عايزة اشتري بيجو 307 خليجي!!

**HOOBA1** · 15-05-2008 01:13 PM

السلام عليكم
حد يقدر يساعدني يا جماعة فين الاقي البيجو ال 307 الخليجي في اي معرض ولا اشتري من التوكيل احسن.انا عايزاها جديدة مش مستعملة بس هي قليلة شوية. يا ريت حد ساعندي واضح انكم خبراء :)

**sakrouz** · 15-05-2008 05:13 PM

الخليجى احسن فى الكماليات بس المصرى فية تصفيح من تحت

**ssafwat** · 16-05-2008 03:43 AM

Hooba روحي chef car عنوانهم 51 عباس العقاد عندهم الخليجي والوجيه اباظة فممكن تقارني الأسعار والكماليات مقارنة سليمة وربنا يوفقك :)

**HOOBA1** · 16-05-2008 03:09 PM

thank you very much sakrouz and ssafwat

**HOOBA1** · 16-05-2008 03:14 PM

طب معلش لو ادامي اشتري ال 307 او ال اوبل استرا الهاتشباك, ترشحوا انهى فيهم؟

**ssafwat** · 17-05-2008 12:44 AM

طب ده سؤال بالذمة؟ بيجو طبعاً وده لأني متعصبة بشدة للبيجو مبدأياً وثانياً ال 307 تأفيل فرنسي، لكن الأوبل على ما سمعت مش تأفيل الماني والله أعلم ، لو حد عارف الأوبل متقفلة فين يا ريت حد يفيدنا

**sakrouz** · 17-05-2008 03:47 PM

وحتى لو المانى بيجو طبعا

**Ahmad Allawy** · 19-05-2008 09:40 AM

شوفي يا ستي..
الاوبل الاسترا تقفيل الماني..
و الموديل ده عمل تاني افضل مبيعات في اوروبا كلها بعد الجولف في عام 2007

بالنسبة بقي للمقارنة بينها و بين البيجو..
لو انتي من الناس اللي مياله للفرنسي عموما.. يبقي البيجو هتبقي مرتاحة نفسيا بيها..
لكن في ناس بتبقي مياله و بترتاح للألماني.. و في الحالة دي الاوبل هتريحك اكتر..
شوفي انتي ايه الانسب ليكي ..

لو اخدنا مقارنة سريعة كده..
العربيتين كفاءة جدا..
تقفيل اوروبي في بلادهم مش متقفلين برة بلدهم..
توكيلين محترمين في مصر
قطع غيار غالية..
الاسترا الكاملة تمنها حوالي 155 الف.. البيجو مش عارف بصراحة..
الكماليات تقريبا هتبقي واحدة.. مع فروق بسيطة..
البيجو الفتيس بتاعها اوتوماتيك عادي غالبا فيه ستب ترونيك او تيب ترونبك ايا كان المسمي.. (مش متأكد عشان مركبتعهاش اوتوماتيك.. اللي ركبتها كانت مانيوال)
لكن الاوبل فيها فتيس تكنولوجي جديدة اسمها ايزيز ترونيك مختلفة شوزية عن الاوتوماتيك العادي..
و لو متعوده عل الاوتوماتيك العادي يبقي هاتي بيجو عشان ممكن تاخدي وقت علي ما تتعودي علي الايزي ترونيك او ممكن تقارني بينه و بين الاوتو العادي و في الحالة دي مش هترتاحي معاه..

شوفي كده و قبل كل حاجة استخيري و ربنا يوفقك لما فيها لخير..

**HOOBA1** · 19-05-2008 09:47 AM

انا مش عارفة اشكرك ازاي--انا الحقيقة متعودة علي الألماني و علي الاوبل و معرفش اي حاجة عن البيجو ولا جربتها--و لسة بدور علي البيجو الخليجي بس مش لقياها خالص واللي لقيتها غالية جدا عن السعر اللي انا عارفاة اصلا في Chef Cars ,اسعارهم غريبة جدا

**Ahmad Allawy** · 19-05-2008 09:58 AM

طالما انتي واخدة علي اوبل..
كان معاكي ايه قبل كده..؟؟ او كنتي بتسوقي ايه..؟؟

كده يبقي بنسبة كبيرة الامور وضحت معاكي..
شوفي البيجو اللي بتفكري فيها و شوفي الاسترا..
هتلاقي بصراحة و بنسبة كبيرة ان اختيارك راح للأوبل..

عموما مستني ردك,.