ازاى اوطى او اعلى ماتور اللانوس؟؟
عرض للطباعة
ازاى اوطى او اعلى ماتور اللانوس؟؟
؟؟؟؟:fool:!!!!!!:fool:
عزيزى موتور اللانوس لا تسطيع أن تعليه أو تخفضه وذلك لأنه قائم على تحكم كامل من خلال بوردة كمبيوتر تأخذ وتعطى أوامر من خلال الحساسات الموجوده بالموتور .
الكلام دوا فى العربيات الى فيها كرباتير
لا دة فى الانجكشن بس
MMamdouh
[quote=MMamdouh;269556]لا دة فى الانجكشن بس
ممكن اعرف يعنى ايه فى الانجكشن بس؟؟
طيب يا ريت حد مشكور ، يقولنا ايه هو اصلا تعلية و توطية الماتور ؟؟
الكنترول يونت هي اللي بتتحكم في كهربة الموتور
وبتظبط الشرارة كمان حسب الموقف.
تعلية وتوطية الموتور في العربيات الكربياتير.
امال الميكانيكى الحمــ ......... عمل اية بالظبط :arghh:
اصل وهوة بيغير البوجيهات قالى حد معليلك الماتور قلتة لآ , بس بحس انها عالية شوية,,
راح جايب بنسة و ربط او فك صمولة معينة على اساس انة بيوطى العربية,,
ربنا يستر وميكنش خرب حاجة,,:angry:
ربنا يسترها معاك من الحمـــ .... ده
تعلية و توطيه الموتور مصطلح المقصود بيه تغيير سرعة السلانسية للمحرك... فى العربيات الكربراتير بيتم تعديل السرعة دى من خلال مسمار بيتحكم فى وضع البوابة
اما فى المواتير الانجكشن فا التحكم فى سرعة السلانسية بيتم عن طريق الايدل كونترولر و بالتالى مهما تلعب فى المسمار الكمبيوتر حيرجع يعدل سرعة السلانية عشان تبقى مضبوطة على القيمة اللى الفروض يتكون عليها
MMamdouh
اقولك انا و ارجو الأستاذ ممدوح يأكد كلامي او ينفيه
انا من عشاق الروقان و المشي بالراحة و طوول عمري رجلي خفية مووت على "دواسة البنزين"
و لما جبت الانوس لقيت اني بضطر ادوس اكتر من المعتاد علشان اطلع و العربية متكركرش مني و او تترجرج و لأن مشوار البدالات فيها طويل "كما قال الأستاذ سبعاوي" قمت بلف المسمار المذكور 180درجة مع حركة عقارب الساعة "ربطه زيادة يعني نص لفة"
و لاحظت ان ابسط دوسة على البنزين بتخللي العربية تقفز من مكانها و مشوار دواسة البنزين بقى اقصر و اريح ولا يوجد اي تأثيرات اخرى على الإطلاق الا ان التكييف اتحسن في السلانسيه اكثر من المعتاد بصورة ملحوظة
عشان لازم البوابة تبقى فى وضعها الصحيح فى السلانسية
واحد يقولى يا كابتن لطيف تفرق ايه طالما الايدل كونترولر هو اللى بيظبط سرعة السلانية؟؟
اقولة ان وضع البوابة الصح بيخلى الايدل كونترولر فى وضعة الطبيعى للتشغيل بمعنى لو انت فتحت البوابة من المسمار عشان تزود السرعة و الايدل قفل بمقدار مساوى للفتحة اللى فتحتها حيبقى الايدل كونترولر قافل بنسبة 80% مثلا بدلا من 50% و بالتالى قدرتة على انه يفقل مجرى الهوا اصبحت 20% فقط بدلا من 50% فى ظروف التشغيل العادية
و العكس بالعكس لو قفلت حيضطر يفتح و بالتالى قدرتة على الفتح حتقل لان مبقاش فاضل فى المشوار اللى بيتحرك فيه غير 20% فقط
MMamdouh
تم حذف الرسالة لعدم وجود محتوى
ويرجى مراجعة قوانين المنتدى
وشكرا
الادارة 3
طالما غيرت وضع المسمار يبقى غلط
MMamdouh
انا كان عندى تسقيف فى الاول والتانى لان كان الميكانيكى كان فك المسمار شوية ولما ربطت المسمار لفة واحدة فى اتجاة عقارب الساعة راح التسقيف :)
المسمار ده بيقى بالظبط كده كتشبيه(زى مسمار الهواء بتاع الكاربوراتير العادى)....وخطا كبير أعاده الرجلاش له بواسطة أى ميكانيكى........لأن صانع المحرك بيقوم بضبط الرجلاش لهذا المسمار على وضع محدد.......وبيكون معمول له فترة ضخ بنزين محدده بوحده التحكم....ومقنن بطريقه معياريه لضبط نسبه الهواء(اللى بيتم مروره من خلال بلف الأيدل).....على أساس حيقابله كميه بنزين معينه(وحدة التحكم حتنبه الرشاشات بقيمتها)....طبعا الكلام ده بيتعمل والعربيه لسه خارجه من المصنع.........أما مع التقادم وحدوث أخفاق أو خلل معين فى بعض مكونات دائرة الحقن.....بيلجأ الميكانيكيه اللى أعاده عمل رجلاش لهذا المسمار....وقد يستطيع التغلب على المشكله وعلاج الاخفاق الموجود فى عملية الحريق........ودى طبعا من ضمن المعجزات اللى بيعملها الفتوات بتوعنا....لأنه بيحاول يلاشى عيب فى الدايره....وممكن يضيع بلف الأيدل كنترولر أويبوظ جسم منطقة الخانق
طالما مش عارف تحدد قيمة سرعة السلانسيه.....يبقى ماتعملش حاجه فى المسمار.....لأن ممكن تفتح عليه شويه تلاقى المحرك بيرعش على السلانسيه....وتضطر تقفل على المسمار تانى.......وده مش كويس زى ماقولنا قبل كده والمفروض ماكنش يحصل أساسا(بس حنعمل ايه للدكاتره بتوعنا).......بس ماقولتليش العربيه بدور معاك كويس(من أول مره ياعنى)....وايه أخبار استهلاك البنزين معاك.....انا حاسس أنك حتقول الاستهلاك عالى
اللانوس فيها Idel Speed Control اوتوماتيك وده بيظبط السلانسيه من غير تدخل خارجي ورجلشة المسمار مأعتقدش حتظبط السلانسيه
لازم تعمل حاجة اسمها Idel Learn عشان الموتور يتظبط تاني
بس مش عارف في الانوس ايه الخطوات بتاعته بالظبط.
يبقى كده بارك الله فيما رزق........وليبقى الوضع على ماهو عليه..................وتـــــــــــوبه بقه يا أستاذ/أحــــمد تخللى ميكانيكـــــــى يقرب من المسمار ده تـــــــــــانى....علشان ممكن تبوظ المانيفولد بمكوناته.....والحمد للـــــــــــه انها جت لحد كده..