

بس غبور مش حيغير تصميم و لا قطع صاج ولا فيبر ولا دركسيون ياخوانا ... بطلوا بقى :)

الصغير لازم يكبر و الشركات الكورية بتنافس بقوة في السوق العالمي وواضح انهم في خلال الكام سنة اللي جاية ممكن كمان يتفوقوا على الياباني لو فضل الياباني كده زي ما هو محلك سر

هو أنا مش فاهم هو بيقول أيه بالحرف ... لكن طالما قعد في العربيه مدهاش ضهره يبقي العربيه فيها حاجه شداه
و لسه ناس بتتكلم في حاجات غريبه و اللي يقولك الكوري هايفضل علي مسافه بعيده من الأوروبي ...و بتغظني قوي كلمة أوروبي دي ما اللادا أوروبي
و في الاخر إحنا اللي علي مسافه كبيره أوي من الناس دي (مسافه فكريه) تخلي كل واحد أشتري عربيه بـ150 ألف هايموت نفسه و يفدي شركة عربيته بحياته .. مع إنها ممكن تكون خرده و ملهاش لازمخ و سعرها نزل بقت ب65 و ده لا يمكن

شكرا يا فندم علي الفيديو الجميل

شكرا ياكريم باشا على الموضوع

اقتباس:

---

شاهد كيف يفحص رئيس ثاني اكبر شركة في العالم المنتج "الكوري" يا ابن بلدي يابتاع الكوري والصيني :) و كيف يتعجب ! و احنا قاعدين :)

---

اللي بيقعدوا يرددوا كلام ان الكوريين عمرهم ما هيتقدموا و كدا نفس نوعية الناس اللي اتضحك عليهم و دخلوا Qnet و اي حاجة فيها pyramid scheme marketing الإتنين خدوا الكلام من اللي قبلهم و مشغلوش دماغهم ولا فتحوا نت ! نفسي احنا نبدأ نعمل عربيات بقى و نبطل الكلام الفاضي دا :(

شكراً كريم باشا على الموضوع ;)

الراجل فعلا باين عليه انه مستغرب من موضوع الدركسيون وانها اكتر حاجه شدته.
وشوية حاجات في الطابلوه

الف شكر على الموضوع

تسلم ايدك على الفديو

فعلا انا بسمى هيونداى دلوقتى

ثورة هيونداى من ناحية الشكل والاداء والامكانيات

اقتباس:

---

المشاركة الأصلية كتبت بواسطة virus2007

تسلم ايدك على الفديو

فعلا انا بسمى هيونداى دلوقتى

ثورة هيونداى من ناحية الشكل والاداء والامكانيات

---

بعد مركز التطوير و البحوث اللى فتحوه فى المانيا و كان اول انتاج ليه ال i30 الشكل القديم اه ماشى متفق معاك
انما قبل كده ..أشك

اقتباس:

---

المشاركة الأصلية كتبت بواسطة cryptonx

طبعا حسمع كلام من ناحية ( اصل دي مش الي بتنزل عندنا .... و غبور بيشيل منها الكاسيت و يخط انظار وولف)

بس غبور مش حيغير تصميم و لا قطع صاج ولا فيبر ولا دركسيون ياخوانا ... بطلوا بقى :)

---

نفس الكلام اللي متوقعه

و شكرا يا استاذ كريم على الفيديو

بس لازالت برضو الاوروبي صاحب الافضلية نظرا للخبرة .. أنت عارف طبعا ان بعض شركات السيارات الاوروبية من القرن ال 19 يعني فارق خبرة و دة اللي بتحاول الشركات الكورية بالذات تعويضه

الفيديو دة أكبر دليل لية هم بيجروا قدااااااااااااااااااااااا ااااام بسرعة اوى

والعرب (أحنا) بنجرى لوراااااااااااااااااااااا اااا بسرعة الصاروخ !

wow ياعنى اجيب النوبيرا و انا مطمن

منقدرش ننكر إن الكوريين في تطور مستمر وأنا لما ركبت بعض العربيات الكوري الجديدة 2012 مكنتش متوقع المستوى ده من الجودة

لكن مازالت العربيات الأوروبي عموما والالماني خصوصا تتفوق على الكوري في كل شيء وكل وليه سعره ومكانته
ومينفعش نقارن الكوري أو الياباني بالاوروبي , هنضحك على نفسنا

في فرق حتى اللي مبيفهمش في العربيات هيحسه ويلمسه لو ركب bmw 116 ونزل منها ركب هيونداي سوناتا بلاش حاجة اقل

بشرط ميكونش متعصب !

المسألة مش تعصب لماركة أو بلد معين الحكاية ببساطة أن التفكير بتاع زمان أتغير خلاص زي ما كل حاجة بتتغير حوالينا بمعنى :

- زمان ( خدوا بالكم من زمان دي ) كان الفرق بين المدرسة الآسيوية والمدرسة الأوروبية - بغض النظر عن العربية - أن الأوروبيين بيهتموا بالفخامة والراحة وجودة الخامات وعوامل الأمان وتوفير البنزين وأنخفاض نسبة الأنبعاثات الضارة وهكذا أما المدرسة الآسيوية فكانت بتهتم بالتصميم والمواتير والسرعات مع أعتمادية عالية وعدم الأكثار من التكنولوجيا المعقدة في سياراتهم وبالتالي أعطال أقل .

