كنت عايز اعرف الفوطة الزفرة دى بتتعمل ازاى
وكيفية استعمالها
فوائدها واضرارها
عرض للطباعة
كنت عايز اعرف الفوطة الزفرة دى بتتعمل ازاى
وكيفية استعمالها
فوائدها واضرارها
فوطة قطن عادي تحطها في زيت و جاز و تسيبها في الشمس شوية و بعد كده استخدمها تحفة !!!
حبة زيت وحبة جاز على الفوطة وبقت زفرة يا معلم
وتستخدمها لتلميع العربية من الأوساخ
اضرارها - بتوسخ اليد :)
منافعها بتنضف العربية
زيت من بتاع غيار الزيت بتاع العربيه
اوعععععععي تعملها بزيت باكم
ههههههههههههه
تلمع العربيه تلاقيها من غير لون
الفوطه الزفره علي حق هي حده قماش صوف اصلي وتتنقع عند الميكانيكي بزيت الموتور والجاز وعملتها من 5 سنين واخد مني خمسه جنيه !!!!!
بس ديه تعيش علي طول وتزيل التراب فورا وتلمع العربيه
وانت بتغير زيت خلي الراجل يعمهالك سهل اوي الموضوع ده اديله الفوطه نضيفه و هو عليه الباقي
بس متنسوش حاجة يا جماعه..
ان الفوطة الزفرة دي بتبقي عرضه جامد ان التراب يمسك و يلزق فيها.. (بحكم وجود الزيت..)
و مشكلة كده انك ممكن تلمع بيها العربية و هي فيها تراب.. و تخربش العربية او تأثر في البوية او حتي طبقة الورنيش اللي فوق البوية..
السؤال بقي.. هل ممكن انها تتغسل بمية كده بس هينزل التراب منها ..؟؟ (انا عن نفسي اشك في كده..)
بالنسبة لأنها بتوسخ الايد.. هتلاقي كل الناس بلا استثناء بتعمل ايه..؟؟
بتبقي حطاها في كيس بلاستيك صغير كده.. و لما تيجي تستعملها تقوم تقلب الكيس علي ايدك.. هيبقي الناحية النضيفة علي ايدك و ماسك بيها الفوطة..و تنضف و لما تخلق تقوم قالبها بنفس الطريقة..
و تربط الكيس و هووووب تقوم حادفه في شنظة العربية..
السلام عليكم
بمرة سالت بتاع الدكو (بوهيجى) عن الفوطه الزفرة فقالى انها مع الاستعمال الفوطة بتلم حبيبات التراب وتعمل زى السنفرة الناعمة على البويه ونصحنى بعدم استعمالها.
بس انا شايف ان ممكن نستعملها لفترة صغيرة شهرين ثلاثة مثلا ثم نغلسها ونزفرها مرة تنانية وهكذا بحيث الترب ما يلزقش فيها
الله ينور عليك يا باشا..
كده فعلا حل كويس قوي.. و اكيد خبرة بتاع ادوكو في الموضوع ده مهمة ورأيه يحترم..
كل واحد ادري بشغله..
ألا هو لازم يكون زيت موتور مستخدم؟؟ :)
أصل لما الواحد بيغير زيت بيتبقى في الجركن شوية صغيرين
ينفع يبقى يتسخدمه؟
اوية طبعا يا باشا..
بس هو عادة الناس بتقول مستخدم عشان مش هتشتري زيت جديد و تعمل بيه..
بقي ببلاش يعني.. و كمان ممكن ان الزيت اللي بيفضل بعد الغيار عندك ده يكون اكتر من 0.5 كيلو.. تخليهم و بعد كام غيار هيعمل معاك غيار كمان.. ده لو حبيت طبعا.. بس يكون نفس النوع و المصنع.
لازم كمان تتساب تتخمر في الزيت و الجاز
يوم و لا يومين علشان مفعول التنظيف يبقى
عالي
طيب و نسبة الزيت و الجاز ايه..؟؟
يعني الزيت يبقي قد الجاز..؟؟
ولا الزيت اكتر ولا الجاز اكتر..؟؟
عشان انزل اخمر لي فوطة ولا 2.. :)
أنا بستخدم الجاز بس وبتنضف وبتلمع العربية روعة
وبعد كل تنضيفة بنفضها وبنزل التراب من عليها
وكل كام أسبوع أنقعها فى حوالى لتر جاز أو أقل
منها بيشيل التراب اللى عليها ويترسب فى القاع ومنها بجددها
وبعدين أنشرها فى الشمس علشان ريحة الجاز تخف شوية
بس حقيقى تحفة
مممم
الف شكر يا باشا علي المعلومة..
خملالنا يابني فوطتين بس سيبهم يعتقوا.. :)
انا جربتها من غير زيت حطتها في الجاز يوم و كانت بتلمع كويس
معلومات مفيده جدا
بس للعربيات الزيرو الشمع بيبقي احسن كتير
طيب ممكن بدل الجاز أحط بنزين ؟؟
أصلى عندى شوية بنزين كنت محتفظ بيهم انضف بيهم الهدوم لو بقعت
اسلام بك..
الشمع حاجة و تلميع العربية بفوطة زفرة حاجة تانية..
