الموضوع: اشتريت الكيا ، وبقيت كياوية ......... باركولي

المشاركة الأصلية كتبت بواسطة karim_monir

الف مبروك يا ام ميرنا
اهم حاجة تشيكي على الزيوت والسيور
تروحي لواحد ميكانيكي محترم وومكن اديلك تليفون واحد او اكتر في االحرفيين زوجك ينزل ليهم
يغير طقم سيور وتريحو بالكو
وتغيرو زيت موتور ويكشف على زيت الفتيس ويغير زيت الباكم كلة بتاع الفارمل وده افض واريح لدماغكم
وكمان يغير مية الرداتير بمية خضراء
وتركبوا وانتم مطمنين
والحكاية مش هاتدخل في 200 ولا 300 جنية بالمصنعيات

ياريت والله
وشكراليك بجد ولكم كلكم انتوا بيتي التاني في نايل موتورز

المشاركة الأصلية كتبت بواسطة mbluethunder7000

ألف مبروك عليكي العربيه

هي عربيه موديل 2002 .. بس مافيش مانع إن حضرتك تروحي التوكيل في أبو رواش يعملوا عليها Full Check Up ويدوكي تقرير كامل بكل حاجه عايزه تتغير

وبعد كده هايبقى ليكي حرية الإختيار .. إنك تغيري عندهم او في أي حته بره.. بس هناك هايقولوليك على كل حاجه بالتفصيل وده أفضل بكتير في الأول....

وربنا يباركلك فيها ويديكي خيرها

طيب ممكن تقولي الموضوع ده هايتكلف كام ، لان الصراحة العربية طبعا اخدت كل مدخرات البيت فانا عاوزة اظبط الحاجت اللي فيها واحدة واحدة حسب الاهمية
وكمان كل ده يكون يوم جمعة وسبت لان دي ايام الاجازات عندي


وربنا يبارك فيكم جميعا ، ودايما صحبة خير

المشاركة الأصلية كتبت بواسطة m_18c_m

طيب ممكن تقولي الموضوع ده هايتكلف كام ، لان الصراحة العربية طبعا اخدت كل مدخرات البيت فانا عاوزة اظبط الحاجت اللي فيها واحدة واحدة حسب الاهمية
وكمان كل ده يكون يوم جمعة وسبت لان دي ايام الاجازات عندي


وربنا يبارك فيكم جميعا ، ودايما صحبة خير

حضرتك هاتعملي الآتي :

1: هاتروحي التوكيل يوم سبت على الصبح كده .. وتكوني حاجزه قبلها علشان تخدي رقم حجز .. وتقوليلهم أنك عايزه تعملي full check up على العربيه.. وتسأليهم هايتكلف كام ال Check up ده .. طبعا ده بناءا على نوع العربيه والموديل بتعها

2: في التوكيل هايخدوا العربيه منك وهايدخلوها يتعمل عليها ال Check up ده وهما هايدوا لحضرتك تقرير شامل بكل حاجه عن العربيه وأيه اللي لازم يتغير وبكام كمان

3: حضرتك ممكن تخدي التقرير ده وتسأليهم على مدى أهمية وضرورة وترتيب وأولوية التصليح في العربيه.. وبناءا عليه ممكن تشوفي إنك تعمليها في التوكيل او بره التوكيل ( وطبعا التوكيل أفضل من بره بكتيييير )

التوكيل بعد ما القضيه خلصت عمل أوفر جامد وهو برنامج العنايه الفائق والبرنامج ده بقاله إسبوعين وفاضل إسبوع تالت هايتعمل في الأسكندريه..

برنامج الرعايه الفائق ده بيتعمل فيه Full check Up على العربيه بالكامل وبيديكي تقرير شامل زي ماقولتلك بس ببلاش.. مش عارف بقى التقرير ده ممكن يتكلف كام لوحده

بس بعد ما تخدي التقرير ده .. هاتطمني على الأخر من كل حاجه في العربيه لإنك ساعتها هاتبقي عارفه كل صغيره وكبيره في العربيه

علشان كده انا بنصح إنك تعملي الحركه ده وفي الأول كده ...

ممكن تكلمي التوكيل على الرقم ده 25222222 وتسأليهم على الموضوع ده وهما هايقولوليك على كل حاجه

وربنا يباركلك فيها

ألف مبروك و مرحبا بك في نادي الكيا....نتمني لك اقامة سعيدة:)

ألف ألف مبروك لكما ، وربنا يديكوا خيرها ويكفيكوا شرها ..
لو أبو رواش بعيدة عليكوا .. فيه محمد زكي في القطامية على الدائري وده معتمد من الوكيل وهيقوم برضه باللازم ، وخدمتهم كويسة جداً .