تحسين سعر النيسان قشقاي اوتوماتيك
حبايبي و اخواتي في اجمل منتدي
أولا مش عارف ان كان عنوان الموضوع مناسب ولا انا اخترت الاسم من عالم احلامي .
ندخل في الموضوع، انا رحت معرض اوتوماك و ندمت اشد الندم لفقر و ضعف المعرض و يمكن الحسنه الوحيده منه هي المعلومه اللي جبتها لما زرت جناح هيونداي .
هما هناك عارضين عربيه جديه اسمها IX20 و العربيه دي انتاج تشيكي و في منها فئتين كلاهما اوتوماتيك جميع الكماليات
الأولي سعرها 135000 جم و الثانيه تزيد سقف بانوراما ب 145000جم .
فأنا اطرح الموضوع لشركه نيسان مصر و لحبيبنا و اخونا جميعا أستاذ / أحمد مصطفي
يساعدنا مع شركه نيسان بعلاقاته الطيبه مع الجميع بالاقتراح عند استيراد السياره القشقاي الأوتوماتيك من انجلترا ( اوروبيه زي الهيونداي ) انهم يطلبوها بسقف عادي مش بانوراما لتوفير هذه الآلاف العشره و بالتالي لزياده تنافسيه السياره في السوق .
يعني تبقي العربيه حسبه 160 او 165 الف بالكتير قوي .
و طبعا علي ما تتم اجراءات الأستيراد و توصل العربيات المنطقه الحره حاتدخل بعد اول السنه يعني حايطبق عليها ال 10% الخصم علي الجمارك ( الشريحه السنويه )
يعني فعلا بأذن الله السعر المفروض يظبط جدا مع الشركه لصالح العميل .
المعلومه الأخري ان شركه ميتسوبيشي كانت عارضه ال ASX و هي المنافس الأشرس للنيسان في هذه الفئه و فاجئني مندوب المعرض بأن السياره المعروضه موجوده لجس نبض السوق و هل سيتقبلها ام لا و ان سعرها المنافس جدا جدا ( علي حد قوله )
سيكون ما بين 190000 جم الي 210000 جنيه .............. لا تعليق .
مبروك نيسان قشقاي شريحه ال SUV الصغيره في السوق المصريه . :ilikeit: