السلام عليكم
النهاردة جيت ادخل مفتاح الكونتاك مش راضي يدخل كأنى جايب مفتاح مش بتاعة !!
العربية 128 موديل 81
يا ترى ايه الحل .. و شكرا
عرض للطباعة
السلام عليكم
النهاردة جيت ادخل مفتاح الكونتاك مش راضي يدخل كأنى جايب مفتاح مش بتاعة !!
العربية 128 موديل 81
يا ترى ايه الحل .. و شكرا
كانت بتحصل في عربيتي ولسة بتحصل من وقت للتاني
وكنت باسايس المفتاح لغاية ما بيدخل
ملقتلهاش حل تاني بصراحة
شكرا على سرعة الرد .... بس انا ساسيتها كتير بس بدون فايدة !!!!!!
ربنا يتوب علينا من اشباه السيارات .. قول يا رب
امين ..
بس بصراحة انا اللي شايل قرفها و لما بعوزها مش بلاقيها ... و مش ممكن كمية المشاكل المتتالية .. حاجة غريبة .. و لحد دلوقت لسة المفتاح مش راضي يدخل !!!
1- هتحتاج تفك الكونتاكت علشان ميقفلش معاك اللوك بتاع الديريكسيون(دى محتاجة فنى)
2- هتدور العربية بالأسلاك وتروح بيها لكهربائى
3- هتشترى كونتاكت جديد وتركبه ، التركى اظن تمنه فى حدود 45-50 جنيه
شكرا للمداخلة بس للاسف الدريكسيون قفل و انا بحاول .. ايه الحل ؟؟!!اقتباس:
1- هتحتاج تفك الكونتاكت علشان ميقفلش معاك اللوك بتاع الديريكسيون(دى محتاجة فنى)
2- هتدور العربية بالأسلاك وتروح بيها لكهربائى
3- هتشترى كونتاكت جديد وتركبه ، التركى اظن تمنه فى حدود 45-50 جنيه
لما تفك الكونتاكت الديريكسيون هايفتح بس لازم فنى هو اللى يعمل لك الشغلانة دى
عموما هوصفلك ازاى بتتعمل
1- تفك الغطاء البلاستيك اللى راكب على قطمة الديريكسيون (اللى هو حتة البلاستيك الأسطوانية المكونة من جزئين الموجودة بين عجلة القيادة وبين التابلوه وطالع منها دراع النور والأشارة والمساحات) وده بيكون مربوط بمسمارين بيبانوا لو انت بصيت من تحت طارة الديريكسيون وبيحتاج مفك صليبة طويل
2- بعد ما تفك البلاستيك هتلاقى الكونتاكت، عبارة عن اسطوانة طالعة من يمين القطمة وفى نصها مكان دخول المفتاح، والأسطوانة دى مساكها فى قطمة الديريكسيون اسورة دائرية لافة حوالين القطمة ، ومربوطة بمسمارين من ناحية الشمال، لو ده هو الكونتاكت الأصلى هتلاقى المسمارين دول مالهمش راس، ولو الكونتاكت متغير قبل كدة هتلاقى ليهم راس، لو ليهم راس طبعا فكهم سهل بمفتاح بلدى، لو مالهمش راس بيتفك بمفك كبير يتحط على الراس الناعمة ويدق عليه بشاكوش فى اتجاه الفك لحد ما المسمار يتفك، اول ما الكونتاكت يتفك قفل الديريكسيون هيتفك لوحده ، يتم فك وصلات الكهرباء وتشغيل العربية منها، او تركيب كونتاكت جديد
نفس المشكله دى حصلت معايا مع عربيه بى ام 316 موديل 85
بس كان مفتاح الشنطه لدرجه ان مفتاح من الاتنين اتكسر واتفتحت فى الاخر بطلوع الروح بعد الاستعانه بطفاشه