السلام عليكم
حد يقدر يساعدني يا جماعة فين الاقي البيجو ال 307 الخليجي في اي معرض ولا اشتري من التوكيل احسن.انا عايزاها جديدة مش مستعملة بس هي قليلة شوية. يا ريت حد ساعندي واضح انكم خبراء :)
عرض للطباعة
السلام عليكم
حد يقدر يساعدني يا جماعة فين الاقي البيجو ال 307 الخليجي في اي معرض ولا اشتري من التوكيل احسن.انا عايزاها جديدة مش مستعملة بس هي قليلة شوية. يا ريت حد ساعندي واضح انكم خبراء :)
الخليجى احسن فى الكماليات بس المصرى فية تصفيح من تحت
Hooba روحي chef car عنوانهم 51 عباس العقاد عندهم الخليجي والوجيه اباظة فممكن تقارني الأسعار والكماليات مقارنة سليمة وربنا يوفقك :)
thank you very much sakrouz and ssafwat
طب معلش لو ادامي اشتري ال 307 او ال اوبل استرا الهاتشباك, ترشحوا انهى فيهم؟
طب ده سؤال بالذمة؟ بيجو طبعاً وده لأني متعصبة بشدة للبيجو مبدأياً وثانياً ال 307 تأفيل فرنسي، لكن الأوبل على ما سمعت مش تأفيل الماني والله أعلم ، لو حد عارف الأوبل متقفلة فين يا ريت حد يفيدنا
وحتى لو المانى بيجو طبعا
شوفي يا ستي..
الاوبل الاسترا تقفيل الماني..
و الموديل ده عمل تاني افضل مبيعات في اوروبا كلها بعد الجولف في عام 2007
بالنسبة بقي للمقارنة بينها و بين البيجو..
لو انتي من الناس اللي مياله للفرنسي عموما.. يبقي البيجو هتبقي مرتاحة نفسيا بيها..
لكن في ناس بتبقي مياله و بترتاح للألماني.. و في الحالة دي الاوبل هتريحك اكتر..
شوفي انتي ايه الانسب ليكي ..
لو اخدنا مقارنة سريعة كده..
العربيتين كفاءة جدا..
تقفيل اوروبي في بلادهم مش متقفلين برة بلدهم..
توكيلين محترمين في مصر
قطع غيار غالية..
الاسترا الكاملة تمنها حوالي 155 الف.. البيجو مش عارف بصراحة..
الكماليات تقريبا هتبقي واحدة.. مع فروق بسيطة..
البيجو الفتيس بتاعها اوتوماتيك عادي غالبا فيه ستب ترونيك او تيب ترونبك ايا كان المسمي.. (مش متأكد عشان مركبتعهاش اوتوماتيك.. اللي ركبتها كانت مانيوال)
لكن الاوبل فيها فتيس تكنولوجي جديدة اسمها ايزيز ترونيك مختلفة شوزية عن الاوتوماتيك العادي..
و لو متعوده عل الاوتوماتيك العادي يبقي هاتي بيجو عشان ممكن تاخدي وقت علي ما تتعودي علي الايزي ترونيك او ممكن تقارني بينه و بين الاوتو العادي و في الحالة دي مش هترتاحي معاه..
شوفي كده و قبل كل حاجة استخيري و ربنا يوفقك لما فيها لخير..
انا مش عارفة اشكرك ازاي--انا الحقيقة متعودة علي الألماني و علي الاوبل و معرفش اي حاجة عن البيجو ولا جربتها--و لسة بدور علي البيجو الخليجي بس مش لقياها خالص واللي لقيتها غالية جدا عن السعر اللي انا عارفاة اصلا في Chef Cars ,اسعارهم غريبة جدا
طالما انتي واخدة علي اوبل..
كان معاكي ايه قبل كده..؟؟ او كنتي بتسوقي ايه..؟؟
كده يبقي بنسبة كبيرة الامور وضحت معاكي..
شوفي البيجو اللي بتفكري فيها و شوفي الاسترا..
هتلاقي بصراحة و بنسبة كبيرة ان اختيارك راح للأوبل..
عموما مستني ردك,.
كنت اوبل فكترا..اتوماتيك,بس بصراحة انا كان نفسي في البيجو ,مش انت قلت الاوبل الجديدة سواقتها اصعب
البيجو 307 عربية تحفة انا ركبتها لما كنت فى مامورية تبع الشغل فى الجزائر و العربية كانت جاز تربو فول اوبشن مانيوال كانت تحفة فى كل حاجة السحب و الثبات بتاع العربية و الباور كانت جميلة جدا
و ربنا يوفقك إن شاء الله و تختارى حاجة مناسبة
لا هو مش موضوع اصعب.. بس الفتيس بتاعها الاوتو رد فعله مختلف شوية عن العادي..
يعني العادي مش بتحسي بالنقلات.. او بيبقي احساس بسيط قوي مش بتاخدي بالك منها..
لكن الفتيس ده بتحسي جامد بالموضوع ده.. بس برضه الموضوع بالتعود هتحسيه عادي..
لكن البيجو عادي مش هتحسي بفرق فيه عن فتيس الفيكترا القديم..
شوفي انتي. لكن لو ركبتي البيجو و ركبتي الاسترا هتحسي بالفرق..
انا عن نفسي بصراحة ركبت العربيتين..
البيجو كانت مانيوال.. كاملة.. و الاسترا كانت اوتو ايزي ترونيك كاملة..
بصراحة.. الاسترا حاجة تانية.. عجبتني اكتر..في كل حاجة الجري (مع العلم اني مجريتش كتير يعني مش باحرق و اجمع و كده كان بس تجربة للتسارع مش اكتر..) و القعدة في العربية و كده..
شوفي بنفسك.. كل واحد بيبقي ليه نظره و مقاييس بيقيم بيها العربية..
انا عن نفسي حسيت ان الاسترا احسن بكتير قوي من البيجو,, و برضه ركبت المازدا 3 و برضه نفس الاحساس..
انتي اكيد عارفة و مجربة معني تقل العربية علي الارض.. و احساسك انها لازقة علي الطريق..
اي نعم ممكن متكونيش بتحسي بقوة موتور العربية علي الطلعات و النقلات الاولي..
لكن بعد ما تجمع بتعرفي قيمة العربية..
انتي ركبتي البيجو او قعدتي جواها حتي ولا عاجبك الشكل بس..؟؟
اركبيها و اقعدي جواها.. و اركبي الاسترا و اقعدي جواها.. و بعدين شوفي هترتاحي لمين اكتر..
و بعد كده اعملي تست درايف للاتنين.. و شوفي هترتاحي مع مين اكتر..
(انا متوقع انك لو ركبتي العربيتين من غير تست درايف.. هتختاري الاسترا..)
عموما ربنا يوفقك..و مش هتفرق كتير برضه كفاءة العربيتين تقريبا واحدة.. الموضوع كله راحة نفسية..
جبتي ايه في الاخر ؟
opel astra
مبروك عليك مع انها جايه متاخر اوي اوي :)
الباور مش تقيل قوي زي منت بتقول هو تقيل سنه عشان بتنزل بجنوط اوريجنال 16 و علي فكره اعرف كذا واحد معاه 307 و لا واحد اشتكي من الفتيس التبترونيك المشكله كلها فيما قبل موديل 2006 يعني 2005 و انتي نازل لكن بعد كده اتظبتت