ياجماعه انا استلمت الفوكس النهارده بس شايف الار بى ام قرب الواحد لما بدورها هو دا طبيعى يا جماعه ولا ايه وكمان لما بجيب الغيار على الدى وببقا دايس فرامل واجيب الدريكسون يمين وشمال بسمع اصوات عجيبه :( ياترى اللى بيحصلى ده طبيعى ولا ايه
عرض للطباعة
ياجماعه انا استلمت الفوكس النهارده بس شايف الار بى ام قرب الواحد لما بدورها هو دا طبيعى يا جماعه ولا ايه وكمان لما بجيب الغيار على الدى وببقا دايس فرامل واجيب الدريكسون يمين وشمال بسمع اصوات عجيبه :( ياترى اللى بيحصلى ده طبيعى ولا ايه
الف مليون مبروك علي الفوكاس ربنا يديلك خيرها ويكفيك شرها ومستنين حضرنك في قسم الفورد.
الار بي ام عادي انو بيكون علي الواحد لان الطبيعي بتاعو يكون مابين 850 الي 950.
ومشكلة الاصوات دي اعتقد علشان العربية لسة جديدة استني شوية واكيد هتختفي ولو مراحتش قولهم في اول صيانة.
الف مبروك ربنا يديك من خيرها و يكفيك شرها
بالنسبه للار بى ام لو قبل الواحد يبقى طبيعى لو بعد الواحد ده اللى يبقى مش طبيعى
و ايه نوعيه الاصوات اللى بتسمعها لما بتحرك الدركسيون لو الباور بتاعها زيت مش كهرباء يبقى طبيعى انك تسمع صوت خفيف زى ما يكون صوت موتور بيلف غير طبعا صوت موتور العربيه الطبيعى اما لو كان صوت عالى و مزعج او تزييق مثلا ده اللى يبقى مش طبيعى
عموما لو الحاجات اللى انا قولت لك عليها طبيعى هى اللى حاصله يبقى استمتع بعربيتك و ماتوهمش نفسك اما لو كانت اللى قولت لك عليها مش طبيعى هى اللى حاصله عليك و على التوكيل فورا و افهم منهم ايه الحكايه و لو الكلام ماعجبكش او ما حلوش الحاجات دى بطريقه اقنعتك انت من حقك طبقا لقانون حمايه المستهلك انك ترجع المشتريات و تاخد فلوسك فى خلال 14 يوم من تاريخ فاتوره الشراء بشرط ان السلعه تبقى بحالتها
ان شاء الله مايطلعش فيه حاجه و تبقى الامور طبيعيه
متشكر جدا لاهتمامكم والله انا بحبكم فى الله كلكم ولاد حلال والاصوات ديه لما ببقا جايب الدى ودايس فرامل وبحرك الدريكسيون بسمع زى ما يكون صوت الفرامل بتزعق مش عارف اوضحه بالضبط بس صوت جاى من الفرامل تقريبا بس لما ببقا على الان مفيش حاجه
يا جماعه انا روحت التوكيل سالت على الاصوات قالى ده تيل الفرامل لسه مطبعش وتعالى بعد 1000 كيلو نشوف ايه الاخبار بس لقيت هناك فى العبور كلهم شباب ربنا يستلر ان شاء الله ويبقوا كويسين فى الصيانه بس العربيه بشكل عام ممتازه ماشاء الله تاخد بيها غرز على 160 مستريح بس هيا اخرها 180 مش عارف ليه والسحب بيتاعها معقول مقارنه بوزنها التقيل جدا العريه فاضيه 1800 كيلو بس استهلاكها للبنزين عالى اوى يعنى خراب بيوت وخصوصا انى اكتشفت انها بتاخذ بنزين 95 ربنا يقدرتا عليها
استاذ محمد الف مبروك على فوكاس انا بحبها جدا و شايف انها عربيه رابحه و تستاهل تمنها بالنسبه للبنزين فى كل عربيات معروف انها فى مرحله تليين بتسحب بنزين عالى و بعد خمسه الاف تقريبا بتبدى استهلاك يقل لحد ما يصل للأستهلاك عادى الا فى حاله قرص و انصحك متزودش فى سرعه عن 90 فى اول الف و متخليس الاربى ام يوصل اكتر من 3 و متدوس بنزين مفاجأ او فرامل مفاجأة بقوة و بالنسبه لصوت اللى بتسمعه ده عادى انك وقفت مثلا فى اشارة و عربيه على d فتبقى عايزة تمشى و انت دايس فرامل فتسمع صوت ده الحل مدام واقف خليها على n و دوس فرامل مش هتسمع صوت جرب و اول ما تمشى هات d
عايزك بعد فترة كده و تليين تعمل تقرير مفصل عنها بالصور لو امكن
يا جماعه ازاى ارفع الصور على المنتدى علشان فيه تقرير مهم ومفصل عامله بعد العربيه معملت 4000 كيلومتر برجاء الافاده
افضل طريقة انك تعمل اشتراك مجاني في موقع :
4shared.com - free file sharing and storage
و ده موقع بيديلك 15 جيجا مساحة تخزين مجانية تقدر نحط كل انواع الملفات عليه ...
بعد كده هتنزل البرنامج بتاعهم من الرابط :
http://dc153.4shared.com/download/aK...esktop_332.exe
ده لو انت عايز ترفع ملفات من على الكمبيوتر
لكن لو عايز ترفع من على الموبايل يبقى تنزل البرنامج ده :
4shared for Symbian
المهم يا باشا بعد ما ترفع الصور باستخدام البرنامج : 4shared_Desktop
http://dc366.4shared.com/img/my-X_G9a/4shared.png
http://dc387.4shared.com/img/hEtOnkBu/4shared-001.png
http://dc445.4shared.com/img/6HhFd34H/4shared-002.png
هتاخد اللينكات بتاعة الصور و تضيفها في المشاركة بتاعتك عادي جدا , و ميزة الطريقة دي الصور عمرها ما هتتمسح ابدا زي مواقع الرفع المؤقتة العادية لأن كده هيكون عندك هارديسك على النت تقدر تحط عليه ملفاتك المهمة و محدش هيقر يشوف حاجة غير اللي انت عايز الناس تشوفها ...
http://dc474.4shared.com/img/0SOg4QcF/4shared-003.png
ألف ألف ألف مبروك يا باشا على العربية .. ربنا يديك خيرها ويبعد عنك شرها
thanks all my friend