لا يا ريس حاول تروح تطلعاه بدون اي واسطة او فلوس
انا طلعتها عندي بدون دفع قرش زيادة و في خلال ساعة بالامتحان النظري و العملي و بالرخصة
هتروح و تتسال ع العلامات المرورية علي الكومبيوتر او ع اللوحة
و اتمني الموضوع ده يفيدك
http://www.nilemotors.net/Nile/238043-a.html
و بعدين هيمتحنوك الامتحان العملي و ده يا اما حرف s يا اما حرف u
اهم حاجة تكون معاك عربية صغيرة و تكون مسخنها كويس قبل ما تدخل لو قدية و يفضل تكون جديدة حاجة زي الماروتي
و تحط الحزام و لو هتلف يمين او شمال تدي اشارة و لو هتاخد مطب تدي انتظار و هكذا
و تقعد مرتاح و هادي و واثق من نفسك مش متعصب او خايف
لأن كل ده بيتم مراعاته اثناء الاختبار و ده اللي انا عملته و الحمد الله خدتها
و سمي و توكل ع الله قبل ما تدخل و ان شاء الله تخلصها
فيه نقطة عشان محدش يوقفلك ورقك لو بتلبس نضارة الصور اللي هتوديها تكون لابس فيها نضارة ممكن واحد يعديها و ممكن واحد لأ
و لما تيجي ياخدولك الصورة بتاعت الرخصة زي البطاقة يعني اقلع النضارة
و بالتوفيق ان شاء الله
المفضلات