الموضوع: الفرق بين محرك ياباني و ألماني

بنسمع عجب العجاب كل يوم على صفحات المنتدى
لذلك أرجوا من الأخوة ابداء الأراء هنا

و أنا فتحت استطلاع للرأي و أرجوا الإجابة بأمانة شديدة حتى تتضح الصورة لجميع الأعضاء

فيه ناس مقتنعة تمام الإقتناع مثلا إن موتور 1300 ياباني أقوى من موتور 1600 كوري أو ماليزي
و نفس الناس فاكره إن الموتور 1000 سي سي ألماني أقوى من موتور 1600 ياباني

يا جدعان و النبي ده كلام يخش العقل ؟؟؟
أزاي موتور بينتج 120 حصان مثلا يبقى أضعف من موتور بينتج 90 حصان مثلا لمجرد أنه كوري مثلا
و ازاي موتور 1000 سي سي ألماني مش قادر يقوم التكييف يبقى أقوى من موتور كورولا ياباني مثلا و 1600 كمان و كل ده علشان ألماني
لذلك أرجوا التصويت و عدم النحياز لرأي عاطفي لذلك أريد أراء فعلية و عملية و ليست عاطفية

عارفين لو الناس مثلا تقول
الألماني هايعيش أكتر من الياباني
و الياباني هايعيش أكتر من الكوري
كدا ممكن الكلام يدخل العقل
إنما الكلام بتاع ده أقوى علشان ألماني و ده أقوى علشان ياباني
يبقى كدا كلام عاطفي بحت و لا يمت للواقع بصلة
و شكرا لكم جميعا