- دلوقتي بقى الحكاية أتغيرت الأوروبيين زي ماهم مفيش تجديد ثوري بينما الأسيويين عملوا ثورة من الناحيتين التصميم والتكنولوجيا يعني أخدوا المميزات اللي بتميز الأوروبي زي ميزة توفير البنزين وزي ميزة عوامل الأمان وكمان ميزة جودة الخامات وحطوها في عربياتهم أي نعممممممم موصلوش في المميزات اللي أخدوها من الأوروبيين لنفس مستواهم لكن قطعوا شوط كويس وعوضوا دة بالتصاميم الثورية في عربياتهم اللي خلت الدنيا تبص للعربيات بشكل تاني وبالتالي أيه اللي يخليني أشتري عربية ب 250 ألف أوروبي فيها عوامل أمان وفيها خامات بجودة عالية ومواتير موفرة في البنزين وشكل حلو وشيك بينما ممكن أركب كوري ب 150 فيه نفس عوامل الأمان وفيه خامات وتقفيل بجودة ممتازة وماتور قوي وفي نفس الوقت موفر في البنزين وشكل أحلى من الأوروبي وأوفر 100 ألف أيهما أفضل ؟

الحكاية مش مقارنة بين مميزات مدرستين الحكاية ببساطة تكمن في " القيمة مقابل المال " هي دي الحتة اللي بيلعب فيها الكوريين دلوقتي وعلى فكرة بيسحبوا مستهلكين وزباين من الأوروبيين والأمريكيين وشوية شوية هتلاقوا الكوري دة راس براس مع الاوروبي .

=================

في جملة بتغيطني جداً مش بشكل شخصي طبعاً ولكن من ناحية فنية بحتة وهي " مينفعش نقارن الأوروبي بالياباني أو بالكوري "
ليه مينفعش نقارن عربية بأربع عجلات بعربية تانية بأربع عجلات بردوا مع وجود مميزات وعيوب في كل واحدة أيه المانع ؟

على فكرة الراجل دا مش بيهرج دا فعلا شاف كل حاجة فى العربية تقريبا .. حد لاحظ لما عدى من قدام الكبوت فى الثانية 0:25 .. حرك ايده عليه وعلى الاكصدام عشان يشوف التقفيل وهل فيه فاصل او حاجة مش مظبوطة.

اقتباس:

---

المشاركة الأصلية كتبت بواسطة yasserelsayad

على فكرة الراجل دا مش بيهرج دا فعلا شاف كل حاجة فى العربية تقريبا .. حد لاحظ لما عدى من قدام الكبوت فى الثانية 0:25 .. حرك ايده عليه وعلى الاكصدام عشان يشوف التقفيل وهل فيه فاصل او حاجة مش مظبوطة.

---

و طلع قلم إختبار علي ما اظن من جيبه و فحص علي ما أعتقد سمك الدهان و الصاج في الشنطه
و أكيد الراجل ده من بصه واحده هايعرف هوية العربيه
و لو العربيه أي كلام من البدايه و من أول نظره كان عمره ما فتح بابها و لا إداها إهتمام

فيديو جميل بصراحة

و الكورى فعلا بقى فى تقدم مستمر و ان كان الاوروبى لسه اعلى شوية .. بس مش الفرق الرهيب يعنى

انا بصراحة اللى عاجبنى ان الراجل نازل بيتفرج على سيارة منافسة قدام الناس فى المعرض و بيعترف انها افضل فى حاجات من الماركة بتاعته .. مش زى هنا موقفين مندوبين مبيعات ملهومش فى اى حاجة و تسأله على اى عربية تانية يقعد يشتم فيها و خلاص

اقتباس:

---

المشاركة الأصلية كتبت بواسطة rs12

فيديو جميل بصراحة

و الكورى فعلا بقى فى تقدم مستمر و ان كان الاوروبى لسه اعلى شوية .. بس مش الفرق الرهيب يعنى

انا بصراحة اللى عاجبنى ان الراجل نازل بيتفرج على سيارة منافسة قدام الناس فى المعرض و بيعترف انها افضل فى حاجات من الماركة بتاعته .. مش زى هنا موقفين مندوبين مبيعات ملهومش فى اى حاجة و تسأله على اى عربية تانية يقعد يشتم فيها و خلاص

---

بصراحة انا شايفها غلطة كبيرة جداً منه
كدا كأنه عمل دعايا مجانية لهيونداي و بيعترف بجودتها قدام الملايين
لو كان عايز يشوف حاجة زي دي كان سهل جداً يشتروا واحدة و يفكوها زي الليجو حتة حتة و يشوفوا عاملينها ازاي... لكن كدا no no بصراحة
VW brand image at risk
بس هو برضه راجل محترم لأنه مهتم بالعربيات اللي بيعملها و بالعميل بتاعه و عايز يعمل الأحسن .. الدور و الباقي على بلدنا اللي ملهاش ريس لسة !

