يا جماعه الحوقنى ياريت تساعدونى الله يبارك فيكم ايه رايكم فورد فوكس 2011 هاى لاين ولا رينو فلونس 2011 اتوماتيك فئه تانيه انا مش قادر واعصابى باظت ياريت تساعدونى اهم حاجه عندى الثبات والصيانه
عرض للطباعة
يا جماعه الحوقنى ياريت تساعدونى الله يبارك فيكم ايه رايكم فورد فوكس 2011 هاى لاين ولا رينو فلونس 2011 اتوماتيك فئه تانيه انا مش قادر واعصابى باظت ياريت تساعدونى اهم حاجه عندى الثبات والصيانه
فلوينس يا معلم
اشمعنا
فوكس
فوكس
يا جماعه الله يكرمكم حد يقولى ليه فوكس وليه فلونس اتوسل لحضراتكم انا مزنوق اوى فى الوقت
فوكاس
الأناقة الأوروبية المصدر والعراقة الأمريكية والجودة الألمانية اجتمعت معاً لتشكل واحداً من أفضل طرازات السيدان العائلية متوسطة الحجم في السوق المحلى ، إنها فورد فوكاس الجديدة والتى تميزت فامتلكت رونقها الخاص بها ونالت احترام الجميع ، فوكاس برغم مميزاتها الرائعة لازالت لا تحتل مكانة تليق بها كواحدة من أنجح طرازات فورد في العالم وعلامة مميزة للصانع الأمريكى في السوق الأصعب عالمياً وهو السوق الأوروبى ، فطراز فوكاس لطالما اعتبر أيقونة مميزة لسيارة عائلية مدمجة أنيقة التصميم منافسة بقوة تجهيزاتها وسعرها المناسب ولكن هنا في سوقنا المصرى لازالت تنتظر فوكاس صك الإفراج عن مكنوناتها المتميزة لتحتل مكانتها المتوقعة ، تمتاز فوكاس الجديدة بمحرك رباعى الإسطوانات ومزود بعامود كامات مزدوج قادر على إنتاج قوة حصانية صافية تصل إلى 119 حصان عند 6000 دورة على الدقيقة بالإضافة إلى قدرته على توليد عزم تدويرى يصل إلى 155 نيوتن متر عند 4150 دورة على الدقيقة لتصبح فوكاس واحدة من اقوي سيارات فئتها ، وتندفع فوكاس عبر المحور الأمامى للعجلات كما يمكنها التسارع من الثبات وحتى سرعة 100 كيلومتر / س في 10.9 ثانية وتبلغ سرعتها القصوى 193 كيلومتر / ساعة .
المواصفات الفنية :
الأبعاد ( مم ) : طول / عرض / ارتفاع : 4481 / 1839 / 1497
المحرك : السعة : 1.6
المحرك : القوة الحصانية : 119
ناقل الحركة : 4 ستيبترونيك
معدل إستهلاك الوقود : 6.6
أبرز المنافسين : تويوتا كورولا / هوندا سيفيك
الضمان : غير محدد للكيلومتر - سنتين منقول
ـــــــــــــــــــــــــ ـــــــــــــــــــــــــ ــــــــــــــــــــــ
فليوانس
الطراز: صالون
المحرك الأساسي: 1.6 / 110 / 4
منظومة الدفع: أمامي
ناقل الحركة: يدوى 5 / آلي 4
الطول: 4620
العرض: 1809
الارتفاع: 1479
قاعدة العجلات: 2702
وزن السيارة: 1250
سعة خزان الوقود: 60
من 0 إلى 100 كلم:10.7
السرعة القصوى: 190
معدل استهلاك الوقود: 7
الاثنين حلوين بصراحة و ان كانت الفوكس فى العرض سعرها بقى حلو
الاثنين تقريبا متقاربين فى كل حاجة .. يعنى مفيش واحدة احسن من واحدة
