ياباشا عن تجربة للموتور الأيكو تك
ادائه ماشاء الله جبار
واستهلاكه ماشاء الله عليه قليل جدا جدا
توكل علي الله في الموتور الأيكو تك وسيبك من التكنولوجيا القديمة
الدنيا بتطور
والله المستعان
،
،
ياباشا عن تجربة للموتور الأيكو تك
ادائه ماشاء الله جبار
واستهلاكه ماشاء الله عليه قليل جدا جدا
توكل علي الله في الموتور الأيكو تك وسيبك من التكنولوجيا القديمة
الدنيا بتطور
والله المستعان
،
،
يا استاذ فادي اختار موديل 2002 - 1600 مانيوال بموتور اوبل
وله اختار نفس العربية موديل 2002 - 1600 مانيوال بموتور ايكوتك
مع ان حالة العربية تقريبا واحدة، ووضحلي ايه الفرق بين الموتورين
شكرا فادي باشا
هوا مش الايكوتك دا علي ايامنا كان بيطلع 137 حصان يا فادى ؟؟؟
ياباشا عن تجربة
الموتور الأيكوتك ادائه الله اكبر عليه ممتاز
واستهلاكه بسيط جدا بالنسبة لعربية 2000 سي سي (مابالك بال1600)
بس الأيكوتك الأوتوماتيك ماله يا فادي ؟؟؟ وحش فأيه ؟
والله المستعان
،
،
ميكانيكي اوبل قالي اخد الايكوتك لو العربية 2000 سي سي
ومخدش الايكوتك لو العربية 1600 سي سي
الكلام ده مظبوط وله ايه
انا أقصد ان الأيكوتك التكنولوجيا الأحدث
وبصراحة مش عارف فرق الأسعار في قطع الغيار والصيانة
لكن انا كل همي مصاريف التشغيل (استهلاك البنزين)
حضرتك لما تبقي راكب عربية 2000 والعربية ماشاء الله عليها كبيرة والماني يبقي لازم تعمل حساب البنزين
والأيكوتك بصراحة كأنه استهلاك 1600 او 1500 وادائة والله احسن من 2300
ودة الي عاجبني فيه
والله المستعان
،
،
-الايكوتك ال1600 سي سي مع بعض الناس عيب كونترول يونت وده لان عزل الوحده مش كويس (عيب مشهور) انما العيب ده مش في ال2000 سي سي الايكوتك
-ال1600 الموتور الاسود احسن والا ماكانش استمر 8 سنوات حتي مع تغيير الشكل من فيكترا بي1 الي بي2
-ال2000 سي سي ايكوتك بيطلع 137 حصان اما ال1600 ف115 حصان
-استهلاك البنزين للموتورين قريب جدا جدا الصفيحه متوسط 250 طوالي -200 كيلو داخلي .الفرق في الصيانه لصالح الموتور الاسود اللي بتلاقي حاجته عند البقال زي مابيقولوا وحساساته قليله وكفايه ان مافيهوش مااااف
ياباشا تسلم على المعلومات الدقيقة دي، ريحت قلبي ربنا يكرمك
هتوكل على الله وهخلص في الموتور الاوبل الاسود عشان انا عايز اركب 1600 سي سي ومش عايز اركب 2000 سي سي وربنا يسترها علينا وعليك
بس نفسي اعرف العربية اللي هشتريها هيه فيكترا بي 1 أم بي 2
اعرف ده منين قبل مخلص فيها
وايه الفرق بين الاتنين
هيه عربية فيكترا 2002 مانيوال 1600 بموتور اوبل اسود 1 كامه - 8 صباب
بي1 من 96 الي 99
بي2 من 2000 الي 2003
-الفرق بسبط جدا في بعض التفاصيل اخارجيه فقط انما كله بيركب علي بعضه
-اميز فرق ان البي21 اكصداماتها ليها رموش سودا وعتب الابواب والمقابض اسود انما البي2 الاكصدام والعتب والمقابض بلون السياره
-ربنا يوفقك ومتشكر علي الدعوه الجميله دي.