اقتباس:

---

المشاركة الأصلية كتبت بواسطة autotycoon

بصراحة انا شايفها غلطة كبيرة جداً منه
كدا كأنه عمل دعايا مجانية لهيونداي و بيعترف بجودتها قدام الملايين
لو كان عايز يشوف حاجة زي دي كان سهل جداً يشتروا واحدة و يفكوها زي الليجو حتة حتة و يشوفوا عاملينها ازاي... لكن كدا no no بصراحة
vw brand image at risk
بس هو برضه راجل محترم لأنه مهتم بالعربيات اللي بيعملها و بالعميل بتاعه و عايز يعمل الأحسن .. الدور و الباقي على بلدنا اللي ملهاش ريس لسة !

---

حضرتك عندك حق فى موضوع الدعاية ده

بس انا كان قصدى انه اللى عجبنى ان الراجل اتكلم بصراحة و هو عارف ان الكلام دا بيتصور يعنى مقعدش يألف فى اى كلام زى هنا

معلش هو مافيش حد فيكوا ركب ال 1series 2012 318 ولا اية العربيو مافيهاش غلطة بجد تحففففففففففففففففففففففف فففففففففة للصبح العربيةوهمية شكلها مبهر جدا , مستوى التقفيل والخامات ممتازة تيجى اية ال i30 جنبها

اية ياجماعة فيها هو انا هجيب عربية عشان الدركسيون بتاعها لما بيتحرك سواء بالنزول او الصعود مابيعملش صوت طيب مانا عربيتى مابتعملش صوت مع الحاجات دية اية المشكلة يعنى

وبعدين معلش bmw انا لسة مجربها فى المعرض ولا الهواء وبعدين مالبى ام اصلا الموضوع دة فيها كهربائيا مش يدويا

على فكرة مع احترامى لتقدم الكوريين بس بجد اسواء سيارات ركبتها فى المعرض كانت الكورى ودة مش رأى لوحدى دة راى كل اللى كانوا معايا وهما هنا فى المنتدى

يعنى هتجيبوا ناس هجيب ناس

كفاية ال ix20 اللى بيقولى 130 الف جنية والكاملة ب146 الف ليييييييييييييييييييييييي ييييييييييييييييييييية

كانت واحدة واقفة ومعها بنتها قالتلى هية سعرها كام قولتها 130 الف جنية قالتلى دية اخرها 70 الف جنية حلوة اوى عليها

دة موقف حصل وبحكية ليس اكتر

طبعا انا عارف الهجوم الشنيع اللى هيحصل بس للاسف المرة دية جايب معايا ناس مش لوحدى هههههههه

ربنا يباركلكوا فى عربياتكوا انا مش بهاجم بس كل حاجة على قد حجمها محدش يديها اكتر من حقها واللى تستاهلة

رئيس مجموعة فولكسفاجن نفسة أحترم العربية جدا وبيتفحصها .... ومنسق هوندا مش عاجبة وبرضوا بيتريق

ياسيدى الفاضل .... ردك دة أكبر دليل لية هم عالم أول واحنا عالم سابع !

يا أستاذ semsem
دا راجل عنده روح رياضيه و مهنيه في نفس الوقت سيبنا منه خلينا إحنا هنا نمسك في بعض و نقعد نقول كوري و كوالالامبوري
و حضرتك معروف موقفك من قبل المعرض و دايما بتقول دي خامات بلاستك .. دا أنا قطعتها في نفق الأزهر علي 160 ملفات دي مش عارف ملها و دي عفشتها مش مريحه و بتتنطط

و هي أسوأ عربيات دي من وجهة نظر حضرتك لأنك شايف و مش مستعد تغير وجهة نظرك

و علي فكره الموضوع مكنش مستدعي كل الإنفعال الصادر منك ده

و علي العموم لسه محدش فينا ركب

اقتباس:

---

1series 2012 318

---

؟؟؟؟؟

اقتباس:

---

المشاركة الأصلية كتبت بواسطة semsem kane

معلش هو مافيش حد فيكوا ركب ال 1series 2012 318 ولا اية العربيو مافيهاش غلطة بجد تحففففففففففففففففففففففف فففففففففة للصبح العربيةوهمية شكلها مبهر جدا , مستوى التقفيل والخامات ممتازة تيجى اية ال i30 جنبها

اية ياجماعة فيها هو انا هجيب عربية عشان الدركسيون بتاعها لما بيتحرك سواء بالنزول او الصعود مابيعملش صوت طيب مانا عربيتى مابتعملش صوت مع الحاجات دية اية المشكلة يعنى

وبعدين معلش bmw انا لسة مجربها فى المعرض ولا الهواء وبعدين مالبى ام اصلا الموضوع دة فيها كهربائيا مش يدويا

على فكرة مع احترامى لتقدم الكوريين بس بجد اسواء سيارات ركبتها فى المعرض كانت الكورى ودة مش رأى لوحدى دة راى كل اللى كانوا معايا وهما هنا فى المنتدى

