للاسف عربيتى سوداء اللون وكل يوم انزل الاقى العربية مليانة "تراب ناعم " مش ععارف اظفها بأيه وازاى ؟
فوطة عادية ولافوطة زفرة طيب اجيبها منين
عرض للطباعة
للاسف عربيتى سوداء اللون وكل يوم انزل الاقى العربية مليانة "تراب ناعم " مش ععارف اظفها بأيه وازاى ؟
فوطة عادية ولافوطة زفرة طيب اجيبها منين
متابع
متاااااااااااابع جدا
حضرتك تنزل على شل-موبيل-وطنية وتدور فى الماركت على فوطة فى علبة صفرا اسمها Zufra او Zefra مش فاكر بالظبط.وسعرها 12 جنيه وبتقعد كتير.
الفوطة جوانتى تتلبس فى الايد وفيها زيت مخصوص.اهم حاجة :
-العربية متكونش مندية قبل ما تمسحها.
-اول استخدام للفوطة بتبقى مليانة زيت لسة فنصيحتى ليك لما العربية تبقى مليانة تراب او عليها طبقة تراب محترمة كدة امسح بس بالراحة عشان العربية مطلطش منك واتفرج على اللمعة وادعيلى.
-تخلص شغل بالفوطة وتشيلها فى الكيس بتاعها جوة العلبة تانى عشان تحافظ على الزيت مدة اطول.
بستخدمها بقالى اكتر من سنة وفوطة ممتازة.
نضفها بفوطة ناعمة عشان الدهان ميتخربش بلاش فوطة زفرة
و يفضل بعد الغسيل تعملها بشمع عشان يحمي الدهان من التراب مش حاجة اساسية يعني
و حاول كل ما تلاقي فرصة طول اليوم تنزل التراب عليها بريشة او الفوطة عشان التراب ميتركمش و يعمل طبقة سميكة يبقي صعب انها تتشال
انا في اليوم تلاقيني كل ما اركن في مكان و فاضي انزل انضف العربية من التراب يجي مرتين تلاتة في اليوم ههههههههه
و ده موضوع كده ع الماشي :)
http://www.nilemotors.net/Nile/224234-a.html
و بالتوفيق ان شاء الله
معنى كده ان الواحد هيشتغل عبد عند العربية !!!!!!!!
اي فوطة ناعمة قطن بس المهم يكون فيها زيت
الفرشة اللي بتتباع عن اغلب بتوع الأكسسوارات هاتها واشتغل بها ولكن اغسلها كل فتره وزيتها تاني
لو عاوز حاجه تزييت وتبقى كويسه ممكن زيت جونسون بتاع الأطفال زيت به ممتاز
للأسف كان فيه اسبراي للتزيت ده بيظفر اي فوطة علشان التراب ولكن للأسف معدشي بينزل في السوق
وممكن الفوطة المايكروفيبر ولكن الزيت افضل من اي حاجه تانيه بصراحه
شكرا على الردود يا جماعة
طيب هو الواكس عبارة عن ايه ؟ شمع وبيتعمل فين وبكام ؟
ماهى عشان كدة زفرة ههههههههه...باهزر
يارب كل صناعتنا نشجعها كدة على طول وننصح الناس تشتريها
عربيتى سودا بردو وجربت معاها كل حاجة والحمد لله توصلت لنتيجة نهائية...انى اسيبها بترابها لانى كل مانضفها مايعديش 5 دقايق والاقي الجيوش الترابية بدأت تستفرد بالعربية
بس احلى حاجة هى فعلا فوطة قطن عليها شوية زيت صغيرين جدا بحيث ان التراب هو اللى يلزق على زيت الفوطة مش زيت الفوطة هو اللى يلزق عالعربية اللى بالتالى هيلم تراب