عايز معلومة أكيدة

**kholio** · 03-10-2011 03:53 PM

المشاركة الأصلية كتبت بواسطة dr_medoo

بصراحه يا جماعه باسلوبكم ده مش هنقدر نفيد الراجل
كل واحد عاوز يثبت ان عربيته هى احسن عربيه وانه هو الى بيفهم علشان جاب العربيه ديه
يعنى مثلا المكوة دلوقتى ماسكه سعر علشان الناس بتفكر تشتريها وبنسمع فيها ارقام غريبه 65 وكمان 70
مع ان ايام ماكانت نازله مكنش ليها سوق ديه مش يدل على ان المكوة عربيه وحشه ولا حلوة ديه من الاخر سياسه سوق وثقافه شعب يعنى تعمل ايه لما تلاقى واحد شارى لانسر 2000 راشه ب60 الف
الراجل عاوز رايكم بكل حياديه يعنى هو مش بيختار عربيه يديها هديه على اساس انها احسن عربيه نزلت السوق او اكتر عربيه باعت او اكتر عربيه بتسابق على الطريق هو عاوز عربيه يركبهاا وتريحه وخلاص وبيقارن بين نوعين احنا كده بنشتته مش فايدنه كده فيريت نحاول نفيده وخلاص وشكرا لكل واحد على اى معلومة ضافها
وفى الاخر لولا اختلاف الاذواق لبارت السلع

انا وقت ما تكلمت اتكلمت بارقام واتكلمت عن الفروق بين العربيتين
واكيد يا باشا الفرق بين العربيتين واضح من غير تعب هو كفاية يروح معرض ويقعد في العربيتين وهو هيحسم الاختيار وقتي

**bassem_sams** · 03-10-2011 04:31 PM

المشاركة الأصلية كتبت بواسطة kholio

ياباشا عمر ما كان كترة بيع العربية في السوق مقياس لنجاحها مش معنى مثلا ان البومة اتباعت اكتر من الشارك يبقى البومة احسن من الشارك دي سياسة وفكر المشتري المصري بس اللي للأسف بيمشي ورا الانتشار ومبحاولش يقارن بين عربية والتانية من حيث العربية وامكانيتها انما بيشتري بالانتشار فقط

بصراحه كلام حضرتك تمام و احييك و ياريت ناس تضع وجهه نظرها من ناحيه مميزات و عيوب من حيث القوة والثبات وقطع الغيار والوسع وخلافه
ده صاحب موضوع عامله علشان يعرف حاجات دى
فنعمل ايه الللى ساق اتنين يقول رأيه و اللى عنده واحده منهم بس ميعرفش تانيه يقول على عيوب اللى عنده و هكذا و من هنا صاحب موضوع يعرف يأخذ قرارة مبنى عن تجارب اخرين و معلومات صحيحه و ياريت لو صاحب موضوع احتاج حاجه او عنده استفسارات يبعتلى و ان شاء الله هاجاوبك بكل امانه و بعتذرلك عن خروجنا عن موضوع بتحصل معلش ههههههههههههههههههه

**bassem_sams** · 03-10-2011 04:42 PM

المشاركة الأصلية كتبت بواسطة kholio

البومة يا باشا اللي كنت بطلع منه كله سام 1600 وانا هكلمك بالعقل والارقام
الشارك 109 حصان عند 6000 لفة في الدقيقة وعزم 149 نيوتن عند 4000 لفة في الدقيقة
البومة 105 حصان عند 6000 لفة في الدقيقة و عزم 148 نيوتن عند 4800 لفة في الدقيقة

بالعقل كدة مين اللي هتطلع من التانية؟؟؟؟؟؟؟؟؟؟؟؟؟؟ ده لو الاتنين بيسوقو كويس

بالنسبة للثبات الشارك قاعدة عجلاتها اطول من البومة بفرق واضح وكمان اطول في البودي من البومة واعرض من البومة ده غير تصميم جسمها ومقاومته للهواء اقل بكتير من البومة وبيساعد في ثبات اكتر من البومة وفي نفس الوقت جهد اقل للموتور في التسارع و كمان التوب سبيد

طبعا الفروق في الوسع والفخامة وقوة التكييف والعفشة المريحة وجمال الشكل والتصميم كل ده في صالح الشارك

