تغيير مبردات مياه زمزم بالحرم المكى بالكامل

**Dr Ahmed** · 28-09-2011 07:04 AM

تم تغيير جراكن ماء زمزم القديمة فى المسجد الحرام بمكة بالكامل وتم استبدالها بجراكن أحدث

هذه صور الجراكن الجديدة

السؤال الذى يتبادر للأذهان هل تغيير هذه الجراكن يأتى كاستبدال روتينى بسبب استهلاك الجراكن القديمة او انتهاء عمرها الافتراضى أم يأتى ضمن خطة لاستبعاد احتمالات التلوث التى أثيرت مؤخرا بإحتمال إصابة ماء زمزم بالتلوث أثناء نقله من البئر لأماكن الاستهلاك؟

**samcar** · 28-09-2011 08:18 AM

تلوث ايه - شفتم صور الحرم زمان كانوا بينزلوا جردل- كوز الدوكو اوجه منه والناس كانت امم وبتشرب وما حصلش اى حاجه- دلوقت المياه بتتنقل بالمواسير تحت رقابه عاليه نقول تلوث- دى دعايه قام بييه صحفى اجنبى - غالبا من غيظهم من اعداد المعتمرين والحجاج

**kar!m** · 28-09-2011 08:26 AM

دى جديده فعلا .. أنا نفسى يعملوا جراكن تمنع المصريين انهم يشيلوها و يرفعوها .. و يملوا منها جراكن و أزايز و يتوضوا منها و يغرقوا المسجد مياه من جوه.

**nodey** · 28-09-2011 08:32 AM

اشمعن المصريين بس اللي عايزهم يمنعوهم في الحرم سلوك الناس واحد بكستاني تركي هندي كلهم بيعملوا كدا وانا كنت بشوفهم كتتتير في عمرة رمضان
وبعدين كفاية بقي كل حاجة مش حلوة ننلزقها في المصرييين بقي شكلنا وحش حتي قدام نفسنا
وللعلم نعتبر احنا انظف شعب لاننا معندناش فلوس نجيب بيها كماليات ونتبهرج بيها
ارحموا مصر وشعب مصر وكفاية بقا الواحد تعب
البلد حالها واقف والناس مش لاقيه تأكل وناس جاية تقولك اصلهم بيخلصوا ماء زمزم عجيبه دي والله ؟

**MTAK** · 28-09-2011 08:33 AM

الف مبروك يا دكتور احمد
شكوتك جابت نتيجه

لكن احسست بالحزن اكثر
لانك عندما اشتكيت فى بلدك محصلش حاجه

**kar!m** · 28-09-2011 12:55 PM

المشاركة الأصلية كتبت بواسطة nodey

اشمعن المصريين بس اللي عايزهم يمنعوهم في الحرم سلوك الناس واحد بكستاني تركي هندي كلهم بيعملوا كدا وانا كنت بشوفهم كتتتير في عمرة رمضان
وبعدين كفاية بقي كل حاجة مش حلوة ننلزقها في المصرييين بقي شكلنا وحش حتي قدام نفسنا
وللعلم نعتبر احنا انظف شعب لاننا معندناش فلوس نجيب بيها كماليات ونتبهرج بيها
ارحموا مصر وشعب مصر وكفاية بقا الواحد تعب
البلد حالها واقف والناس مش لاقيه تأكل وناس جاية تقولك اصلهم بيخلصوا ماء زمزم عجيبه دي والله ؟

انت زعلان كده ليه .. المصريين فعلا هما اللى بيعملوا الحركات دى .. و أنا مصرى و بقول كده:

- فى ساعة الزحام فى الحرم مبسمعش الا صوت مصريين بس بيقولو .. يلا يا جماعة بسرعة شوية .. كل الناس ماشية بالراحة و كده كده الكل هيخرج.

- فى حمامات الحرم .. لو حد جوه و ناس مستنية بره محدش بيخبط على الباب و يستعجله الا المصريين .. لو هندى أو باكستانى واقف .. بيقف بالربع ساعة ولا يخبط تخبيطة واحدة ولا يصفق للى جوة.

- مفيش حد بيلاقى مصلية مفروشه لواحد حاجز بيها و يقعد عليها و هى مش بتاعتة الا المصريين .. أو يفرش المصلية بتاعتة فوقيها .. و لما ييجى صاحبها يقول له خلاص تعال جنبى.

- التحايل فى تدخيل الأكل للحرم و جراكن المياه.

أنا مقلتش ان الناس التانية مبتعملش كده .. بس بدون مبالغة 90% على الأقل من العادات السيئة بيعملها المصريين بس.

**Dr Ahmed** · 28-09-2011 01:04 PM

المشاركة الأصلية كتبت بواسطة aliabutaleb

أعتقد إدعاءات تلوث مياه زمزم بالرصاص كان من عينات مأخوذة مباشرة من البئر يا دكتور

لا يافندم اللى أعرفه إنها كانت من مصادر بعيدة عن البئر
ثانيا كان فيه شواهد تانية شفتها كطبيب تؤيد احتمال تلوث فعلا ودا غير مستبعد لو شفت التنكات اللى بتنقل الماء لأماكن بعيدة زى المدينة أو ضواحى مكة، ودى أرسلت بيها مذكرة لعدة جهات بمكة لأهمية الموضوع
إما نفى إمكانية تلوث ماء زمزم بفعل البشر فدا زى وضع الرأس فى الرمل تجنبا للخطر

**Dr Ahmed** · 28-09-2011 01:06 PM

المشاركة الأصلية كتبت بواسطة mtak

الف مبروك يا دكتور احمد
شكوتك جابت نتيجه

لكن احسست بالحزن اكثر
لانك عندما اشتكيت فى بلدك محصلش حاجه

الله يبارك فيك أخى العزيز
أنا مش عارف شكوتى كان ليها دور وللا لأ بس أكيد كده فيه تحرك على الأقل لصيانة ما يتعلق بزمزم وتجديده وعدم الاعتماد على "كله تمام" و"كله تحت أعلى رقابة ومستوى" والكلام اللى شبعنا منه هنا