ايه رأيكم في العربيه دي ؟

**totty** · 28-09-2011 02:38 AM

اخواني الأعزاء : احد اصدقائي يملك سياره فورد اكسبلورر موديل 93 و عايز يبيعها و العربيه عاجباني بس انا جديد في العربيات من النوعيه دي و العربيه محتاجه شغل و تظبيط و مش عارف اعمل ايه ياريت تدلوني علي حد كويس في اعمال الصيانه و قطع غيارها اجيبها منين و اسعار قطع الغيار نظامها ايه ؟؟.....وجزاكم الله كل خير

**party_0000** · 28-09-2011 02:50 AM

دي اكيد شفاطه بنزين محتاج يكون عندك محطه بنزين

**aYaBooY** · 28-09-2011 11:40 AM

اولا اهلا بيك في قسم فورد
ثانيا العربية ديه نزلها الوكيل مصر اول موديل اعتقد كان 95
فهل هيا نفس العربية الي عند الوكيل ؟؟
لو فرضنا لا يبقي فكك منها
لو اه يبقي هاتلاقي قطع غيارها في منطقة المعادي عند الناس بتوع استيراد السيارات الامريكية
و خلي بالك ان مش اي حد هايعرف يشتغل فيها
و لو حضرتك من بره القاهرة يبقي تبعد عنها
و فيه قاعدة عامة في شراء السيارات الفورد انك لازم تاخدها عروسة
و بعدين انت بتقول انها محتاجة شوية شغل فما هو نوعية الشغل

**totty** · 29-09-2011 04:07 AM

المشاركة الأصلية كتبت بواسطة ayabooy

اولا اهلا بيك في قسم فورد
ثانيا العربية ديه نزلها الوكيل مصر اول موديل اعتقد كان 95
فهل هيا نفس العربية الي عند الوكيل ؟؟
لو فرضنا لا يبقي فكك منها
لو اه يبقي هاتلاقي قطع غيارها في منطقة المعادي عند الناس بتوع استيراد السيارات الامريكية
و خلي بالك ان مش اي حد هايعرف يشتغل فيها
و لو حضرتك من بره القاهرة يبقي تبعد عنها
و فيه قاعدة عامة في شراء السيارات الفورد انك لازم تاخدها عروسة
و بعدين انت بتقول انها محتاجة شوية شغل فما هو نوعية الشغل

اشكر لسيادتك اهتمامك
العربيه مفيش فيها حاجه شغاله ......حتي التكييف عايز كمبريسور و تلاجه .....الفتيس بينتش عند الحركه من الثبات يعني لما بتكون العربيه واقفه و تاخد غيار تلاقيها نتشت سواء ان كانت للأمام او للخلف .....التابلوه مش شغال خالص حتي اللمبه بتاعت الموتور منوره علي طول العفشه كويسه و الموتور الي حد ما كويس يعني مش مرشح زيت و لا حاجه إنما لما بتمشي حاسس ان عزمها ضعيف مش عارف ليه ......هو طالب ستين الف جنيه و متهيأ لي كده انها غاليه ............اشكر لحضرتك اهتمامك و جزاك الله كل خير

**egytamer** · 29-09-2011 10:53 AM

نصيحة لوجة الله ريح دماغك وابعد عنها وشوف عربية حالتها كويسة وريح بالك لانها هتكون احسن وكمان 60 الف كتير جدا.
والله اعلم.

**aYaBooY** · 29-09-2011 12:11 PM

طيب اولا كنت سالت مرة واحد على اسعار العربية ديه
و هنا كلامي مش مقياس للسوق علشان كان كلام دردشة عادي
العربية موديل 98 بحالة ممتازة يعني مفيهاش الهوا بتعمل 65 70
طيب انا كنت شوفت زمان عند السكرى الموتور بالفتيس بالكرونة بشوية حاجات مش عارف ايه ديه بالظبط
و كان عاوز فيهم 15 الف يعني ممكن تلاقيهم برة بـ 9 الاف مثلا هههههههه
فطبعا واضح من الكلام عن العربية انك عندك مشكلة في الفتيس نفسة
و ده تصليحة مش هايتم غير في مكانين التوكيل و طبعا رقم قاتل او عند قطب في الضاهر علشان تقريبا
هو الوحيد الي بيصلح فتايس فورد و غالبا الفيس بتاع الموديل الي انت بتتكلم عنه مش هاتلاقيه استيراد بالساهل
اخيرا انصحك تبعد عن العربية ديه لو عاوز حاجة دفع رباعي ممكن تدوي على اكسبلورر 95 98 و ديه في حدود ال 70 و الله اعلم برده
او تشوف الشيروكي الكبيرة اوتوماتيك اعتقد في نفس الرينج مو 95 او تدخل على اقسام الدفع الرباعي و تشوف النصيحة ايه