البومة عربية حلوة وقت ما نزلت لكن دلوقتي مينفعش تتقارن مع الشارك في اي حاجة لان الشارك تطوير البومة ومتفهمنيش ان ميتسوبيشي هترجع لورا

ارجو من صاحب موضوع قراءة تعليق استاذ خوليو لأنه اعطى حضرتك الخلاصه صحيحه اللى من طريقها تحكم فى اختيارك بالغض نظر عن مين اسرع

**abcdefghi** · 03-10-2011 05:12 PM

shark tab3an better overall

**dr_medoo** · 04-10-2011 01:08 AM

المشاركة الأصلية كتبت بواسطة kholio

انا وقت ما تكلمت اتكلمت بارقام واتكلمت عن الفروق بين العربيتين
واكيد يا باشا الفرق بين العربيتين واضح من غير تعب هو كفاية يروح معرض ويقعد في العربيتين وهو هيحسم الاختيار وقتي

يا عم خالد والله انا بتتكلم بالارقام وعارف انك عاوز تفيد صاحب الموضوع
بس المفروض انك تتكلم على قطع الغيار والثبات والاعتماديه لانك انت بصراحه من خبراء الشارك فى المنتدى فانت اكتر واحد ممكن تفيدنا وانا اسف يا عم لو كان كلامى زعلك

**kholio** · 04-10-2011 03:51 AM

المشاركة الأصلية كتبت بواسطة dr_medoo

يا عم خالد والله انا بتتكلم بالارقام وعارف انك عاوز تفيد صاحب الموضوع
بس المفروض انك تتكلم على قطع الغيار والثبات والاعتماديه لانك انت بصراحه من خبراء الشارك فى المنتدى فانت اكتر واحد ممكن تفيدنا وانا اسف يا عم لو كان كلامى زعلك

لا والله ابدا مفيش ولا زعل ولا حاجة
بالنسبة لقطع الغيار اسعارها متقاربة الي حد كبير و قطع غيار الشارك انتشرت استيراد وجديدة برا التوكيل بشكل كبير جدا يكفيني اقولك ان قطع غيارها موجودة جديدة واستيراد في الزقازيق نفسها

بالنسبة للثبات الشارك عربية ثابتة جدا جدا جدا وفي نفس الوقت عفشتها مريحة ومش متعبة خالص واريح من البومة

بالنسبة للاعتمادية فهي عربية اعتمادية من الدرجة الاولى واكيد مش هتقل عن البومة في نقطة الاعتمادية وعايز اقولك انها عربية حمالة اسية وبتستحمل جدا

ركوبة محترمة جدا وتقدر تقارنها بالجيتا والاوكتافيا في جودة خاماتها وشياكتها وانا في رأيي انها كتصميم رياضية وشبابية اكتر منهم وتقدر تقول عليها عربية رياضية وشيك في نفس الوقت وكمان ممتعة في سواقتها اكتر من الاتنين وتحس ليها طعم تاني في ركوبتها

وطبعا ربنا يوفق صاحب الموضوع ويقدر يختار العربية اللي تناسبه ايا كانت

**BMW5260** · 04-10-2011 01:53 PM

المشاركة الأصلية كتبت بواسطة bassem_sams

بصراحه كلام حضرتك تمام و احييك و ياريت ناس تضع وجهه نظرها من ناحيه مميزات و عيوب من حيث القوة والثبات وقطع الغيار والوسع وخلافه
ده صاحب موضوع عامله علشان يعرف حاجات دى
فنعمل ايه الللى ساق اتنين يقول رأيه و اللى عنده واحده منهم بس ميعرفش تانيه يقول على عيوب اللى عنده و هكذا و من هنا صاحب موضوع يعرف يأخذ قرارة مبنى عن تجارب اخرين و معلومات صحيحه و ياريت لو صاحب موضوع احتاج حاجه او عنده استفسارات يبعتلى و ان شاء الله هاجاوبك بكل امانه و بعتذرلك عن خروجنا عن موضوع بتحصل معلش ههههههههههههههههههه

شكراً لذوقك بس أنا بصراحة كنت عايز أعرف شوية حاجات لأن حضرتك عارف المصريين اللي يعرف واللي ميعرفش بيتكلم وخلاص وشكراً لكل من أفادني بمشاركته