بص يا باشا الكاسيت بتاع العربيه الاصلى بصراحه تحفه ... المهم حصلت معايا مشكله انى وديت العربيه فى صيانه و بالغلط حد قلب علبة معطر التكيف و نزلت على وش الكاسيت شالت اللون الاسود و شوهت منظره ... فلما رحتلهم علشان اغير وش المهندس قالى اسهل هغيرلك الكاسيت كله و لما قلتله خليه وش بس و خلاص قالى خلاص مش فارقه هنغير الكاسيت كله و خلاص ده على الضمان فعادى .... بعد ما ركب الكاسيت لقيت صوته واطى جدا يعنى القديم لو كنت جايب 9 فيه كان بينطط العربيه الجديد لو جبت 11 الصوت بيبتدى يبان فنصيحه متغيرش فى التوكيل ............ فى المركز اليابانى فى شارع الحجاز جيبلك كاسيت pioneer نضيف او شوف اللى يناسبك هناك و هو هيركبهولك و يحط فيبر فى الفجوات الباقيه بص طبعا مش هيبقى زى شكل الاصلى بس مش هيبقى و حش يعنى .............. انا عن نفسى غيرت الكاسيت ب DVD بتاع Brilliance من عندهم ده ب 3.5 و جبت سماعتين ورا فى التابوه pioneer 400 watt ب حوالى 500 يعنى كله 4000 .... عايز اقلك انهم جشعين جدا يعنى لو حد يقدر يفيدك باسعار احسن من كده فى حتت ثانيه ممكن بس بصراحه ما شاء الله تحفه و يستاهل يعنى فيه gps و Bluetooth علشان تتكلم فى الموبايل من غير ماتمسكه تتكلم و انت سايق و المايك يوصل كلامك و يرد عليك فى سماعات العربيه و ده عجبنى قوى و وصلة USB و وصلة Ipod w Iphone و فيه طبعا CD Player و Radio و كمان تلفزيون بس تقريبا فيه اريال مخصص او حاجه للتلفزيون علشان يطلع ارسال محترم و كمان هيديلك وصلة علشان لو ركبت كاميرا للباركينج يشغلهالك ... مش فاكر لو فى حاجه كمان ولا لأ بس بجد مرضى جدااااا
المفضلات