يعنى هتجيبوا ناس هجيب ناس

كفاية ال ix20 اللى بيقولى 130 الف جنية والكاملة ب146 الف ليييييييييييييييييييييييي ييييييييييييييييييييية

كانت واحدة واقفة ومعها بنتها قالتلى هية سعرها كام قولتها 130 الف جنية قالتلى دية اخرها 70 الف جنية حلوة اوى عليها

دة موقف حصل وبحكية ليس اكتر

طبعا انا عارف الهجوم الشنيع اللى هيحصل بس للاسف المرة دية جايب معايا ناس مش لوحدى هههههههه

ربنا يباركلكوا فى عربياتكوا انا مش بهاجم بس كل حاجة على قد حجمها محدش يديها اكتر من حقها واللى تستاهلة

---

مفيش عربية مفيهاش غلطة البى ام باردوا فيها مشاكل وساعات بيكون فى عيب فى التقفيل عادى يعنى.

اقتباس:

---

المشاركة الأصلية كتبت بواسطة semsem kane

معلش هو مافيش حد فيكوا ركب ال 1series 2012 318 ولا اية العربيو مافيهاش غلطة بجد تحففففففففففففففففففففففف فففففففففة للصبح العربيةوهمية شكلها مبهر جدا , مستوى التقفيل والخامات ممتازة تيجى اية ال i30 جنبها

اية ياجماعة فيها هو انا هجيب عربية عشان الدركسيون بتاعها لما بيتحرك سواء بالنزول او الصعود مابيعملش صوت طيب مانا عربيتى مابتعملش صوت مع الحاجات دية اية المشكلة يعنى

وبعدين معلش bmw انا لسة مجربها فى المعرض ولا الهواء وبعدين مالبى ام اصلا الموضوع دة فيها كهربائيا مش يدويا

على فكرة مع احترامى لتقدم الكوريين بس بجد اسواء سيارات ركبتها فى المعرض كانت الكورى ودة مش رأى لوحدى دة راى كل اللى كانوا معايا وهما هنا فى المنتدى

يعنى هتجيبوا ناس هجيب ناس

كفاية ال ix20 اللى بيقولى 130 الف جنية والكاملة ب146 الف ليييييييييييييييييييييييي ييييييييييييييييييييية

كانت واحدة واقفة ومعها بنتها قالتلى هية سعرها كام قولتها 130 الف جنية قالتلى دية اخرها 70 الف جنية حلوة اوى عليها

دة موقف حصل وبحكية ليس اكتر

طبعا انا عارف الهجوم الشنيع اللى هيحصل بس للاسف المرة دية جايب معايا ناس مش لوحدى هههههههه

ربنا يباركلكوا فى عربياتكوا انا مش بهاجم بس كل حاجة على قد حجمها محدش يديها اكتر من حقها واللى تستاهلة

---

يا عم ركبنا ركبنا ركبنا
مش معقول كل ما حضرتك تتكلم يكون بنفس الاسلوب المنفر دا ... هو حضرتك بس اللي ركبت العربيات دي ولا اية ؟؟ الراجل اللي في الفيديو دا رئيس مجموعة فولكس يعني تحت ايده بنتلي و بورش و و وو(9 ماركات تقريباً) .... مش بس ركب حتى بنتلي ولا بورش زي حضرتك !

اقتباس:

---

كانت واحدة واقفة ومعها بنتها قالتلى هية سعرها كام قولتها 130 الف جنية قالتلى دية اخرها 70 الف جنية حلوة اوى عليها

---

هو فعلاً آراء الستات في سوق السيارات مهمة جداً :baby25::baby25:
اعرف واحدة شارية بونتو ايفو عشان الزراير اللي بتعلي الكاسيت اللي في الطارة:redeye:

هوة ايه حكايه 160 الى فى نفق الازهر دة انا بترعب منه وبخاف امشى فيه

اقتباس:

---

المشاركة الأصلية كتبت بواسطة ashouhdy

رئيس مجموعة فولكسفاجن نفسة أحترم العربية جدا وبيتفحصها .... ومنسق هوندا مش عاجبة وبرضوا بيتريق

ياسيدى الفاضل .... ردك دة أكبر دليل لية هم عالم أول واحنا عالم سابع !

