كلام حضرتك يا أستاذ أحمد أكبر دليل على إن قوة المحرك ليست ببلد صنعه
و يرد على مُشكك في الكلام ده
و شكرا مرة أخرى على الحيادية التامة و الأمانة في نقل تلك المعلومة
بارك الله فيك
عرض للطباعة
للاسف العربيات الالمانى مبقتش قادره على المنافسه اليابانيه، حتى فى الاعتماديه اللى الالمانى مشهور بيه، تويوتا دلوقت بقت اعتماديه جدا ، مفيهاش حاجه بتعطل...
حتى العربيات الرياضيه، اليابانى تكسب بمراحل...هات عربيه زى التيوتا سوبرا او الايفو او الSTI او السكاى لاين...مفيش اى عربيه المانى فى نفس السعر تقدر تنافسهم، ممكن الR32 و هتتبهدل قصادهم...و قابليتهم للتعديل غريبه
لا ده كلام فى الأوت خالص!!
أولا مفيش حاجة اسمها الاعتمادية المطلقة, و مفيش عربية متعطلش.
فى ال5 سنين الأولى, ممكن نقول انو تويوتا اعتمادية الى حد ما, لكنها لا ترقى الى اعتمادية المرسيدس أو البى ام و التى يتم اجراء الصيانة لها كل 25 ألف كيلو!!(التويوتا مثل كل السيارات العادية كل 10 ألاف كيلو).
بالنسبة للتحمل, فان الألمانى بيتحمل القيادة العنيفة بشكل كبير, عكس اليابانى, و أنا شفت عربية لانسر عمود الجيربوكس بتاعها اتكسر لمجرد انو السائق قام ب"التفويت", طبعا لا يخفى عليك انو حاجة زى دى مش ممكن تحصل فى أى عربية أوروبى و لا أمريكانى.
أما بالنسبة للعمر, فالألمانى عمره أطول بمراحل, و الأوروبى عموما, و بنظرة سريعة, بص على أى عربية يابانى بعد 5 سنين و شوف عاملة ازاى, بص على أول سيارات يابانى عرفناها زى السوزوكى سويفت(الى أصبحت النهاردة عاملة زى ال128 مع مراعاة انو ال128 بقالها 30 سنة), و الهوندا سيفيك و تويوتا كورولا القديمة, كلها فقدت رونقها و أدائها و معظمها انهار تماما, عكس السيارات الأوروبية و التى تحتفظ بحالتها لأطول فترة ممكنة, صحيح بعضها فيها بعض الأعطال المفاجئة غير المتوقعة كانقطاع السيور مثلا, أو السخونة, لكن أجزاء السيارة الأساسية تحتفظ باعتماديتها لأطول فترة ممكنة.
بالنسبة للمتانة, فعليك تجربة "الوقوع" فى بلاعة بسيارة يابانية, ثم جرب ذلك مع أى سيارة أوروبية, يا راجل دانتا لو دخلت بسرعة فى مطب بكورولا هتجيب مقصات!! اعتمادية و تحمل ايه بس.
ده الى بيسموه ثقافة التكيفات!!
و دى تعنى انو كل ما السيارة يبقى تكيفها أفضل, كلما كانت أفضل!!
و ده مثل بسمعه من البعض, "اليابانى دى أساسا تكييف و اتعمل حواليها عربية!", فى اشارة الى أن ميزة السيارة الوحيدة هى التكييف فقط!
اللى بيفرق هنا انت عايز ايه من العربيه...
عايز عربيه الاساسيات اللى فيها تعيش 25 سنه و مش فارقه معاك الاعطال الصغيره، يبقى هات المانى.
عايز عربيه تعيش معاك 10 سنين من غير اى اعطال من اى نوع و بعد كده هتبيعها، يبقى هات يابانى.
انا شخصيا لما بشترى عربيه مستعمله اكتر من 6 سنين بجيبها فولكس، لكن لو ربنا رزقنى و جبت زيرو اعتقد هيبقى يابانى او فولكس بردو :d
الصراحه فى حدود السعر بتاع العربيات اليابانى، مينفعش تجيب احسن منها، او هتجيب اوروبى فءه اقل
للاسف يا استاذ فادى حضرتك بتتكلم على اعتقادك الشخصى ولس بتجارب حقيقيه موثوق منها
التويوتا واللكزس واخده المركز التانى على العالم فى الاعتماديه بعد بورش الالمانيه مما يعنى انها اكثر فى الاعتماديه من مرسيدس وبى ام
للاسف حضرتك بتقارن الكورولا بالمرسيدس E مثلا ودى مقارنه غير عادله ممكن تقارن بيها اى موديل من موديلات اللكزس او حتى التويوتا افالون
التويوتا كوورولا بعد تجرتها حوالى 5 اعوام السيارات اعتماديه جدا ولا اعطال بيها مطلقا ومن كتر ما السياره عفشتها ناعمة جدا كنت باخد بيها كل المطبات ومفيش اضرار منها مطلقا او نهائيا وياريت تتاكد من اصحابها من المعلومه دى
الاحظ الكثير من الاعضاء يضلل عن السيارات الاخرى ويقول عنها اشيااء غير منطقيه ولا تحدث انما يقول انها تحصل على حسب هواه ولتقليله من السياره بدون اى سبب
واذدا كانت الكورولا بتقطع مقصات من مطب ما حال السيارات الكورويه او حتى اللانسر او حتى الصينى ........على كدا كان زمان العربيات الصينى اتكسرت فى اى مطب
اسف انى طلعت بره الموضوع بس انا واحد من الناس مقدرش اتكلم فى موضوع زى ده لانى مش متأكد من معلوماتى مصدرها ايه و لا انا دارس ميكانيكا عشان اقول رايى ولو متواضع...لكن اتمنى ان اى معلومة ولو صغيرة اتذكرت تكون صحيحة و يكون صاحبها متأكد منها 1000% لان فى ناس كتييييييييييير داخلة المنتدى بغرض الاستفادة اكتر من الافادة..بتمنى الاذدهارو التقدم دايما للمنتدى
مينفعش تقارن المرسيدس بأى سيارة يابانية حتى لو كانت لكزس, مرسيدس يسمونها النجمة التى تقود الجميع, هى تقود الجميع فى مجال السيارات الفارهة, و سيارات مرسيدس هى نافذة لما سوف تصبح عليه صناعة السيارات بعد 10 سنوات.