بس هى فى الاخر اذواق و لازم محدش غيرك يقرر لأنك ادرى الناس باحتياجاتك و بذوقك
طبعا خد اى حاجه قبل الفلوس متتاخد
انت مانك بتقول مرسيدس ولا اودى يعنى مفيش فرق الماركتين محترمين وفى اى عربيه هتستمتع
صلى استخاره واللى قلبك يملها اشترى وخلص
وعرفنا عشان نقول مبروك
هم العربيتين زي الفل
بس انا قلتلك فوكس
عشان بحس ان الصاج بتاع الفلوينس ضعيف شوية والتابلوه مش شيك
واعتقد قطع غيار الفوكس والصيانات ارخص مع التوكيل الجديد
عيبها هو سمعة فورد السيئة في مصر ، واللى المفروض تتغير 180 مع التوكيل الجديد
الاتنين حلوين طبعا بس الفوكس اشيك بكتير جدا
فوكس طبعاً العرض الجديد عالمي 147 ال-highline باين
العربيات الفورد ميركبش غير الباشوات الفوكس بحس انها
في ثبات الجتا
أنا نفسي فيها highline بس المشكلة انهم مرخصين العربية عشان الشكل الجديد نازل قريب
+1
هى لا تقل عن الجيتا فى الثبات..ولا الهاتش منها أقل ثباتا من الجولف!
بالنسبة للمقارنة
- الموتور: الأتنين يتساوو (100-105 حصان)
- الفتيس: برضه زى بعض.. 4-Speed Auto (ولو أن الشركتين عندهم فتيسات أفضل من كده: Renault DCT, Ford PowerShift) ديوال-كلتش زى DSG
- الأمان: أوروبى= صاج, بودى, ثبات, ABS+EBD, أيرباج.. كله (زى بعض)
- التوكيل: فى مستوى متقارب.. وان كانت EIM سمعتها أفضل قليلا من فكرى جروب!
فيه حاجة واحدة بس هى الفرق بين العربيتين:
- العفشة والشاسيه: الفوكس تتفوق فى التعليق الخلفى Multi-Link بتكنولوجى الـControl-Blade بتاع فورد!!
ولو أن التورشن بتاع الرينو رائعة (ثبات+راحة).. بس بعض السواقين الـEnthusiam بيفضلوا الملتى-لينك.. وهى للحقيقة أفضل فى الثبات والهاندلينج!! (أحد اشهر مميزات الفوكس)
بالتوفيق isA فى الأختيار
الفوكس افخم بس الفلوانس اسهل فى صيانتة
الفوكس رووووووعة
فين الردود يا جماعه الله يكرمكم
على فكرة إبن خالتي عايز يشتري الفوكاس ال-highline و نزل إنهردة اتفرج أختو أصلاً معها وحدة 2007 و بيشكر فيها جامد ونا
ركبته كتير
و هننزل بكرا نلف تاني و على فكرة ال-highline قليلين أكتر وحدة موجودة ال-basic إلي ب-130
اصل اللى فاضل هاتش باك يا جماعه ياترى ايه رايكم فى شكله http://www.fordegypt.com/Cars/Focus/Overview
الهاتشباك من رأيى شكله اشيك عامة لو مفيش احتياج لحجم السيدان
و الفوكس c-segment hatchback يعنى مش صغيرة و تشيل عادى
الله يباركك يا باشا طب عنندك فكره ايه نظام اللى ضد الشرقه ده اللى فيها ولا دا اى كلام
هو الفلونس تقفيل تركى والفوكس تقفيل اسبانى ايه رايكم يا جماعه
يا جماعه ايه رايكم فى الفانتازيا مستعمل ولا فورد جديده
الجديد جديد و خصوصا ان مفيش فرق كبير بين العربيتين
و المستعمل مهما كان حلو فمش هيبقى زى ما هتجيب العربية و انت اول واحد يركبها خصوصا ان مفيش فرق كبير بينهم خالص