---

هو انا ياقول الهيونداى جامدة عشان نبقى كدة فى العالم الثانى

بقولك اية ياباشا معلش انتوا اللى متعصبين جدا للكورى لانة معاكوا , وانا مش ضدة وكفاية انهم بيصنعوا عربيات خليت العالم كلها يشتريها , بس ماينفعش اديلة اكتر من حقة لكن انتوا بتديلة حقوا وزيادة مع انى كل يوم اركبة اقول انا مش شايف اى كلام من اللى انت بتقولة دة خالص وبقول عادى

وانا ماتريقتش على حاجة راجع كلامى هتلاقينى ماتريقتش خالص كل اللى قولتة حقائق او على الاقل وجهة نظرى واراء جمعناها من اصحابى

وانا مانكرش انة اكيد فية مميزات بس مميزاتة لاترضى غير فئة معينة

اقتباس:

---

المشاركة الأصلية كتبت بواسطة hossam99

يا أستاذ semsem
دا راجل عنده روح رياضيه و مهنيه في نفس الوقت سيبنا منه خلينا إحنا هنا نمسك في بعض و نقعد نقول كوري و كوالالامبوري
و حضرتك معروف موقفك من قبل المعرض و دايما بتقول دي خامات بلاستك .. دا أنا قطعتها في نفق الأزهر علي 160 ملفات دي مش عارف ملها و دي عفشتها مش مريحه و بتتنطط

و هي أسوأ عربيات دي من وجهة نظر حضرتك لأنك شايف و مش مستعد تغير وجهة نظرك

و علي فكره الموضوع مكنش مستدعي كل الإنفعال الصادر منك ده

و علي العموم لسه محدش فينا ركب ؟؟؟؟؟

---

على فكرة انا ولا اتعصبت ولا انفعلت ولا اى حاجة من اللى حضرتك قولتها دية خالص مش عارف لية انتوا مصممين انى بألف كلام على الكورى

اللى جريت معاهم فى النفق كانوا يابانى والمانى ماشوفتش كورى

لو اى حد شايف ان الكورى كلة جلد من جوة يقول دية حتى الفليوستر اللى قولتوا عليها خاماتها نظيفة جدا واقسم بالله مالقيت فية حتة جلد حتى كلة بلاستيك ×بلاستيك هو اة شكل التابلوة جميل جدا مع الانوار شكلة تحفة بس انا مادفعش 165 الف جنية فى عربية خاماتها بالشكل دة وضيقة جدااااااااااااااااااااااا ااااااااااااااااااااااااا ااااااااااااااااااااااااا اااااااااااااااااااااااا
طيب انت عارف ان احسن خامات شوفتها لحد دلوقتى خامات الكورولا بجد انظف من اى خامات عربية فى فئتها وانظف كمان من خامات السيفيك

شوف ياباشا انا مافيش بينى وبين الكورى حاجة عشان اذم فية بالعكس انا بقول رأى بكل حيادية ولا فية عيب فى اليابانى هقول مش هقولة لية يعنى هو انا اللى مصنعها ولا باخد فلوس لما اشكر فيها

وبالنسبة للغلطة المطبعية معلش bmw 1series 118 اكيد ركبتها فى المعرض وشوفت قمة الابداع

اقتباس:

---

المشاركة الأصلية كتبت بواسطة yasserelsayad

مفيش عربية مفيهاش غلطة البى ام باردوا فيها مشاكل وساعات بيكون فى عيب فى التقفيل عادى يعنى.

---

طبيعى جدا الكمال لله وحدة ياباشا

بس معلش حضرتك معاك بى ام دبليو ومعاك سيراتو اكيد لو كنت شايف ان 240 الف جنية فرق مابين البى ام والسيراتو اكيد يستاهلوا جدا ولا ماكنتش جيبتها

اقتباس:

---

المشاركة الأصلية كتبت بواسطة newcar2011

هوة ايه حكايه 160 الى فى نفق الازهر دة انا بترعب منه وبخاف امشى فيه

---

على فكرة كنت مقرب الى 190 كم بس خلاص بقى كان زمان دلوقتى الواحد داخل على مسؤلية

عشان بس محدش يقول حرام عليك وحياتك وحياة الاخرين

190 فى نفق الازهر لا بجد لازم اركب معاك انا بموت فى السرعه بس جوة النفق بدوخ اكيد كا ن احساس رائع انا معايا لانوس اقصى رقم شوفته 189 على طريق السخنه بس العادى بتاعها 180 واقصى سرعه كانت بفورد فوكس 215 على الصحراوى بس جوة النفق اخرى 50 او 60 يبقه كدة انا طاير

اقتباس:

---

المشاركة الأصلية كتبت بواسطة autotycoon

يا عم ركبنا ركبنا ركبنا
مش معقول كل ما حضرتك تتكلم يكون بنفس الاسلوب المنفر دا ... هو حضرتك بس اللي ركبت العربيات دي ولا اية ؟؟ الراجل اللي في الفيديو دا رئيس مجموعة فولكس يعني تحت ايده بنتلي و بورش و و وو(9 ماركات تقريباً) .... مش بس ركب حتى بنتلي ولا بورش زي حضرتك !