و اللكزس محاولة يائسة من تويوتا للدخول فى مجال السيارات الفارهة, و المنافسة على صعيد تقديم سيارة فارهة لكن بسعر أقل, تماما مثل فولكس فانتوم.
عموما هذا القطاع من السيارات يحتاج الى اسم عريق و هو ما لا تملكه تويوتا.
مرسيدس ممكن نقارنها بألفاروميو أو بى ام و بشكل أقل فولفو و ساب و كاديلاك و بويك و لنكولن و لانسيا, و ديه الشركات المنافسة ليها,
و فى الفئة الأعلى (التى تصنع بعضها باليد) ممكن نقارن بين جاجوار و رولز رويس و بنتلى و مازيراتى.
فى الفئة الرياضية لا وجود لليابانيين تماما, و تسيطر الشركات الايطالية مثل فيرارى و لامبرجينى على هذه الفئة تماما, و تأتى بورش الألمانية خلفهم بمراحل, و أرخص سيارة من فيرارى ثمنها أغلى من أعلى فئة فى بورش, حيث يبلغ مثلا سعر فيرارى اف 430 (أرخص فيرارى متوفرة)173 ألف دولار فى الولايات المتحدة, أما أغلى موديل من بورش (بورش 911 تيربو) سعرها 126 ألف دولار. بينما يقتصر اليابانيون على السيارات الكوبيه الرخيصة التى تقدم حد أدنى من الأداء الرياضى, و كلها تلعب فى حدود ال40-70 ألف دولار. ففى مجال السيارات السوبر الرياضية و سيارات السيدان الرياضية و السيارات الرياضية الصغيرة تسيطر الشركات الايطالية بشكل قاطع من خلال الثلاثى فيرارى, ألفاروميو(سيدان رياضية), فيات-أبارث(سيارات رياضية صغيرة Hot Hatch), هذا طبعا ناهيك عن شهرة السيارات الايطالية العادية بالطابع الرياضى المعزز.
الخلاصة أن السيارات اليابانية هى جيدة بالنسبة لسعرها فى الفئة الاقتصادية, و منافسة جدا على صعيد معادلة السعر/ القيمة, لكن ليست لها أى اسم أسطورى أو عراقة, كما أننى و بشكل خاص أعتبرها شركات تهتم بالمبيعات أكثر من أى شىء, لدرجة أنها تقوم بنسخ السيارات الناجحة و الأفكار التى "ضربت" بسعر أقل, كما حدث مع تويوتا عندما قدمت "ميجا كروزر" التى تشبه الهامر و الاف جى كروزر التى تتشابه مع الاتش3, و ميتسوبيشى التى قدمت سيارة تتشابه مع ألفاروميو 156 من الخلف(لانسر), و لها تاريخ سىء أشرت اليه مرار و تكرار, الى جانب عدة عيوب أخرى ليس هذا مكانها. و هى لها مميزات السيارة الأمريكية مثل (الراحة, سهولة القيادة و النعومة), و عيوب السيارة الأمريكية أيضا مثل (عيوب الثبات, الأداء الفقير), و تركت بعض مميزات السيارات الأمريكية مثل القوة, و المتانة, فالسيارة اليابانية هى تصغير للسيارة الأمريكية , و ذلك حتى نكون منصفين, و لا ننسى أيضا أن الشركات اليابانية فيها ميزة مهمة جدا ساهمت فى انتشارها, و هى شىء تجاهلته العديد من الشركات و كان السبب فى تضاؤل مبيعاتها, ألا و هو خدمة ما بعد البيع, و التى تتميز به الشركات اليابانية.
عموما, أنا معايا حاليا عربية شاهين موديل 2006, داخل على ال45 ألف كيلو, و العربية اعتمادية جدا و لم أواجه أى مشكلة حتى الأن, مع ان الكثيرين بيعتبروها سيارة تفتقد للاعتمادية, الا اننى و عن تجربة شايف العكس تماما.
انتو اتنقلتو تاني للصناعه اليابانيه و الاوروبيه
و نسيتوا ان الموضوع عنن المحركات ياشبااااااااااب