انا لى تعليق يا باشا و يا ريت تتقبله بصدر رحب .. حاول تحصر تفكيرك فى عربيتين بالكثير و تبتدى تختار ما بينهم و تستبعد الباقى لأن كل ما هتوسع دائرة الاختيار .. كل ما حيرتك هتزداد و مش هتعرف تختار حاجة فى الاخر
العربيتين محترمين جدا بس في راي الشخصي بصفتي من مالكي الفورد ان الفورد اكتر اعتمادية واقل اعطال وارخص في اسعار قطع الغيار وثبات وهمي والتابلوة بتاعها قمة الشياكة وخامتها ممتازة توكل علي الله وصلي استخارة
الفوكس اسمع ان الكمبيوتر بتاعها بيضرب لواحده كل 100 الف كيلو
العربيتين ميفرقوش عن بعض كتير
و ربنا يوفقك في الاختيار
بس خلي بالك الفوكس شكلها هيتغير 2012
يا جماعه نا نزلت حجزت الفورد النهارده وحوافيكم باخر الاخبار ان شاء الله ب س الراجل قالى تدفع كل الفلوس الاول وبعدين نخلصلك الاجراءات المرور والافراج الجمركى ياترى الكلام ده عادى يارجاله
الف مبروك يا باشا و ربنا يسعدك بيها ان شاء الله :b4_388:
حكاية دفع الفلوس ديه متهيألى مش مشكلة خصوصا لو حضرتك بتشترى من التوكيل على طول فمش هيبقى فيه شبهة نصب ان شاء الله و ممكن حد من الاعضاء يفيدك اكثر منى فى الموضوع ده
لو فيها رخامة ممكن حضرتك تقولنا حجزت فئة ايه و الاوبشنز اللى فيها وبـكام ؟
التجهيزات:
4 وسائد هوائية
مكيف هواء
جنوط رياضية 16 بريدج استون ياباني+استبن
راديو سدي سوني
اضواء دخول مدمجة مع الابواب(ممكن تتزبت متتفيش الا اما السيارة تدور)
مثبت سرعة (بعد سرعه 80كم/ساعة)
اضواء شابورة(قوية جدا)
زجاج كهرباء امامي و خافي
عجاة قيادة متعددة الوظائف(التحكم في الكاسيت و شاشه التبلو)
سنتر لوك(امكانية فتح الشنتة من الرموت)
نظام حمايه ضد السرقة
رلدار خافي في ال اس ال بي بس
فرش جلد و سخان كراسي في ال اس ال بي
مسند خلفي و امامي
بور اوت لت
ستائر ابواب خلفية في ال اس ال بي و اس ار
زجاج خلفي معتم في ال لس دبليو بس
فتحة سقف في ال اس ال بي و ال اس ار
مراة رؤية جانبية مع اشارات تحزير
السماعات 8 سماعات
العدادات بتنور مع الكونتاكت نور أبيض ظريف ونظل منورة (علشان او دخات في ضلمه ولا حاجه)
ازرع تثبيت كرسي اطفال
قفل أمان للأطفال في الأبواب الخلفيه
سنسور مساحات
شاشة في التبلوبجوار العدادات بتنور مع الكونتاكت بنور احمر تبين:
درجة الحرارة-البنزين المتبقي و يمشيك كام كيلو-امكانيت ترسيت التريب لحساب كام كيلو للرحلة-منسوب الزيت
زرار ازاله للشبورة من الزجاج الخافي
المقابض نيكل
(ممكن تخش على اللينك ده) http://www.nilemotors.net/Nile/43676-a.html
العربيه سعرها 146000 هاتش باك
الف مبروك ربنا يباركلك فيها ويكفيك شرها
ماشاء الله العربية فيها اوبشنز كثير اوى
ربنا يباركلك فيها يا باشا ان شاء الله
و متنسناش فى تقرير لما تستلم و ترخص ان شاء الله
أن شاء الله ياباشا
الفوكس جميلة جدا