هو فعلاً آراء الستات في سوق السيارات مهمة جداً :baby25::baby25:
اعرف واحدة شارية بونتو ايفو عشان الزراير اللي بتعلي الكاسيت اللي في الطارة:redeye:

---

انت عايزنى اتكلم من غير ماجرب واشوف بنفسى طيب هتكلم ازاى ؟؟؟؟؟؟؟ وبناء على اية؟؟؟

ماتقول وجهة نظرك هو انا قولتلك ماتقولش ولا غلطتك فى حاجة

طيب كويس ان حضرتك بتقول تحت ايدة بنتلى وبورش يبقى يشوف منهم ازاى العربية ممكن تحرك الدركسيون بتاعها من غير مايعمل صوت

انا اعرف ان العربية الوحيدة اللى لما تقفل الزجاج بتاعها من كتر العزل المفرط بتقطع شبكة الموبايل وعلى فكرة هية بنتلى موسيلينى للى عايز يعرف العربية , يبقى اكيد مافيش اقوى من كدة ولا حتى البى ام

كويس واعرف كمان ستات وبنات ممكن يبهدلوا شباب على الطريق

واعرف كمان رجالة مايعرفوش الجنط من الردياتير وسايقين وبيبصوا على الشكل وخلاص بمجرد مالعربية بتنزل حتى قبل مايعرفوها ولا يجربوها

اقتباس:

---

المشاركة الأصلية كتبت بواسطة semsem kane

طبيعى جدا الكمال لله وحدة ياباشا

بس معلش حضرتك معاك بى ام دبليو ومعاك سيراتو اكيد لو كنت شايف ان 240 الف جنية فرق مابين البى ام والسيراتو اكيد يستاهلوا جدا ولا ماكنتش جيبتها

---

فرق الـ 240 الف جنيه باين طبعا فى الخامات الداخلية والخارجية والموتور الاكبر والاداء عموما .. اكيد لان مش هرمى فلوس فى الارض .. بس كانت ممكن تكون ارخص من كدا شوية .. ونفس الوقت مينفعش تطلب من عربيات فى فئة 150 الف جنيه تديلك نفس الخامات بتاعت فئة البى ام .. وبالنسبة للاداء اكيد عارف انه اعلى من عربيات فى رنج 250 باردوا او اعلى كمان .. يعنى كل فئة تقدر تديلك لحد Limit معين غير كدا يبقى بيخسر.

بس بالامانة البى ام عملت معايا حاجات السيراتو معملتهاش وبينهم فرق 3 شهور بس بين وقت الشراء وهنا موضوع الاعتمادية بان بقى وعرفت ان الكلام اللى كنت بقراه برا على اعنمادية الالمانى والناس فى مصر بتكدبه طلع صحيح.

اقتباس:

---

المشاركة الأصلية كتبت بواسطة newcar2011

190 فى نفق الازهر لا بجد لازم اركب معاك انا بموت فى السرعه بس جوة النفق بدوخ اكيد كا ن احساس رائع انا معايا لانوس اقصى رقم شوفته 189 على طريق السخنه بس العادى بتاعها 180 واقصى سرعه كانت بفورد فوكس 215 على الصحراوى بس جوة النفق اخرى 50 او 60 يبقه كدة انا طاير

---

ياباشا تنورنى بس خلاص دلوقتى مابقتش ازود عن 130 او 100 كمان فى اغلب الاحيان

البلد مابقتش مستحملة حتى 20 كم والواحد مابيصدق الطريق بيفتح شوية

وربنا يستر طريقنا كلنا بإذن الله

اقتباس:

---

المشاركة الأصلية كتبت بواسطة yasserelsayad

فرق الـ 240 الف جنيه باين طبعا فى الخامات الداخلية والخارجية والموتور الاكبر والاداء عموما .. اكيد لان مش هرمى فلوس فى الارض .. بس كانت ممكن تكون ارخص من كدا شوية .. ونفس الوقت مينفعش تطلب من عربيات فى فئة 150 الف جنيه تديلك نفس الخامات بتاعت فئة البى ام .. وبالنسبة للاداء اكيد عارف انه اعلى من عربيات فى رنج 250 باردوا او اعلى كمان .. يعنى كل فئة تقدر تديلك لحد limit معين غير كدا يبقى بيخسر.

بس بالامانة البى ام عملت معايا حاجات السيراتو معملتهاش وبينهم فرق 3 شهور بس بين وقت الشراء وهنا موضوع الاعتمادية بان بقى وعرفت ان الكلام اللى كنت بقراه برا على اعنمادية الالمانى والناس فى مصر بتكدبه طلع صحيح.

---

ياريت بقى حضرتك تفهم الاعضاء الكلام دة لانهم متشددين جدا واى كلمة بيمسكوا فيها حسسونى ان رئيس شركة فولكس مسك فى الماتور ال gdi وقال يانهااااااااااااااار عملوة ازاى دة دانا بقالى كل السنيين دية ومش عارف اعمل ماتور gdi

والموضوع كلة عن حاجة بسيطة جدا لا تذكر واصلا مافيش حد بيستخدمها الا نادرا هية وضعية قيادة واحدة مريحة ليك وعيش عليها

حضرتك بتقولني كلام مقولتوش!!!!!!!!!!

