الموضوع: استفسار بسيط في الساوند سيستم

انا عندي ساوند سيستم بسيط عبارة عن كاسيت بايونير و سماعتين سوني 400 وات و 80 ار ام اس
لو جبت سماعتين صغيرين كمان بايونير 130 وات و ار ام اس تقريبا 30 او 25 هما مش كدة ممكن يتحرقوا بما ان خرج الكاسيت 50 وات ولا عادي . انا جبت سماعتين قبل كدة واتحرقوا من اول يوم كانوا شغالين تمام اول لما عليت الكاسيت فرقعوا بس انا قولت يمكن عشان نوعهم وحش .
تاني حاجة انا عندي في الكاسيت اوبشن للصب بس انا بشغله عادي من غير صب اول لما اشغل اي اوبشن للصب العربية بتتحول وبيبقى فيها بيز غبي وعميق جدا بردو السماعات الصغيرة ممكن تستحمل الاوبشن ده عشان انا على طول مشغله .

واخيرا لو انا حبيت اجيب جي ام حيفرق في الصوت ولا لأ عشان انا عندي مثلا ببقى مشغل الكاسيت على 30 والسماعة بتبقى جايبة اخرها وبعد كدة البيز بيبدا يخروش ولا مش حيفرق في حاجة والاحسن اجيب سماعات اقوى طالما الكاسيت مقومها وهو لسة في نص قوته .

الف شكر يا رجالة وحفكر في موضوع الجي ام ده يمكن يفرق