الشمه بيتعمل كل فترة حوالي من 3 الي 6 شهور.. و بيتع=مل بطريقة معينة.. الاخ الفاضل نادر نبيل كان عامل موضوع بالصور عن الموضوع ده..
http://www.nilemotors.net/Nile/showthread.php?t=23055
و ده لا يمنع ان الواحد ينضف عربيته :)
التلميع القصد بيه ان الواحجد يمسح التراب بس من العربية..
و يفضل طبعا انه الواحد يغسل العربية بالمية عشان الفوطة الزفرة لو جه عليها تراب ممكن تخربش البوية.. بس مش دايما بيبقي متاح ان الواحد يعمل العربية بالمية و الفوم...
الاخ الفال اسلام خضر.. :)
البنزين بيتطاير..لو حطيته في فوطة بعدها بدقيقة مش هيفضل.. هتلاقيها ناشفة اكتر م الاول.. مينفعش..
بعد الشمع فوطة نضيفة كفاية بدون مخاطر تجريح البويه
و بعدين إزالة التراب بتبقي اسهل بمراحل حتي باستخدام الفوطة الزفرة
يا جماعه في هايبر او كارفور في عبوة اسبراي لونها احمر وطويله زي علبة الريد كده هتلاقيها مع المنظفات
دي عبارة عن اسبراي علشان يظفر اي فوطة بيت او مساحة الشراشيب او مساحة العربيه
بتظفر بها اي حاجه من دول وبتخليها تلم التراب وتلمع مكانه كمان والعلبه بــ 11 جنيه بس انظف من الزيت علشان ميأثرشي على المدى الطويل على البوية
لو انا استخدمتها مها الاكصدام فى مشكله انا الاكصدام عندى فبر (شاهين) هى لمعت الاكصدام جامد ذى الاسبريه بالظبط بس هل هتعمل الفوطه الزفره حاجه فيه زى مثلا تخليه يشقق وهى بالفوطه بتبقى رطبه ولا بنستنى اما تنشف خالص
على فكره يا احمد موجود في عوض الله بيجيبه عالطول
بس انا بقالي فتره مروحتش عنده فمش عارف موجود ولا لأ
عالعموم يا جماعه انا صورة العبوة وهيا اسمها ARRAFFA
والعبوة سعرها 11 جنيه فقط
وبترشها على اي فوطة او قماشة لتنظيف التراب من على اي سطح وتلميعه في نفس الوقت
وعلى فكره في برضه حاجه زي كده بس مش اسبراي كانت سائل موجوده في داري بس مش فاكر اسمها خالص
بس ممكن اللي يروح داري يسأل هيا بتبقى بجوار فوط تنظيف التراب الألمانيه
كده نقول وداعا للفوطة الزفرة ..
وداع ايه انا استخدمت الفوطه الزفره وبعد ما استخدمتها روحت مشوار وبعد مارجعت لاقيت العربيه عليها كوم تراب الجاز الى كان على العربيه لم التراب الى فى الشارع كله
يبقى احسن حل ال Arraffa
ولا انتو ايه رايكو
طيب ليه تزفرو الفوطة
بخاخة مياه ورترش شوية على الفوطة وتلمع هتلمع كويس جدااا
ومش هتسيب تراب خـــالص ولا زفارة ولا حاجة خالص
الفوطة بالمية بتنظف بس مبتديش لمعة كويسة و كمان مش بتنظف بسهولة ,
أما الفوطة الزفرة بتنظف بسهولة و بتدي لمعة كويسة ,
لو المقادير مش مضبوطة هتلاقي بواقي من الفوطة الزفرة على العربية و مبتبانش قوي و لكن بتلم التراب بسرعة ,
و علشان تعمل فوطة زفرة كويسة تجيب فوطة قطن و يفضل كبيرة و تحطها في جاز حوالي ساعتين على الأقل و ده لو كانت مش نظيفة أما لو كانت جديدة أو نظيفة يبقى تبلها كويس في الجاز و بعدن تنشرها من يوم ليومين و بعدين تحط نقط زيت موتور (جديد أو قديم) ,
و تستخدمها و هتبقى زي الفل ,
فيه اليد اللي فيها شراشيب و دي بتبقى زفرة و هي جديدة بس أقل من الفوطة اللي اتكلمنا عليها و بتنظف كويس و سهلة و ما بتوسخش اليد و بعد فترة لما تتوسخ الشراسيب يبقى ذي ما عملنا في الفوطة الزفرة , تحطها في الجاز لمدة يوم و تسيبها في الهواء لمدة يومين و تحط عليها كام نقطة زيت و كله يبقى تمام .
انا ماقولتش تبل الفوطة بالماية خالص انا قولت بالبخاخة تشرش على الفوطة
الناشفة بسيط تكون مندية كده وتلمع بيها هتشيل التراب كويس جدااا ومش
هتطفى لمعة الطلاء خـــالص وانا مجربها اكثر من مرة
ملحوظة لازم الفوطة تكون نظيفة
وكل مرة ترشها تكون نظيفة يعنى ماتلمعش العربية بيها وبعدين تسيبها تنشف
وتانى يوم ترشها بالبخاخة وتلمع لا لازم تغسلها وتسيبها تنشف قبلها وبعدين
قبل ما تلمع ترشها بالبخاخة