هيونداي تصميماتها اطورت جدا

ولكن مبتعالجش عيوبها

عفشه سيئه وفرامل سيئه

مع موتور قوي وشكل جامد

هي ده هيونداي

انا بكرة هيونداى جدا كنت هموت كذا مرة بسبب عربيات هيونداى بكرههههههاااااااااااااااا اااا والعربيه تزمر بعد 120 يعنى بتقولك يا مجنون اهدى انته كدة بتنتحر

اقتباس:

---

المشاركة الأصلية كتبت بواسطة semsem kane

على فكرة انا ولا اتعصبت ولا انفعلت ولا اى حاجة من اللى حضرتك قولتها دية خالص مش عارف لية انتوا مصممين انى بألف كلام على الكورى

اللى جريت معاهم فى النفق كانوا يابانى والمانى ماشوفتش كورى

لو اى حد شايف ان الكورى كلة جلد من جوة يقول دية حتى الفليوستر اللى قولتوا عليها خاماتها نظيفة جدا واقسم بالله مالقيت فية حتة جلد حتى كلة بلاستيك ×بلاستيك هو اة شكل التابلوة جميل جدا مع الانوار شكلة تحفة بس انا مادفعش 165 الف جنية فى عربية خاماتها بالشكل دة وضيقة جدااااااااااااااااااااااا ااااااااااااااااااااااااا ااااااااااااااااااااااااا اااااااااااااااااااااااا
طيب انت عارف ان احسن خامات شوفتها لحد دلوقتى خامات الكورولا بجد انظف من اى خامات عربية فى فئتها وانظف كمان من خامات السيفيك

شوف ياباشا انا مافيش بينى وبين الكورى حاجة عشان اذم فية بالعكس انا بقول رأى بكل حيادية ولا فية عيب فى اليابانى هقول مش هقولة لية يعنى هو انا اللى مصنعها ولا باخد فلوس لما اشكر فيها

وبالنسبة للغلطة المطبعية معلش bmw 1series 118 اكيد ركبتها فى المعرض وشوفت قمة الابداع

---

يا أستاذ سمسم متقولش مفيش بينك و بين الكوري حاجه دا إنت بينك و بينه تار بايت
و طالما هو رأي يبقي كده حضرتك صادفت الصواب أما كتقرير علمي صدقني إنت بتحب هوندا أوي و دا حقك علي فكره و حق الماركه دي تتحب .... و علي فكره إنت بتحبها أكثر من الفولكس و البي إم و المرسيدس و ساعات بتقارنو بينها و بين سوبر كار كمان إنت و أعضاء هوندا الكرام
لكن كل ده تمام
إنت بقي اللي مش عايز تخلينا نحب عربياتنا مصمم علي كده

و موضوع العربيه فيه جلد أو لأ إنت مش هاتلاحظه لأنك مش حابب العربيه حتي لو الجلد ده متخيط بخياطه ظاهره للناس كلها و باين زي الشمس

أما موضوع أدفع أو ما أدفعش فدي حاجه ترجع للعميل هو اللي يحدد يدفع و لا لأ و أعتقد مفيش حد مهما بلغت درجة ثرائه رايح يدفع 165 ألف من غير ما يعرف العربيه دي أيه و عاجباه علي كده
روق كده و إوعي تزعل إحنا بننكش بعض بس مش أكثر

والله انا شايف ان الكوريني طوروا جدا جدا جدا تصميمات محركات داخليه ممتازه عربيات بقت معمره شويه

لكن فعلا مازالو بيواجهوا مشاكل الثبات والعفشه في معظم عربياتهم اموت واعرف ليه مش قادر

يعني حته في الخليج برضو الالنترا الجديده مش حابينها قوي من ناحيه العفشه وكذالك السوناتا الجديده الوحيده الي خلعت من الموضوع ده الاكسنت ار بي طبعا اكيد احسن من النيو اكسنت والازيرا ال 2012 عدت برضو وبقت افضل من الازيرا العاديه ومع ان الازيرا القديمه 2008 معظم ملاكها بيشتكوا من بعض حاجات فيها اهمها اصوات الديكورات من جوه والطبلوه

طب هنا نقدر نقول لو مثلا انك معدكش الامكانيه انك تطور تطوير يستحق خليك على القديم وخلاص بس زود الجوده

يعني الانترا مثلا كانت تنزل بنفس عفشه وشاسيه النترا 2005 مثلا مع تعديلات بسيطه في الجوده مساعد اقوي مثلا نفس الشاسيه بس تبقى اطول شويه في قاعده العجلات اكييد العربيه كانت هتبقى مرضيه احسن من اللي موجوده حاليا بعفشتها وثباتها

انا ركبت الالنترا الجديده وسوقتها على خفيف برضو موصلتش لدرجه انها تنافس سيفيك او مازدا من ناحيه الثبات والعفشه انما من ناحيه المواتير تنافس وبقوه طبعا وطبعا التصميم تنافس وبجداره

مع انها موصلتش لدرجه انها تبقى فخمه من جوه بس تصميم جديد ونظيف جدا

انا ركبت ال فيلوستر في معرض محستش انها فخمه ده كانت جنبها جولف 6 ركبتها فعلا خامات نظيفه جدا جداجدا والفيلوستر خاامات شكلا كويسه انما جوده مش هنقول تعبانه هنقول متوسطه او فوق المتوسطه بقليل

بصراحه انا عمري ما افكر اركب اي هيونداي جديده او كيا لانهم في اداء العفشه والثبات مازالوا لا ينافسوا العربيات في نفس الفئه السعريه زيهم زي الصني والاوبترا في المشي والثبات طب اغلى ليه 30 الف على الاقل معرفش

الكوري محتاج يزود الصاج شوية عشان العربية تتقل و تثبت على الارض و الصاج يبقى قوي يتحمل الخبطات

محدش جاب سيرة هيونداي و BMW اصلا غير الراجل الالماني .. و مش معنى ابدا انه اتكلم على حاجة معينة انا احنا قلنا ان هيونداي بقت افضل من BMW ولا حتى VW

ومازال فارق السعر موجود علشان كدة فارق التقفيل حيفضل موجود ..
يعني ال Scorrico بقت ب 280 الف . الفيلوستر الي هية نازلة تنافسها اخرها ب 160 ..فرق 120 الف جنيه حيكون فيه في رايك ؟

هل ميقدروش يعملوا عربية زيها ؟ انا اسف واقولك لأ يقدروا !! و عندهم مركز التصميم والابحاث في المانيا هو الي بيعمل العربيات الاوروبية عامة ليهم ! بس لو نزلولك الفيلوستر ب 270 الف و ال VW ب 280 .. حتشتري انهي ؟؟

فميقدرش ينطح الا في فئات معينة و اسواق معينة ؟

واحنا هنا المواجهة المحتومة مش كوري و الماني .. لأ ... كوري و ياباني ..

كوريا ابتلعت اليابان خلاص !!
مش مصدق ؟

السوناتا الجديدة .. شالت الكامري و الاكورد !!! شالتهم شيل في امريكا ! و بقت هي السيارة السيدان رقم واحد في المبيعات ..

الالنترا الجديدة في المركز الثاني !!

الi30 هي السيارة الوحيدة (والكيا سيد) الي عم الناس كلها في السواقة (JEREMY CLARKSON) رشحها فوق عربيات شركات اوروبية اعرق(يبجو 308 مثلا).

محدش بيقول ان مفيش فرق بين الكوري و الالماني.. بس مع كامل احترامي ... الياباني هو الي حياخد على وشه و عينه كمان ! و مبقاش الياباني ذو اي قيمة ..اقتصادية او شكلية او حتى اعتمادية !

اقتباس:

---

المشاركة الأصلية كتبت بواسطة cryptonx

محدش جاب سيرة هيونداي و bmw اصلا غير الراجل الالماني .. و مش معنى ابدا انه اتكلم على حاجة معينة انا احنا قلنا ان هيونداي بقت افضل من bmw ولا حتى vw

ومازال فارق السعر موجود علشان كدة فارق التقفيل حيفضل موجود ..
يعني ال scorrico بقت ب 280 الف . الفيلوستر الي هية نازلة تنافسها اخرها ب 160 ..فرق 120 الف جنيه حيكون فيه في رايك ؟

هل ميقدروش يعملوا عربية زيها ؟ انا اسف واقولك لأ يقدروا !! و عندهم مركز التصميم والابحاث في المانيا هو الي بيعمل العربيات الاوروبية عامة ليهم ! بس لو نزلولك الفيلوستر ب 270 الف و ال vw ب 280 .. حتشتري انهي ؟؟

فميقدرش ينطح الا في فئات معينة و اسواق معينة ؟

واحنا هنا المواجهة المحتومة مش كوري و الماني .. لأ ... كوري و ياباني ..

كوريا ابتلعت اليابان خلاص !!
مش مصدق ؟

السوناتا الجديدة .. شالت الكامري و الاكورد !!! شالتهم شيل في امريكا ! و بقت هي السيارة السيدان رقم واحد في المبيعات ..

الالنترا الجديدة في المركز الثاني !!

الi30 هي السيارة الوحيدة (والكيا سيد) الي عم الناس كلها في السواقة (jeremy clarkson) رشحها فوق عربيات شركات اوروبية اعرق(يبجو 308 مثلا).

محدش بيقول ان مفيش فرق بين الكوري و الالماني.. بس مع كامل احترامي ... الياباني هو الي حياخد على وشه و عينه كمان ! و مبقاش الياباني ذو اي قيمة ..اقتصادية او شكلية او حتى اعتمادية !

---

مين قال الكوري احسن من الياباني ياباشا

انا معايا النترا 2012 ومازدا 3 2011

المازدا تضرب الهيونداي علي عينها بصراحه

مع ان فرق السعر بسيط

الحاجه الوحيده اللي تتفوق فيها الهيونداي هي الوسع اكتر من المازدا

غير كده صعب المقارنه وخصوصا في الثبات والفرامل والعفشه

الكوري بيعمل تصميمات حلوه وانتيريور كويس ومواتير برضو زي الفل

لكن غير كده لازم كل عربيه نديها حقها

فعلا شركة هيونداى حارقه الدنيا كلها بمودلاتها الجديده
بس انا اعتقد ان الناس بتوع الأوروبى دول هيقولوا ان رئيس هيونداى مقبض رئيس فولكس :)